ଉତ୍ତରକାଶୀ ଟନେଲ ଟ୍ରାଜେଡିକୁ ସପ୍ତାହେ; ଘଟଣାସ୍ଥଳରେ ଅଷ୍ଟ୍ରେଲିଆ ବିଶେଷଜ୍ଞ ଦଳ

Published By : Prameya-News7 Bureau | November 18, 2023 IST

ଡେରାଡୁନ୍: ଟନେଲ ଟ୍ରାଜେଡି ସପ୍ତାହେରେ ପହଞ୍ଚିଲା । ପ୍ରାୟ ୧୪୦ ଘଣ୍ଟା ପରେ ବି ସୁଡ଼ଙ୍ଗ ଭିତରୁ ୪୧ ଶ୍ରମିକଙ୍କୁ ଉଦ୍ଧାର କରାଯାଇ ପାରୁନାହିଁ । ଶୁକ୍ରବାର ଅତ୍ୟାଧୁନିକ ଡ୍ରିଲି ମେସିନରେ ଡ୍ରିଲିଂ ଚାଲୁଥିବା ବେଳେ ଚଟାଣରୁ ମାଟି ଅତଡ଼ା ଖସିଥିଲା । ଅନ୍ୟପଟେ ମେସିନ୍ ବିୟରିଂ ମଧ୍ୟ ଭାଙ୍ଗିଯାଇଥିଲା । ଫଳରେ ରେସକ୍ୟୁ ଅପରେସନ ବାଧାପ୍ରାପ୍ତ ହୋଇଥିଲା । ଏହାପରେ ବିୟରି ମରାମତି କରାଯାଇ ପୁଣି ଥରେ ଡ୍ରିଲିଂ କାର୍ଯ୍ୟକୁ ଆରମ୍ଭ ହୋଇଛି ।

wp:embed {"url":"https://www.prameyanews7.com/chatgpt-boss-sam-altman-fired-openai-removes-him-from-ceo-post/","type":"wp-embed","providerNameSlug":"prameya-news-7"}
https://www.prameyanews7.com/chatgpt-boss-sam-altman-fired-openai-removes-him-from-ceo-post/
/wp:embed

ରେସକ୍ୟୁ ଅପରେସନକୁ ସ୍ପିଡ୍ କରିବା ପାଇଁ ରେଲ୍ ବିକାଶ ନିଗମ ଲିମିଟେଡର ଅଷ୍ଟ୍ରେଲିଆର କାଂସଲ୍‌ଟେସି କମ୍ପାନୀର ସହଯୋଗ ଲୋଡ଼ା ଯାଇଛି । କମ୍ପାନୀର ବିଶେଷଜ୍ଞ ଦଳ ଉତ୍ତରକାଶୀରେ ପହଞ୍ଚି ନିରୀଷଣ କରିଛନ୍ତି । ଅନ୍ୟପଟେ ଇନ୍ଦୋରରୁ ଏୟାର ଲିଫ୍ଟ କରି ଏକ ଡ୍ରିଲିଂ ମେସିନ୍ ଅଣାଯାଇଛି । ଏହି ମେସିନକୁ ସଡକ ପଥରେ ଉତ୍ତରକାଶୀ ନିଆଯାଇବ । ପରେ ଡ୍ରିଲିଂ କାମ ଆରମ୍ଭ ହେବ ।

ସୁଡ଼ଙ୍ଗ ଭିତରେ ୧୭୫୦ ହର୍ସପାଓ୍ବାରର ଔଗର ମେସିନ୍ ଚାଲିବା ଫଳରେ କମ୍ପନ ସୃଷ୍ଟି ହେଉଛି । ଫଳରେ ଟେନର ସନ୍ତୁଳନ ବିଗିଡ଼ି ଯାଇଛି । ବିଭିନ୍ନ ସ୍ଥାନରୁ ମାଟି ଅତଡ଼ା ଖସିବାର ଅଶଙ୍କା ରହୁଛି । ତେଣୁ ଡ୍ରିଲଂ କାମ ରହି ରହି ହେଉଛି । ସୁଡ଼ଙ୍ଗ ଭିତରେ ଫସି ରହିଥିବା ୪୧ ଶ୍ରମିକଙ୍କୁ ଉଦ୍ଧାର କରିବା ଲାଗି ଦିନରାତି ଅଭିଯାନ ଜାରି ରହିଛି । ୮୦୦ ମି.ମି ଓ ୯୦୦ ମି.ମି. ବ୍ୟାସ ବିଶିଷ୍ଟ ଲୁହା ପାଇପ ମାଧ୍ୟମରେ ଶ୍ରମିକଙ୍କୁ ଉଦ୍ଧାର କରିବା ଲାଗି ଉଦ୍ୟମ ଅବ୍ୟାହତ ରହିଛି ।

wp:embed {"url":"https://www.prameyanews7.com/giridih-horrific-accident-six-people-died-after-scorpio-collided/","type":"wp-embed","providerNameSlug":"prameya-news-7"}
https://www.prameyanews7.com/giridih-horrific-accident-six-people-died-after-scorpio-collided/
/wp:embed

ସେପଟେ ଟନେଲ ଭିତରେ ଫସିଥିବା ଶ୍ରମିକଙ୍କ ମଧ୍ୟରୁ ଆଜି ୨ ଜଣଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇପଡିଛି । ସେମାନଙ୍କ ମଧ୍ୟରୁ ଜଣେ ଶ୍ୱାସରୋଗୀ ହୋଇଥିବା ବେଳେ ଅନ୍ୟ ଜଣେ ଡାଇବେଟିସରେ ପୀଡିତ । ପାଇପ ସହାୟତାରେ ସେମାନଙ୍କୁ ନିୟମିତ ଭାବେ ଖାଇବା ପିଇବା ସହ ଔଷଧ ମଧ୍ୟ ଯୋଗାଇ ଦିଆଯାଉଛି । କେବଳ ଏତିକି ନୁହେଁ ଟନେଲ ଭିତରେ ଫସି ରହିଥିବା ଶ୍ରମିକମାନଙ୍କୁ ସେମାନଙ୍କ ପରିବାର ଲୋକଙ୍କ ସହ ସକାଳେ ଓ ସନ୍ଧ୍ୟାରେ କଥାବାର୍ତ୍ତା ମଧ୍ୟ କରାଇ ଦିଆଯାଉଛି । ଯାହାଫଳରେ କି ସେମାନଙ୍କ ମନୋବଳ ଦୃଢ଼ ରହିବ ।

ସୂଚନାଯୋଗ୍ୟ ଯେ ଗତ ରବିବାର ଅପରାହ୍ନ ୫ଟା ୩୦ରେ ଉତ୍ତରକାଶୀ ଜିଲ୍ଲା ଦେଇ ଯାଇଥିବା ଯମୁନୋତ୍ରୀ ଜାତୀୟ ରାଜପଥରେ ସିଲ୍କୟାରା ଓ ଦଣ୍ଡଲଗାଓଁକୁ ସଂଯୋଗ କରିବା ଲାଗି ନିର୍ମାଣାଧୀନ ଟନେଲ ହଠାତ ଭୁଶୁଡି ପଡିଥିଲା । ଫଳରେ ସେଠାରେ କାର୍ଯ୍ୟ କରୁଥିବା ୪୧ ଜଣ ଶ୍ରମିକ ତା ଭିତରେ ଫସି ରହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.