scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସରିଲା ୫୨ ମିଟର ଭର୍ଟିକାଲ ଡ୍ରିଲିଂ; ପାଇପ୍ ଭର୍ତ୍ତି ପରେ ଉଦ୍ଧାର ହେବେ ଶ୍ରମିକ  

28/11/2023 at 11:23 AM

ନୂଆଦିଲ୍ଲୀ: ଉତ୍ତରାଖଣ୍ଡ ସିଲକ୍‌ୟାରା ସୁଡ଼ଙ୍ଗରେ ଫସିଥିବା ୪୧ ଶ୍ରମିକଙ୍କୁ ଉଦ୍ଧାର ପାଇଁ ଜୋରଦାର ପ୍ରାୟସ ଚଳାଇନ୍ତି ବିଭିନ୍ନ ଉଦ୍ଧାରକରୀ ଦଳ । ସୋମବାର ରାଟ୍ ହୋଲ୍ ମାଇନିଂ ବିଶେଷଜ୍ଞ ଘଟଣାସ୍ଥଳରେ ପହଞ୍ଚି ମାନୁଆଲ୍ ଡ୍ରିଲିଂ ଆରମ୍ଭ କରିଛନ୍ତି । ହାତରେ ଖୋଳିବାକୁ ଆଉ ମାତ୍ର ୬ରୁ ୭ ମିଟର ରହିଥିବା ବେଳେ ଏପଟେ ପାହାଡ଼ ଉପରପଟୁ ଭର୍ଟିକାଲ ଡ୍ରିଲିଂ ଜାରି ରହିଛି । ଉପରରୁ ସମାନ୍ତରଣ ଡ୍ରିଲିଂ ଏପର୍ଯ୍ୟନ୍ତ ୫୨ ମିଟର ହୋଇଥିବା ସୂଚନା ମିଳିଛି ।   

ରେସକ୍ୟୁ ଅପରେସନରେ ନିୟୋଜିତ ଥିବା ଅଧିକାରୀଙ୍କ ସୂଚନା ଅନୁଯାୟୀ, ସୁଡ଼ଙ୍ଗରେ ଅବରୋଧ ହୋଇଥିବା ଅଞ୍ଚଳରୁ ୧୦-୧୨ ମିଟର ଧ୍ବଂସାବଶେଷ ସଫା କରିବାକୁ ରାଟ୍ ହୋଲ୍ ମାଇନିଂ ବିଶେଷଜ୍ଞଙ୍କ ସହଯ୍ୟ ନିଆଯାଉଛି । ଅଗର ମେସିନ୍ ଭାଙ୍ଗିବା ପରେ ଉଦ୍ଧାର କାର୍ଯ୍ୟକୁ ଶୀଘ୍ର ଶେଷ କରିବାକୁ ବିକଳ୍ପ ବ୍ୟବସ୍ଥା କରାଯାଉଛି । ରବିବାର ଠାରୁ ଭର୍ଟିକାଲ ଡ୍ରିଲିଂ ଜାରି ରହିଛି । ପାହାଡ଼ ଉପରେ ଏପର୍ଯ୍ୟନ୍ତ ୫୨ ମିଟର ଭର୍ଟିକାଲ ଡ୍ରିଲିଂ ଶେଷ ହୋଇଥିବା ନେଇ ସୂଚନା ଦେଇଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ । ୧.୨ ମିଟର ବ୍ୟାସରେ ଡ୍ରିଲିଂ ହେଉଛି । ଆଉ ୩୪ ମିଟର ଖୋଳା ଶେଷ ହେବା ପରେ ସଫଳତା ମିଳିବ । ଏଥିରେ ପାଇଁ ଆହୁରୁ ୪୦-୫୦ ଘଣ୍ଟା ସମୟ ଲାଗିବ । ଦ୍ବିତୀୟ ଗର୍ତ୍ତ ତଥା ୮ମି.ମି ବ୍ୟାସ ବିଶିଷ୍ଟ ହୋଲ୍ ଏପର୍ଯ୍ୟନ୍ତ ୭୮ ମିଟର ଡ୍ରିଲିଂ ସରିଛି । ଆଉ ମାତ୍ର ୧୦ ମିଟର ପରେ ଏହା ଶ୍ରମିକଙ୍କ ନିକଟରେ ପହଞ୍ଚିଯିବ । ଫଳରେ  ସଡ଼ଙ୍ଗରେ ଫସିଥିବା ୪୧ ଶ୍ରମିକଙ୍କୁ ଶୀଘ୍ର ଉଦ୍ଧାର କରାଯିବ ।

ଅନ୍ୟପଟେ ରାଟ୍ ହୋଲ୍ ମାଇନିଂ ବିଶେଷଜ୍ଞ ଦ୍ବାରା ଭିତରପଟୁ ମାନୁଆଲ୍ ଡ୍ରିଲିଂ କରାଯାଉଛି । ଗୋଟିଏ ଦିନରେ ୧.୬ ମିଟର ହୋଲ୍ କରି ପାଇପ୍ ଭର୍ତ୍ତି କରାଯାଇଛି । ଏହି ଭଳି ୧୨ ମିଟର ହାତରେ ଖୋଳାହେବ । ଟନେଲରୁ ଶ୍ରମିକଙ୍କୁ ବାହାର କରିବା କାର୍ଯ୍ୟକ୍ରମ ମଧ୍ୟ ଆରମ୍ଭ ହୋଇଯାଇଛି । ଏପଟେ ଶ୍ରମିକଙ୍କ ପରିବାର ଲୋକଙ୍କୁ ମଧ୍ୟ ଡକରା ହୋଇଛି । ଆମ୍ବୁଲାନ୍ସ, ମେଡିକାଲ ଟିମ୍ ପ୍ରସ୍ତୁତ ହୋଇଛନ୍ତି । ଜରୁରୀକାଳୀନ ସ୍ଥିତି ପାଇଁ ହେଲିକପ୍ଟର ମଧ୍ୟ ମୁତୟନ ହୋଇଛନ୍ତି । ଭାରତୀୟ ସେନା ମଧ୍ୟ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି ।  

   Related Posts