ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତିରଥ ସିଂ ରାଓ୍ବତଙ୍କୁ ଦିଲ୍ଲୀ ଡକାଇଲେ ହାଇକମାଣ୍ଡ, ଉପ-ନିର୍ବାଚନ ରଣନୀତି ନେଇ ହୋଇପାରେ ଆଲୋଚନା

30/06/2021 at 12:22 PM

ନୂଆଦିଲ୍ଲୀ ୩୦।୬: ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତିରଥ ସିଂ ରାଓ୍ବତଙ୍କୁ ବିଜେପି ହାଇକମାଣ୍ଡ ଅଚାନକ ଦିଲ୍ଲୀ ଡକାଇଛନ୍ତି । କୁହାଯାଉଛି ଯେ, ଆଜି ପାଇଁ ଧାର୍ଯ୍ୟ ହୋଇଥିବା ମୁଖ୍ୟମନ୍ତ୍ରୀଙ୍କ ସମସ୍ତ କାର୍ଯ୍ୟକ୍ରମ ବାତିଲ କରାଯାଇଛି। ମୁଖ୍ୟମନ୍ତ୍ରୀ ଆଜି ଦିଲ୍ଲୀ ଅଭିମୁଖେ ବାହାରିଯିବେ । ତାଙ୍କୁ ଦିଲ୍ଲୀରୁ ଡକରା ଆସିବାର କୌଣସି କାରଣ ଏପର୍ଯ୍ୟନ୍ତ ଜଣାପଡିନାହିଁ।

କୁହାଯାଉଛି ଯେ, ମୁଖ୍ୟମନ୍ତ୍ରୀଙ୍କୁ ଦଳ ହାଇକମାଣ୍ଡ ଉପ-ନିର୍ବାଚନ ପାଇଁ ରଣନୀତି ଉପରେ ବିଚାର କରିବାକୁ ଡକାଇଛନ୍ତି । ମୁଖ୍ୟମନ୍ତ୍ରୀ ବିଜେପିର ତିନି ଦିନିଆ ଚିନ୍ତନ ଶିବିରରୁ ଫେରିବା ପରେ ତାଙ୍କୁ ଦିଲ୍ଲୀରୁ ଏହି ଡକରା ଆସିଛି । ଉପ-ନିର୍ବାଚନକୁ ନେଇ ଚିନ୍ତନ ଶିବରରେ ପାର୍ଟି କୋର୍ ଗ୍ରୁପର କିଛି ପ୍ରମୁ ନେତାମାନଙ୍କ ମଧ୍ୟରେ ଆଲୋଚନା ହୋଇଥିଲା। ମୁଖ୍ୟମନ୍ତ୍ରୀଙ୍କୁ ଦିଲ୍ଲୀ ଡକାଇ କେନ୍ଦ୍ରୀୟ ନେତୃତ୍ବ ତାଙ୍କ ସହ ଏହି ବିଷୟରେ ବିସ୍ତାର ଭାବେ ଚର୍ଚ୍ଚା କରିପାରନ୍ତି ।

 ଉତ୍ତରାଖଣ୍ଡ ବିଧାନସଭାର ଦୁଇଟି ଆସନରେ ଉପ-ନିର୍ବାଚନ ଅନୁଷ୍ଠିତ ହେବ।  କୁହାଯାଉଛି ଯେ, ମୁଖ୍ୟମନ୍ତ୍ରୀ ତିରଥ ସିଂ ରାଓ୍ବତ ଗାଙ୍ଗୋତ୍ରି ଆସନରୁ ଉପ-ନିର୍ବାଚନ ଲଢିପାରନ୍ତି ।  ଯଦିଓ ବର୍ତ୍ତମାନ ନିର୍ବାଚନ ଆୟୋଗ ପକ୍ଷରୁ ଉପ-ନିର୍ବାଚନ ଉପରେ ନିଷେଧାଦେଶ ଜାରି ରହିଛି । ନିୟମ ଅନୁଯାୟୀ ୧୦ ସେପ୍ଟେମ୍ବର ପୂର୍ବରୁ ମୁଖ୍ୟମନ୍ତ୍ରୀଙ୍କୁ ନିର୍ବାଚିତ ହେବାକୁ ପଡିବ।  କେନ୍ଦ୍ରୀୟ ନେତୃତ୍ବ ଏବଂ ମୁଖ୍ୟମନ୍ତ୍ରୀ ତିରଥଙ୍କ ମଧ୍ୟରେ ଏହି ବିଷୟଗୁଡିକ ଉପରେ ଆଲୋଚନା କରାଯାଇପାରିବ ବୋଲି ବିଶ୍ବାସ କରାଯାଉଛି ।

 ମୁଖ୍ୟମନ୍ତ୍ରୀ ତିରଥ ସିଂ ରାଓ୍ବତଙ୍କୁ ବୁଧବାର ମହାଲକ୍ଷ୍ମୀ ଯୋଜନାର ଶୁଭାରମ୍ଭ କରିବାର ଥିଲା । କିନ୍ତୁ ତାଙ୍କୁ ଦିଲ୍ଲୀରୁ ଡକରା ଆସିବା ପରେ କୁହାଯାଉଛି ଯେ, ମହିଳା ସଶକ୍ତିକରଣ ଏବଂ ଶିଶୁ ବିକାଶ ବିଭାଗର ଏହି ଯୋଜନାର ଶୁଭାରମ୍ଭ ବର୍ତ୍ତମାନ ସ୍ଥଗିତ ରଖାଯାଇଛି।  ତାଙ୍କର ଅନ୍ୟାନ୍ୟ କାର୍ଯ୍ୟକ୍ରମ ମଧ୍ୟ ସ୍ଥଗିତ ରଖାଯାଇଛି।

   Related Posts