ଲକ୍ଷ୍ନୌ: ଉତ୍ତର ପ୍ରଦେଶର ଫତେପୁର ଜିଲ୍ଲାରେ ଅମାନୁଷିକ କାଣ୍ଡ । ଦୁଇ ନାବାଳିକାଙ୍କୁ ଅପହରଣ କରି ୬ଜଣ ଯୁବକ ଗ୍ୟାଙ୍ଗ ରେପ୍ କରିଥିବା ଅଭିଯୋଗ ହୋଇଛି । ଖବର ସମ୍ନାକୁ ଆସିବା ପରେ ଏସପିଙ୍କ ନେତୃତ୍ବରେ ସ୍ଥାନୀୟ ପୋଲିସ ତଦନ୍ତ ଆରମ୍ଭ କରିଛି । ଘଟଣାରେ ସମ୍ପୃକ୍ତ ୬ଜଣ ଅଭିଯୁକ୍ତଙ୍କୁ ପୋଲିସ ଗରିଫ କରି ରଖି ପଚରାଉଚରା କରୁଛି। ଏହା ସହିତ ଦୁଇ ନାବାଳିକାରୁ ଡାକ୍ତରୀମାଇନା ପାଇଁ ପଠାଇଛନ୍ତି ।
ସୂଚନା ଅନୁଯାୟୀ, ହନୁମାନଗଞ୍ଜ ଥାନା ସେନପୁର ଗାଁରେ ଏହି ଘଟଣା ସାମ୍ନାକୁ ଆସିଛି । ଗାଁରେ ସୋଭନ ସରକାର ମେଳା ୫ଦିନ ଧରି ଚାଲିଛି । ହନୁମାନଗଞ୍ଜର ଗୋଟିଏ ଗାଁରୁ ୭ଜଣ ନାବାଳିକା ମେଳା ଦେଖିବାକୁ ଯାଇଥିଲେ । ମେଳା ଦେଖୁଥିବା ସମୟରେ ୨ଜଣ ନାବାଳିକାଙ୍କୁ ୬ଜଣ ଯୁବକ ଉଠାଇ ନେଇଥିଲେ । ପରେ ନାବାଳିକାଙ୍କ ସହିତ ଦୁଷ୍କର୍ମ କରିଥିଲେ । ଅନ୍ୟ ୫ ନାବାଳିକାଙ୍କୁ ଯୁବକମାନେ ଅପହରଣ କରିବାକୁ ଚେଷ୍ଟା କରିଥିଲେ, ହେଲେ ଚିତ୍କାର କରିବାକୁ ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରିନେଇଥିଲେ ।
ଏସପିଙ୍କ ନେତୃତ୍ବରେ ହନୁମାନଗଞ୍ଜ ପୋଲିସ ଘଟଣାସ୍ଥଳରେ ପହଞ୍ଚି ୬ଜଣ ଅଭିଯୁକ୍ତଙ୍କୁ ଗରିଫ କରିବା ସହିତ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୀଡ଼ିତ ଦୁଇ ନାବାଳିକାଙ୍କୁ ଉଦ୍ଧାର କରି ପୋଲିସ ଡାକ୍ତରୀମାଇନା ପାଇଁ ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛି ।
