scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଇରାନ୍‌କୁ ଆମେରିକା ଦେଲା ଚେତାବନୀ

13/01/2020 at 12:24 PM

ତେହେରାନ୍‌ ୧୩।୦୧ – ଇରାନ୍‌ର ସେନା ଜେନେରାଲ୍‌ କାସିମ୍‌ ସୁଲେମାନୀଙ୍କୁ ଆମେରିକା ହତ୍ୟା କରିବା ପରେ ଏବେ ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତି । ଇରାକ୍‌ରେ ଥିବା ଆମେରିକାର ସୈନ୍ୟ ଆଡ୍ଡା ଉପରେ ଇରାନ୍‌ ପକ୍ଷରୁ ବାରମ୍ବାର କ୍ଷେପଣାସ୍ତ୍ର ମାଡ କରାଯାଉଛି । ଇରାନ୍‌ର କ୍ଷେପଣାସ୍ତ୍ର ମାଡରେ ୟୁକ୍ରେନର ବିମାନ ଦୁର୍ଘଟଣାଗ୍ରସ୍ତ ହେବା ସହ ୧୭୬ ଜଣଙ୍କର ମୃତ୍ୟୁ ହୋଇଥିଲା । ଏହାପରେ ଇରାନ୍‌ରେ ପ୍ରଦର୍ଶନ କରାଯାଉଛି। ହଜାର ହଜାର ଛାତ୍ରଛାତ୍ରୀ ବି ବିରୋଧ ପ୍ରଦର୍ଶନ କରୁଛନ୍ତି । ସେମାନେ ଇରାନ୍‌ର ଶାସନ ମୁଖ୍ୟ ଖେମେନ୍ନେଇଙ୍କର ଇସ୍ତଫା ଦାବି କରିଛନ୍ତି ।

ପ୍ରଦର୍ଶନକାରୀଙ୍କ ଉପରେ ସରକାରଙ୍କ ସମର୍ଥକ ଗୁଳି ମାଡ କରିଛନ୍ତି। ଏହାର ଭିଡିଓ ବିଭିନ୍ନ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଛି । ଇରାନ୍‌ ଏହି ପ୍ରଦର୍ଶନକାରୀମାନଙ୍କୁ ସାମୁହିକ ହତ୍ୟା ନକରୁ ବୋଲି ଟ୍ରମ୍ପ ଚେତାବନୀ ଦେଇଛନ୍ତି ।

ଟ୍ରମ୍ପ ଏ ବିଷୟରେ ଏକ ଟ୍ୱିଟ କରିଛନ୍ତି । ଇରାନ୍‌ ପରମାଣୁ ଅସ୍ତ୍ର ହାସିଲ କରିବାକୁ କରୁଥିବା ଚେଷ୍ଟାକୁ ସଫଳ ହେବାକୁ ଦିଆଯିବ ନାହିଁ ବୋଲି ଟ୍ରମ୍ପ କହିଛନ୍ତି ।

ରବିବାରରେ ଇରାନ୍‌ ପୁଣିଥରେ ବାଗଦାଦରେ ଥିବା ଆମେରିକାର ବାୟୁସେନା ଶିବିର ଉପରେ ରକେଟ୍‌ ଆକ୍ରମଣ କରିଥିଲା । ଏଥିରେ ଇରାକ୍‌ ବାୟୁସେନାର ୨ ଅଧିକାରୀଙ୍କ ସହ ୨ ଜଣ ସୈନ୍ୟ ଆହତ ହୋଇଛନ୍ତି ।

ଏହା ପୂର୍ବରୁ ହୋଇଥିବା ଆକ୍ରମଣରେ ଇରାନ୍‌ ୮୦ ଜଣ ଆମେରିକା ସୈନ୍ୟଙ୍କର ମୃତ୍ୟୁ ହୋଇଥିବା କଥା ଦାବି କରିଛି । ମାତ୍ର ଆମେରିକାର ରାଷ୍ଟ୍ରପତି ଟ୍ରମ୍ପ ଏହାକୁ ଖଣ୍ଡନ କରିଛନ୍ତି ।

   Related Posts