Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ କିଛି ଦିନ ପରେ ସାଜିଥାନ୍ତେ ବରଗଡ଼ ଧନୁଯାତ୍ରାର ବଳରାମ, ତା ଆଗରୁ ଦୁନିଆ ଛାଡ଼ି ଚାଲିଗଲେ ଶ୍ରେୟସ
  • ||
  • ଜାଡ଼ରେ ଥରୁଛି କନ୍ଧମାଳ: ଫୁଲବାଣୀରେ ୬.୬ ଡିଗ୍ରୀ, ଦାରିଙ୍ଗବାଡିରେ ୮.୫ ଡିଗ୍ରୀ ସେଲସିୟସ
  • ||
  • ମହିଳା ପ୍ରଦର୍ଶନକାରୀଙ୍କ ସ୍ତନ ଏବଂ ଗୁପ୍ତାଙ୍ଗକୁ ଗୁଳି କରୁଛନ୍ତି ଇରାନୀ ସେନା, ଖୁଲାସା କଲେ ଡାକ୍ତର
  • ||
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

ଟିକଟକ୍ ରେ ସମସ୍ତଙ୍କୁ ବୋକା ବନାଉଛନ୍ତି ଏହି ଆମେରିକୀୟ ଟିନେଜର, ତଥାପି ଭାଇରାଲ ହେଉଛି ଭିଡିଓ

28/11/2019 at 4:25 PM

ଜନୈକା ଆମେରିକୀୟ ଟିନେଜରଙ୍କ ଭିଡିଓ ଏବେ ଟିକ୍ ଟକ୍ ରେ ଭାଇରାଲ ହେବାରେ ଲାଗିଛି। ନାବାଳିକା ଭିଡିଓରେ ସମସ୍ତଙ୍କୁ ବୋକା ବନାଉଥିଲେ ବି ଭିଡିଓକୁ କିନ୍ତୁ ସମସ୍ତେ ଖୁବ୍ ପସନ୍ଦ କରୁଛନ୍ତି। ଏଣୁ ଦେଖୁ ଦେଖୁ ଭିଡିଓ ସେୟାର କରୁଥିବା ବେଳେ ଏବେ ରେକର୍ଡ ସଂଖ୍ୟକ ଭ୍ୟୁଜ୍ ବି ମିଳିବାରେ ଲାଗିଲାଣି। 

ଟିନେଜର ଟିକଟକରେ ଏକ ମେକଅପ୍ ଟ୍ୟୁଟୋରିଆଲର ଭିଡିଓ ପୋଷ୍ଟ କରିଛନ୍ତି । ହେଲେ ଅଚାନକ ପ୍ରସଙ୍ଗ ବଦଳାଇ ଚୀନ ସିନଜିଆଙ୍ଗ ପ୍ରାନ୍ତରେ ମୁସଲମାନଙ୍କ ସହ ହେଉଥିବା ଅତ୍ୟାଚରର ପ୍ରସଙ୍ଗ ରଖୁଛନ୍ତି। ଭଡିଓ ଭାଇରାଲ ହେବା ପରେ ଟିକଟକ୍ ଏହାକୁ ହଟାଇଦେଇଥିଲେ। ତେବେ ପରେ ଏଥିଲାଗି କ୍ଷମାଯାଚନା କରିଥିବା ଜଣାପଡିଛି।

ଭିଡିଓ ପୋଷ୍ଟ କରିଥିବା ଝିଅଟିର ନାମ ଫିରୋଜା ଅଜିଜ୍ ଓ ସେ ପୋଷ୍ଟ କରିଥିବା ଭିଡିଓରେ ଲକ୍ଷଲକ୍ଷ ଭ୍ୟୁଜ୍ ଆସିସାରିଲାଣି। ଝିଅଟି ପ୍ରଥମେ ଆଇଲେସ୍ କର୍ଲ କରିବାର ଉପାୟ ସମ୍ପର୍କରେ କଥା ହେଉଛି ତେବେ ଅଚାନକ ପ୍ରସଙ୍ଗ ବଦଳାଇ ଚୀନର ଉଇଗୁର ମୁସଲମାନଙ୍କ ପ୍ରସଙ୍ଗ ଉଠାଉଛି। ଲୋକଙ୍କୁ ଆଇଲେସ୍ କର୍ଲରକୁ ଧରି ନିଜ ଫୋନରେ ପ୍ରଥମେ ସର୍ଚ୍ଚ କରନ୍ତୁ ଓ ଚୀନରେ ଏବେ କ’ଣ ହେଉଛି ଜାଣନ୍ତୁ ବୋଲି କହୁଛି।

ନିରିହ ମୁସଲମାନମାନଙ୍କୁ ବିନାକାରଣରେ ଡିଟେନସନ ସେଣ୍ଟରମାନଙ୍କରେ ଅଟକ ରଖାଯାଉଥିବା ନେଇ ଫିରୋଜା ଚୀନ ବିରୋଧରେ ଅଭିଯୋଗ ଆଣିଛନ୍ତି। କେବଳ ଏତିକି ନୁହେଁ ଏବେ ଦେଶରେ ମୁସଲମାନମାନଙ୍କୁ ଅପହରଣ କରି ସେମାନଙ୍କ ପରିବାର ଠାରୁ ପୃଥକ କରାଯାଉଥିବା ଓ ମୁସଲମାନ ମହିଳାଙ୍କ ପ୍ରତି ଦୁଷ୍କର୍ମ କରି ହତ୍ୟା କରାଯାଉଥିବା ଅଭିଯୋଗ ମଧ୍ୟ କରିଛନ୍ତି। ଏହା ଛଡା ଜୋରଜବରଦସ୍ତ ଘୁଷୁରୀମାଂସ ଭକ୍ଷଣ ଓ ମଦ୍ୟପାନ ଆଦି ଦ୍ୱାରା ମୁସଲମାନମାନଙ୍କ ଧର୍ମନଷ୍ଟ କରାଯାଉଥିବାର ଅଭିଯୋଗ କରିଛନ୍ତି।

ତେବେ ତାଙ୍କ ଭିଡିଓ ଯେପରି ପ୍ରତିବନ୍ଧିତ ନ ହୁଏ ସେଥିଲାଗି ସେ ବ୍ୟୁଟି ମେକଅପ ଟ୍ୟୁଟୋରିଆଲ ବାହାନାରେ ଭିଡିଓ ଫୋଷ୍ଟ କରିଥିବା ଜଣାଇଛନ୍ତି। କେବଳ ଏତିକି ନୁହେଁ ଉଇଗୁର ମୁସଲମାନଙ୍କୁ କିପରି ସହାୟତା କରହେବ ସେ ନେଇ ମଧ୍ୟ ଫିରୋଜା ତାଙ୍କ ଭିଡିଓରେ ଉପାୟ ବତାଇଛନ୍ତି। ଫିରୋଜା କହିଛନ୍ତି ଯେ ଆମର ବୟସ ୧୮ କି ନୁହେଁ, ଆମର ଭୋଟ ଦେବାର ଅଧିକାର ଅଛି କି ନା ତା ବଡ କଥା ନୁହେଁ ଆମର ଶ୍ୱର ବହୁତ କିଛି କରିପାରିବ। ଆମେ ଅନ୍ତତଃ ଅନ୍ୟାୟ ବିରୋଧରେ ଆମର ଶ୍ୱର ଉତ୍ତୋଳନ କରିପାରିବା ବୋଲି ଫିରୋଜ କହିଛନ୍ତି।   

   Related Posts