ୱାସିଂଟନ ୧୧।୨: ଆଲାସ୍କା ଆକାଶରେ ପ୍ରାୟ ୪୦ ହଜାର ଫୁଟ ଉପରେ ଉଡୁଥିବା ଅଜ୍ଞାତ ବସ୍ତୁକୁ ରାଷ୍ଟ୍ରପତି ଜୋ ବାଇଡେନଙ୍କ ଆଦେଶରେ ଆମେରିକୀୟ ବାୟୁସେନା ଶୁକ୍ରବାର ମିସାଇଲ ମାଡ଼ କରି ଖସାଇ ଦେଇଛି। ହ୍ୱାଇଟ୍‌ ହାଉସ୍ ନ୍ୟାସନାଲ ସିକ୍ୟୁରିଟି କାଉନସିଲ ମୁଖପାତ୍ର ଜନ କିର୍ବି ଏହି ସୂଚନା ଦେଇଛନ୍ତି। ଆଲାସ୍କା ଆକାଶରେ ଉଡୁଥିବା ବସ୍ତୁଟି ଏକ ଛୋଟ କାର ଆକାରର ଥିଲା ଯାହା ବେସାମରିକ ବିମାନ ଚଳାଚଳ ଲାଗି ବିପଦଜନକ ଥିଲା ବୋଲି କୁହାଯାଇଛି।

wp:html

#WATCH | Department of Defence was tracking a high-altitude object over Alaska airspace in last 24 hours. Fighter aircraft assigned to US Northern Command took down the object within the last hour: US NSC Coordinator for Strategic Communications John Kirby

(Source: White House) pic.twitter.com/xzZ8zuZEST

— ANI (@ANI) February 10, 2023

/wp:html

ଆମେରିକା ବାୟୁସେନାର ନର୍ଦ୍ଦନ କମାଣ୍ଡ ଏହି କାର୍ଯ୍ୟକୁ ସଫଳତାର ସହ ଶେଷ କରିଥିବା ବେଳେ ଏହାର ଧ୍ୱଂସାବଶେଷକୁ ଏବେ ଖୋଜା ଯାଉଛି। କିର୍ବି କହିଛନ୍ତି ଯେ ପ୍ରତିରକ୍ଷା ବିଭାଗ ଗତ ୨୪ ଘଣ୍ଟା ହେଲା ଆଲାସ୍କା ବିମାନ କ୍ଷେତ୍ରର ଏକ ଉଚ୍ଚ ଉଚ୍ଚତାରେ ଉଡୁଥିବା ବସ୍ତୁ ଉପରେ ନଜର ରଖିଥିଲା। ଏହି ବସ୍ତୁକୁ ନଷ୍ଟ କରିବା ଲାଗି ପେଣ୍ଟାଗନର ସୁପାରିଶ ଆଧାରରେ ରାଷ୍ଟ୍ରପତି ଜୋ ବାଇଡେନ ଖସାଇ ଦେବାକୁ ନିର୍ଦ୍ଦେଶ ଦେଇଥିଲେ। ବାୟୁ ସେନା ଏହି କାର୍ଯ୍ୟ କରିଥିବା ବେଳେ ବାଇଡେନ ଏହାକୁ ଏକ ସଫଳତା ବୋଲି କହିଛନ୍ତି।

wp:html

This afternoon, an object that violated American airspace was brought down. I was briefed on the matter and supported the decision to take action. Our military and intelligence services will always work together, including through @NORADCommand, to keep people safe.

— Justin Trudeau (@JustinTrudeau) February 10, 2023

/wp:html

କିର୍ବି କହିଛନ୍ତି ଯେ ବାଇଡେନ ପ୍ରଶାସନ ଏହା ଜାଣେନା ଯେ ଏହି ବସ୍ତୁର ମାଲିକ କିଏ। ତେବେ ଏହି ବସ୍ତୁଟି ଉତ୍ତର ଆଲାସ୍କାର ଆର୍କଟିକ୍‌ ସାଗରରେ ଖସିଛି। ଯାହା ନିକଟରେ ଖସାଇ ଦିଆଯାଇଥିବା ଚୀନ୍‌ ବେଲୁନ ତୁଳନାରେ ବହୁତ ଛୋଟ। ତେବେ ଏବି ବସ୍ତୁଟିକୁ ଖସାଇ ଦେବା ପାଇଁ ଆମେରିକା ରାଷ୍ଟ୍ରପତିଙ୍କ ଆଦେଶକୁ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ସମର୍ଥନ କରିଛନ୍ତି। ଏ ନେଇ ସେ ଏକ ଟ୍ୱିଟ୍‌ ମଧ୍ୟ କରିଛନ୍ତି। ଯେଉଁଥିରେ ଏହା ଏକ ଉତ୍ତମ ପଦକ୍ଷେପ ବୋଲି ଉଲ୍ଲେଖ କରିଛନ୍ତି।