ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ୍ ଅନେକ ଥର ନିଜ ଅଜବ ବ୍ୟବହାର ଏବଂ ଜବାବକୁ ନେଇ ଦୁନିଆରେ ଚର୍ଚ୍ଚାର ବିଷୟ ପାଲଟିଥାନ୍ତି । ଆମେରିକାର ବିରୋଧୀ ରିପବ୍ଲିକାନ ପାର୍ଟି ବିଭିନ୍ନ ଆଲୋଚନା ସମୟରେ ବାଇଡେନ୍ ଶୋଇ ପଡ଼ୁଥିବା ଅଭିଯୋଗ ମଧ୍ୟ କରିଛନ୍ତି । ଏହାରି ଭିତରେ ସୋମବାର ବାଇଡେନ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ହ୍ୱାଇଟ୍ ହାଉସରେ ସାମ୍ୱାଦିକ ସମ୍ମିଳନୀ ସମୟରେ ଆମେରିକୀୟ ବ୍ୟାଙ୍କ ସ୍ଥିତି ଉପରେ ପ୍ରଶ୍ନ କରାଯିବା ବେଳେ ବାଇଡେନ ହଠାତ୍ ମଞ୍ଚ ଛାଡ଼ି ଚାଲି ଗଲେ ଏବଂ କବାଟ ବନ୍ଦ କରିଦେଲେ ।
ଉଲ୍ଲେଖଯୋଗ୍ୟ ଯେ ସିଲିକନ ଭ୍ୟାଲି ବ୍ୟାଙ୍କ ଏବଂ ସିଗ୍ନେଚର ବ୍ୟାଙ୍କ ସଂକଟ ଉପରେ ସରକାରଙ୍କ ପକ୍ଷ ରଖିବା ବାଇଁ ସାମ୍ୱାଦିକ ସମ୍ମିଳନୀ ଆୟୋଜନ କରିଥିଲେ । ଏହି ସମୟରେ କିଛି ସାମ୍ୱାଦିକ ପ୍ରଶ୍ନ କରିଥିଲେ ଯେ ଆପଣ ଦେଶବାସୀଙ୍କୁ ଭରଷା ଦେଇ କହିପାରିବେ କି ବ୍ୟାଙ୍କ ବୁଡ଼ିବା ଘଟଣାର କୌଣସି ବିପରୀତ ପ୍ରଭାବ ପଡ଼ିବ ନାହିଁ ? ଆମେରିକାରେ ଅନ୍ୟ କୌଣସି ବ୍ୟାଙ୍କ ମଧ୍ୟ ବୁଡ଼ି ଯିବ କି ? ତେବେ ଏହି ସମୟରେ ବାଇଡେନ୍ ପୋଡିୟମ ଛାଡିଥିଲେ ଏବଂ ସାମ୍ୱାଦିକଙ୍କ ପ୍ରଶ୍ନକୁ ଅଣଦେଖା କରି କୌଣସି ଜବାବ ନ ଦେଇ ନିଜ ରୁମକୁ ଚାଲି ଗଲେ ।
wp:html/wp:html"Can you assure Americans that there won't be a ripple effect? Do you expect other banks to fail?"
— RNC Research (@RNCResearch) March 13, 2023
BIDEN: *shuts door* pic.twitter.com/CNuUhPbJAi
ଏହି ଘଟଣାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହ୍ୱାଇଟ୍ ହାଉସର ୟୁଟ୍ୟୁବ ଚ୍ୟାନେଲରେ ବାଇଡେନଙ୍କ ୱାକ୍ ଆଉଟ୍ ଭିଡିଓ ଭାଇରାଲ ହୋଇଛି । ଏହି ଭିଡିଓକୁ ୫୦ ଲକ୍ଷରୁ ଅଧିକ ଲୋକେ ଦେଖା ସାରିଛନ୍ତି । ଅନେକ ଲୋକ ଏହାକୁ ନେଇ ବାଇଡେନଙ୍କ ମଜା ମଧ୍ୟ ଉଡ଼ାଉଛନ୍ତି ।
ତେବେ ଏହା ପ୍ରଥମ ଥର ନୁହେଁ ଯେତେବେଳେ ଜୋ ବାଇଡେନ୍ ସାମ୍ୱାଦିକଙ୍କ ପ୍ରଶ୍ନର ଉତ୍ତର ନ ଦେଇ ଅଧାରୁ ମଞ୍ଚ ଛାଡି ଚାଲି ଯାଇଛନ୍ତି । ଏହା ପୂର୍ବରୁ ଚୀନର ଗୁଇନ୍ଦା ବେଲୁନ ଉପରେ ପ୍ରଶ୍ନ ସମୟରେ ମଧ୍ୟ ବାଇଡେନ ଅଧାରୁ ଚାଲି ଯାଇଥିଲେ ।