ନୂଆଦିଲ୍ଲୀ: ଆମେରକା ବାଚସ୍ପତି ନାନ୍ସି ପେଲୋସିଙ୍କ ଗସ୍ତର ୧୨ ଦିନ ପରେ ଆମେରିକା ସାଂସଦଙ୍କ ପ୍ରତିନିଧିମଣ୍ଡଳ ତାଇୱାନ ପହଞ୍ଚିଛନ୍ତି । ତାଇୱାନ ବିଦେଶ ମନ୍ତ୍ରଣାଳୟ ଅନୁସାରେ, ଆମେରିକା ସାଂସଦଙ୍କ ଏହି ଯାତ୍ରା ବାଚସ୍ପତି ନାନ୍ସି ପେଲୋସିଙ୍କ ତାଇପେ ଯାତ୍ରାର ମାତ୍ର ଦୁଇ ସପ୍ତାହ ମଧ୍ୟରେ ହେଉଛି ।

ଆମେରିକା ସାଂସଦଙ୍କ ପ୍ରତିନିଧିମଣ୍ଡଳ ତାଇୱାନ ପହଞ୍ଚିବା ପରେ ସେଠାରେ ତାଇୱାନ ସେନା ୟୁଇ ତାଙ୍କ ସ୍ୱାଗତ କରିଥିଲେ। ଏହାସହ ସେ କହିଥିଲେ, 'ଆମେ ଆମ ପୁରୁଣା ବନ୍ଧୁ ଏବଂ ଅତୁଟ ସମର୍ଥନ ପାଇଁ ସମାନ ବିଚାରଧାରା ରଖୁଥିବା ସାଂସଦଙ୍କୁ ଧନ୍ୟବାଦ ଜଣାଉଛି'। ଆମେରିକା ବାଚସ୍ପତି ନାନ୍ସି ପାଲେସିଙ୍କ ତାଇୱାନ ଗସ୍ତ ପରେ ଚୀନ ଏବଂ ଆମେରିକା ମଧ୍ୟରେ ଚିକ୍ତତା ଚରମରେ ପହଞ୍ଚିଛି। ନାନ୍ସି ପେଲୋସିଙ୍କ ଯାତ୍ରାକୁ ଚୀନର ସାର୍ବଭୌମତ୍ୱର ଉଲ୍ଲଂଧନ ବୋଲି ବେଜିଂ କହିଥିଲା।

wp:html

Vice Minister Yui extended the warmest of welcomes to #Taiwan’s🇹🇼 longstanding friend @SenMarkey & his cross-party delegation comprising @RepGaramendi, @RepLowenthal, @RepDonBeyer & @RepAmata. We thank the like-minded #US🇺🇸 lawmakers for the timely visit & unwavering support. pic.twitter.com/XZKoKhnPZO

— 外交部 Ministry of Foreign Affairs, ROC (Taiwan) 🇹🇼 (@MOFA_Taiwan) August 14, 2022

/wp:html

ଉଲ୍ଲେଖଯୋଗ୍ୟ ଯେ, ଚୀନର ବାରମ୍ୱାର ଧମକ ପରେ ବି ଆମେରିକା ହାଉସ ବାଚସ୍ପତି ନାନ୍ସି ପେଲୋସି ତାଇୱାନ ଯାତ୍ରା କରିଥିଲେ। ଏହା ପରେ ଚୀନର ପିଏଲଏ ତାଇୱାନ ସୀମାରେ ଯୁଦ୍ଧାଭ୍ୟାସ କରିଥିଲା। ଅନ୍ୟପଟେ ଆମେରିକା ଏହା ଉପରେ ପ୍ରତିକ୍ରିୟା ରଖି ଏହା ତାଇୱାନକୁ ଡରାଇବା ପାଇଁ ଏବଂ ସ୍ଥିରତା ଲକ୍ଷ୍ୟ ବିପରୀତ ବୋଲି କହିଥିଲା।

ଅନ୍ୟପଟେ ଭାରତ ତାଇୱାନ ପ୍ରସଙ୍ଗରେ ବିବାଦ କମ କରିବା ଏବଂ ଅଞ୍ଚଳରେ ଶାନ୍ତି ଏବଂ ସ୍ଥିରତା ବଜାୟ ରଖିବା ପାଇଁ ଅପିଲ କରିଥିଲା। ଭାରତର ଏହି  ବୟାନ ଉପରେ ତାଇୱାନ ଧନ୍ୟବାଦ ଜଣାଇଥିଲା।