ନୂଆଦିଲ୍ଲୀ: ୟମେନର ହୁତି ବିଦ୍ରୋହୀ ଠିକଣାରେ ହମଲା । ଆମେରିକା ଓ ବ୍ରିଟେନ୍ ମିଳିତ ଭାବେ ଆକ୍ରମଣ କରିଛନ୍ତି । ଆମେରିକା ସେଣ୍ଟ୍ରାଲ୍ କମାଣ୍ଡ୍ର ସୂଚନା ମୁତାବକ, ୟମେନର ରାଜଧାନୀ ସନା ଏବଂ ହୁତି ବିଦ୍ରୋହୀ ଠିକଣାକୁ ଟାର୍ଗେଟ୍ କରି ମିଳିତ ସେନା ମିସାଇଲ୍ ମାଡ଼ କରିଛି । ଏଥିରେ ୧୮ଟି ହୁତି ଆତଙ୍କୀ ଠିକଣା ଧ୍ବଂସ ହୋଇଯାଇଛି ।
ହ୍ବାଇଟ୍ ହାଉସ୍ କହିଛି, ହୁତି ଆତଙ୍କୀ ଲୋହିତ ସାଗରରେ କମର୍ଶିଆଲ୍ ଜାହାଜଗୁଡ଼ିକ ଉପରେ ଆକ୍ରମଣ କରୁଥିଲେ ଏବଂ ୟମେନକୁ ଯେଉଁ ମାନବୀୟ ସହାୟତା ଦିଆଯାଉଥିଲା ତାକୁ ମଧ୍ୟ ରୋକିବାକୁ ଚେଷ୍ଟା କରୁଥିଲେ । ତେଣୁ ତାଙ୍କୁ ଟାର୍ଗେଟ୍ କରାଯାଇଛି ବୋଲି ପେଣ୍ଟାଗନ କହିଛି । ଆମେରିକା ଏବଂ ବ୍ରିଟେନ୍ ସେନା ବ୍ୟତୀତ ଆଷ୍ଟ୍ରେଲିଆ, ବାହାରିନ୍, କାନାଡ଼ା, ଡେନମାର୍କ, ନେଦରଲାଣ୍ଡ୍ସ ଏବଂ ନ୍ୟୁଜିଲାଣ୍ଡ ଫୋର୍ସ ମଧ୍ୟ ଏଥିରେ ସାମିଲ ହୋଇଥିଲା ।
wp:embed {"url":"https://www.prameyanews7.com/pm-modi-gujarat-visit-jamnagar-roadshow-foundation-stone-of-52-thousand-crores-projects/","type":"wp-embed","providerNameSlug":"prameya-news-7"}ଲୋହିତ ସାଗରରେ ହୁତି ବିଦ୍ରୋହୀ ଉତ୍ପାତ ଯୋଗୁ ବୈଶ୍ବିକ ବ୍ୟାପାରରେ ସମସ୍ୟା ଦୃଷ୍ଟି ହେଉଥିଲା । ଆମେରିକାର ବାରମ୍ବାର ଚେତାବନୀ ସତ୍ତ୍ବେ ଆତଙ୍କୀମାନେ ଏଥିରୁ ବିରତ ରହୁନଥିଲେ । ତେଣୁ ଏହି ହମଲା ହୋଇଛି । ଏହି ଆକ୍ରମଣକୁ ସମର୍ଥନ ଦେଇଥିବା ଦେଶମାନଙ୍କ ପକ୍ଷରୁ ମିଳିତ ଭାବେ ଏକ ବୟାନ ଜାରି କରାଯାଇଛି । ଜଏଣ୍ଟ ମିଲିଟାରୀ ଆକ୍ସନରେ ୧୮ଟି ହୁତି ଠିକଣା ନଷ୍ଟ ହୋଇଛି ବୋଲି କୁହାଯାଇଛି । ଆମେରିକା ପ୍ରତିରକ୍ଷା ସଚିବ ଲାଁୟଡ ଆଷ୍ଟିମ୍ କହିଛନ୍ତି, ଆମ ଉଦ୍ଦେଶ୍ୟ ଲୋହିତ ସାଗରରେ ଇରାନ ସମର୍ଥିତ ହୁତି ବିଦ୍ରୋହୀ ଗୋଷ୍ଠୀଙ୍କୁ ଶକ୍ତିହୀନ କରିବା