ଲକ୍ଷ୍ମୌ: ଉତ୍ତରପ୍ରଦେଶ ବିଧାନସଭାରେ ବିରୋଧୀଙ୍କ ହଙ୍ଗାମା । ରାଜ୍ୟପାଳଙ୍କ ଅଭିଭାଷଣ ବେଳେ ହଟ୍ଟଗୋଳ କରିଛନ୍ତି ବିରୋଧୀ ଦଳନେତା । ଗଭର୍ଣ୍ଣର ଆନନ୍ଦି ବେନଙ୍କୁ ‘ରାଜ୍ୟପାଳ ଗୋ-ବ୍ୟାକ୍’ ନାରା ଦେଇଛନ୍ତି । ବିରୋଧୀଙ୍କ ‘ରାଜ୍ୟପାଳ ଫେରିଯାଅ’ ନାରାରେ କମ୍ପିଲା ଗୃହ । ରାଜ୍ୟରେ ବିକାଶ ଶୂନ, ଆଇନ ବ୍ୟବସ୍ଥା ଭୂଶୁଡ଼ି ପଡ଼ିଛି ବୋଲି ବିପକ୍ଷ ନେତା କହିଛନ୍ତି ।

ଉତ୍ତର ପ୍ରଦେଶର ୨୫ କୋଟି ଲୋକଙ୍କ ପାଇଁ  ୨୨ ଫେବ୍ରୁଆରୀରେ ବଜେଟ୍ ପାରିତ କରିବେ ସରକାର। ଏହା ପୂର୍ବରୁ ସୋମବାର ବିଧାନସଭା ଅଧିବେଶନ ଆରମ୍ଭ ହୋଇଯାଇଛି । ଏହି ଅଧିବେଶନ ୧୦ ମାର୍ଚ୍ଚ ପର୍ଯ୍ୟନ୍ତ ଚାଲିବ । ହେଲେ ପ୍ରାରମ୍ଭରୁ ଗୃହରେ ହଙ୍ଗାମା କରିଦେଇଛନ୍ତି ବିରୋଧୀ । ରାଜ୍ୟପାଳଙ୍କୁ ଇଙ୍ଗିତ କରିବାକୁ ବି ପଛେଇ ନାହାନ୍ତି ନେତା । ବିପକ୍ଷ ନେତାଙ୍କ ‘ରାଜ୍ୟପାଳ ଗୋ-ବ୍ୟାକ୍’ ନାରାରେ କମ୍ପିଲା ବିଧାନସଭା ଗୃହ । ସମାଜବାଦୀ ପାର୍ଟି  ଅଧ୍ୟକ୍ଷ ଅଖିଳେଶ ଯାଦବ ରାଜ୍ୟପାଳ ଆନନ୍ଦି ବେନ ପଟେଲଙ୍କୁ ‘ଗୋ-ବ୍ୟାକ୍’ କହିଛନ୍ତି । ରାଜ୍ୟରେ ବିକାଶ ଶୂନ, ଆଇନ ବ୍ୟବସ୍ଥା ଭୂଶୁଡ଼ି ପଡ଼ିଛି ବୋଲି ଅଖିଳେଶ କହିଛନ୍ତି ।

#WATCH | Uttar Pradesh: Opposition MLAs raise slogans of "Rajyapal Go Back" (Governor go back) and show placards in the Assembly as they oppose the Governor's Address at the commencement of the Budget session.

Earlier this morning, SP MLAs protest against the state government. pic.twitter.com/8xsdpf0ArW

— ANI UP/Uttarakhand (@ANINewsUP) February 20, 2023

ଉତ୍ତରପ୍ରଦେଶ ବିଧାନସଭାରେ ବଜେଟ୍ ଅଧିବେଶନ ଆରମ୍ଭରୁ ଗୃହକୁ ସମ୍ବୋଧିତ କରିଥିଲେ ରାଜ୍ୟପାଳ । ୨୦ ଦିନିଆ କାର୍ଯ୍ୟଦିବସରେ ବିଭିନ୍ନ ବିଲ୍ ପାରିତ ହେବ । ମାତ୍ର ଏହା ପୂର୍ବରୁ ଗୃହରେ ହଟ୍ଟଗୋଳ କରିଛନ୍ତି ବିରୋଧୀ ।