ପଟାଙ୍ଗି ୨୩।୮: ଅଜଣା ଗାଡ଼ି ଧକ୍କାରେ କୋରାପୁଟ ଜିଲ୍ଲା ପଟ୍ଟାଙ୍ଗି ଥାନା ଅନ୍ତର୍ଗତ କୁନ୍ଦୁଲି ହାଟପଦା ନିକଟସ୍ଥ ଗେଲାଗୁଡା ଛକ ନିକଟରେ ଦୁର୍ଘଟଣା ଘଟିଛି । ଅଜଣା ଗାଡି ଧକ୍କାରେ ବାଇକ୍ ଚାଳକଙ୍କ ମୃତ୍ୟୁ ହଇଛି । ଯୁବକ ଜଣଙ୍କ କୋଟିଆ ପଞ୍ଚାୟତର ଉପର ଗଞ୍ଜେଇପଦର ଗ୍ରାମର ବୋଲି ଜଣାପଡ଼ିଛି । ଯୁବକ ଜଣଙ୍କ  ସାଣା ଗେମେଲଙ୍କ ପୁଅ ୨୫ ବର୍ଷ ବୟସ୍କ ବିଶ୍ଵନାଥ ଗେମେଲ ।

ସେ ଡିପ୍ଲୋମା ପଢିବା ନିମନ୍ତେ ନିଜର ଜାତି ଓ ଇନକମ୍ ପ୍ରମାଣ ପତ୍ର ଆବେଦନ କରିବା ପାଇଁ ପଟ୍ଟାଙ୍ଗି ଆସି ନିଜ ଗ୍ରାମକୁ ଫେରୁଥିଲେ । ସେହି ସମୟରେ ଦୁର୍ଘଟଣାର ଶିକାର ହୋଇଛନ୍ତି । ପଟ୍ଟାଙ୍ଗି ପୋଲିସ ଘଟଣାସ୍ଥଳରେ ପହଞ୍ଚି ଧକ୍କା ଦେଇଥିବା ଗାଡ଼ିଟିକୁ ଚିହ୍ନଟ କରିବା ନିମନ୍ତେ ଯାଞ୍ଚ ଆରମ୍ଭ କରିଛି । ଘଟଣାସ୍ଥଳରେ ମୃତ ଯୁବକଙ୍କ ଗ୍ରାମବାସୀ ପହଞ୍ଚି ଦୁର୍ଘଟଣା ଘଟାଇଥିବା ଗାଡ଼ିଟିକୁ ଚିହ୍ନଟ ନ ହେବା ପର୍ଯ୍ୟନ୍ତ ମୃତଦେହଟିକୁ ନନେବାକୁ ଦାବି କରିଛନ୍ତି ।