AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

“ଶୋଲେ” ଫିଲ୍ମ ସୁଟିଂ ହୋଇଥିବା ରାମଗଡ଼ ଗାଁ କେଉଁଠି ଅଛି ଜାଣନ୍ତି କି? ଫିଲ୍ମ ପାଇଁ ରାମଗଡବାସୀଙ୍କୁ ଏମିତି କ୍ଷତି ହୋଇଥିଲା ଯେ ଲୋକେ ଆଜି ମଧ୍ୟ ଭୁଲିନାହାନ୍ତି

20/01/2019 at 5:49 PM

ରାମଗଡ଼ ୨୦/୧ : ୧୯୭୫ ମସିହାରେ ନିର୍ମିତ “ଶୋଲେ” ର କ୍ରେଜ ଆଜି ମଧ୍ୟ ଲୋକଙ୍କ ମନରେ ପୂର୍ବ ଭଳି ରହିଛି | ରମେଶ ସୀପପି ନିର୍ଦେଶିତ ଏହି ଫିଲ୍ମରେ ସଂଗୀତ ନିର୍ଦେଶନା ଦେଇଥିବା ଆର.ଡି.ବର୍ମାନଙ୍କ ଗୀତ ଆଜି ମଧ୍ୟ ସିନେମା ପ୍ରେମୀଙ୍କ ମ୍ୟୁଜିକ ଲିଷ୍ଟରେ ରହିଛି | ଶୋଲେ ଫିଲ୍ମର ମହକ ଆଜି ମଧ୍ୟ ରହିଛି | ପାଖାପାଖି ୪୦ ବର୍ଷ ପରେ ମଧ୍ୟ ଶୋଲେ ଆଜି ଯାଏଁ ପୁରୁଣା ହୋଇନି | ବୟସ୍କଙ୍କ ଠାରୁ ଆରମ୍ଭ କରି ପିଲା ଯାଏଁ ସମସ୍ତେ ଏହି ଫିଲ୍ମ ଦେଖିବାକୁ ପସନ୍ଦ କରନ୍ତି | ଫିଲ୍ମକୁ ପରଦାରେ ଦେଖି ଯଦି ପ୍ରଶଂସକଙ୍କ ଏଭଳି ଅବସ୍ଥା ତାହେଲେ ସେମାନଙ୍କ ଅବସ୍ଥା କିଭଳି ଥିବ ଯେଉଁମାନେ ଫିଲ୍ମ ସୁଟିଂ ହୋଇଥିବା ଦେଖିଥିବେ ଟିକେ ଭାବନ୍ତୁ ତ |

ରାମଗଡରେ ଏହି ଫିଲ୍ମ ୧୯୭୩ ରୁ ୧୯୭୫ ମସିହା ମଧ୍ୟରେ ସୁଟିଂ ହୋଇଥିଲା | କେମିତି ଥିଲା ରାମଗଢବାସୀଙ୍କ ଅନୁଭବ ଆସନ୍ତୁ ଜାଣିବା |

ବାଙ୍ଗାଲୁରୁ ଏବଂ ମହୀଶୂରର ଉଚ୍ଚ ପାହାଡ ମଝିରେ ରହିଛି ଏକ ଛୋଟ ଗାଁ ରାମନଗରମ | ଏହି ରାମନଗରମ ଶୋଲେ ଫିଲ୍ମର ରାମଗଡ଼ | ଗାଁରେ ପଶୁ ପଶୁ ପର୍ଯ୍ୟଟକଙ୍କୁ ଶୋଲେ ଫିଲ୍ମର ସବୁ ସିନ ମନେ ପଡିଯାଇଥାଏ | ରାମଗଡ଼ ଆଗରୁ ଏକ ସାଧାରଣ ଗାଁ ଥିଲା | କିନ୍ତୁ ଶୋଲେ ଫିଲ୍ମ ପରେ ରାମଗଡ଼ ପ୍ରସିଦ୍ଧ ହୋଇଯାଇଥିଲା |

ଧୀରେ ଧୀରେ ସେଠାକୁ ପର୍ଯ୍ୟଟକ ଯିବା ଆସିବା ଆରମ୍ଭ କରିଥିଲେ | ଯେଉଁଥିପାଇଁ ଆଜି ରାମଗଡ଼ ଏକ ପର୍ଯ୍ୟଟନ ସ୍ଥଳୀ ଭାବେ ପରିଚିତ |  ବିଗତ ୪୦ ବର୍ଷ ପରେ ମଧ୍ୟ ରାମଗଡ଼ ଗାଁ ସେମିତି ହିଁ ରହିଛି ଯେମିତି ଫିଲ୍ମରେ ଦେଖାଯାଇଥିଲା |

ଗ୍ରାମବାସୀଙ୍କ ଉପରେ ଫିଲ୍ମ କ’ଣ ପ୍ରଭାବ ପକାଇଥିଲା ଜାଣନ୍ତୁ :

ସେଠାକାର ଗ୍ରାମବାସୀଙ୍କୁ ଫିଲ୍ମର ପ୍ରତିଟି ଡାଇଲଗ ଆଜି ମଧ୍ୟ ମନେ ଅଛି | ସେଠାରେ ଏବେ ଏକ ରାମଗଡ଼ ରିସର୍ଟ ଆଣ୍ଡ ସ୍ପା ସେଣ୍ଟର ମଧ୍ୟ ଖୋଲିଚି | ରିସର୍ଟ ମ୍ୟାନେଜରଙ୍କୁ ଠାକୁର ଏବଂ ସ୍ପା ମାଷ୍ଟରଙ୍କୁ ଗବବର ନାମ ଦିଆଯାଇଛି | ଗ୍ରାମବାସୀ ପରସ୍ପର ମଧ୍ୟରେ କଥାବାର୍ତ୍ତା ବେଳେ ମଧ୍ୟ ଫିଲ୍ମର ଡାଇଲଗ ବ୍ୟବହାର କରିଥାନ୍ତି |

ତେବେ ଆମେ ସମସ୍ତେ ଜାଣିଛେ ଯେ, ସବୁ ଘଟଣାର ଦୁଇଟି ପାଶ୍ୱ ରହିଛି | ଯେଭଳି ମୁଦ୍ରାର ଦୁଇଟି ପାଖ ରହିଛି | ଫିଲ୍ମଟି ଗ୍ରାମବାସୀଙ୍କ ମନରେ କିଛି ଖୁସିର ମୁହୂର୍ତ୍ତ ଛାଡି ଯାଇଥିବାବେଳେ କିଛି ଦୁଃଖ ମଧ୍ୟ ଦେଇଛି |

ସେଠାକାର କିଛି ଲୋକଙ୍କ କହିବାନୁଯାୟୀ, ଫିଲ୍ମର ସୁଟିଂ ପରେ ସେଠାକାର ସୌନ୍ଦର୍ଯ୍ୟ ହଜି ଯାଇଥିଲା | ପୂର୍ବରୁ ରାମନଗରମ ପାହାଡର ସୌନ୍ଦର୍ଯ୍ୟ ଏବଂ ପାହାଡିଆ ଜନ୍ତୁଙ୍କ ପାଇଁ ପ୍ରସିଦ୍ଧ ଥିଲା | କିନ୍ତୁ ସୁଟିଂ ବେଳେ ଲଗାତାର ବୋମାମାଡ, ପାଟିତୁଣ୍ଡ, ଗୁଳିର ଆବାଜରେ ଜନ୍ତୁ ସେଠାରୁ ପଳାଇଯାଇଥିଲେ |

ତେବେ ଯେଉଁଠି କିଛି ଭଲ ହୋଇଥାଏ ସେଠାରେ କିଛି ଖରାପ ମଧ୍ୟ ହୋଇଥାଏ | ଆଜି ମଧ୍ୟ ସେଠାରେ ଜୟ ଏବଂ ବିରୁଙ୍କ ବନ୍ଧୁତ୍ୱ ଦେଖାଦେଇଥାଏ, ଗବବରର ଆବାଜ ପାହାଡରେ କମ୍ପନ ହେଉଥାଏ | ବସନ୍ତିକୁ ମନେ ପକାଇ ଲୋକଙ୍କ ମୁହଁରେ ହସ ଖେଳିଯାଏ | ରାଧାକୁ ମନେ ପକାଇ ହୃତ୍ସ୍ପନ୍ଦନ ବନ୍ଦ ହୋଇଯାଇଥାଏ |

   Related Posts