ସ୍ୱାଧିନତା ଦିବସ ଅବସରରେ ନିଆରା ଦୃଶ୍ୟ, ଅତିଥୀଙ୍କ ଆଗେ ସମସ୍ୟା ବଖାଣିଲା କୁନି ଝିଅ

Published By : Prameya-News7 Bureau | August 17, 2023 IST

କୋରାପୁଟ୧୭/୦୮: କୋରାପୁଟରେ ଏବେ କୁନି ଝିଅର ଭିଡ଼ିଓ ଭାଇରାଲ । ଅଭିନୟ ମାଧ୍ୟମରେ ଅତିଥୀଙ୍କ ଆଗେ ବଖାଣିଲା ନିଜ ଅଞ୍ଚଳର ସମସ୍ୟା । ଗୀତ ଗାଇ ଜାଣିଲା ନିଜ ଅଞ୍ଚଳର ଦୁଃଖ । ଆଉ ଏହି ଅଭିଯୋଗକୁ ଶୁଣିଥିଲେ କାନଦେଇ ଶୁଣୁଥିଲେ ମୁଖ୍ୟ ଅତିଥି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ, କୋରାପୁଟ ଜିଲ୍ଲାପାଳ ସ୍ଥାନୀୟ ବିଧାୟକଙ୍କ ସହ ସମସ୍ତ ଜିଲ୍ଲାସ୍ତରୀୟ ଅଧିକାରୀ ।

ସୂଚନା ଥାଉକି, କୋରାପୁଟରେ ପାଳନ ହୋଇଥିଲା ଜିଲ୍ଲାସ୍ତରୀୟ ୭୭ ତମ ସ୍ୱାଧିନତା ଦିବସ । ଏହି ଅବସରରେ ଉତ୍ସବ ପାଳନ କରାଯାଇଥିଲା । ଅନେକ ସାଂସ୍କୃତିକ କାର୍ଯ୍ୟକ୍ରମର ଆଯୋଜନ ହୋଇଥିଲା । ତେବେ ସବୁଠୁ ଆକର୍ଷଣ ଥିଲା କୁନି ଝିଅର ନାଚ ଗୀତ । ଯାହାକି ଦର୍ଶକ ତଥା ଦେଖଣାହାରୀଙ୍କ ମନ ମୋହିଥିଲା । କୁନି ଝିଅଟି ଅଭିନୟ କରି ଯାହା କହିଥିଲା ତାହା ଦେଖି ତାଜୁବ ହୋଇଯାଇଥିଲେ ସଭିଏଁ ।

କହିବାକୁ ଗଲେ ଅନେକ ଥର ବିଡ଼ିଓ ମହାଶୟ ଏଠାକୁ ଆସି ବୁଲିଯାଇଥିଲେ । ହେଲେ ଆଜି ପର୍ଯ୍ୟନ୍ତ ରାସ୍ତାଘାଟ, ପାନୀୟଜଳ, ଶିକ୍ଷା ଭଳି ବିଭିନ୍ନ ସମସ୍ୟା ସାହସ ଜୁଟାଇ କେହି କହିପାରିନଥିଲେ । କିନ୍ତୁ ଯାହା କେହି କରିପାରିନଥିଲେ ତାକୁ କରିଦେଖାଇଥିଲା କୁନି ଝିଅଟି । ଏସମସ୍ତ ଅଭିଯୋଗ ଏବେ ସୋସିଆଲ ମିଡିଆରେ ଭିଡ଼ିଓ ଭାଇରାଲ ହେବା ପରେ କୁନି ଝିଅକୁ ସାଧାରଣରେ ପ୍ରଶଂସା ସୁଅ ଛୁଟିଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.