ଭୁବନେଶ୍ୱର ୧୩/୦୪: ସମ୍ବଲପୁର ଘଟଣାକୁ ନେଇ ବର୍ଷିଲେ ଧର୍ମେନ୍ଦ୍ର ପ୍ରଧାନ। ସେ କହିଛନ୍ତି ଗତକାଲି ଯାହା ଘଟିଛି ତାହା ଅଭାବନୀୟ ଘଟଣା । ‘କାଲିର ଘଟଣାରେ ପୋଲିସ, ସାଧାରଣ ଲୋକ ଆହତ ହୋଇଛନ୍ତି । ପୂର୍ବରୁ କହିଥିଲି ରାଜ୍ୟରେ ଆଇନଶୃଙ୍ଖଳା ଠିକ ନାହିଁ, ଏହା ସ୍ପଷ୍ଟ କରୁଛି ବୋଲି ସେ କହିଛନ୍ତି ।

ସେପଟେ ଏହି ପ୍ରସଙ୍ଗରେ ରାଜସ୍ୱ ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି ଯେଉଁଠି କିଛି ଗଣ୍ଡଗୋଳ ହୋଇଛି, ପୋଲିସ ପ୍ରଶାସନ ସାଙ୍ଗେ ସାଙ୍ଗେ ପଦକ୍ଷେପ ନେଇଛି l ୧୪୪ ଧାରା ଜାରି କରାଯାଇଛି l କିଛି ଇଣ୍ଟେଲିଜେନ୍ସ ଫେଲୁୟର ହୋଇନି । କିଛି ଅସାମାଜିକ ଲୋକ ଅଛନ୍ତି, ହଠାତ ଗଣ୍ଡଗୋଳ କରନ୍ତି । ସେଥିପାଇଁ ପୋଲିସ ସାଙ୍ଗେ ସାଙ୍ଗେ ପଦକ୍ଷେପ ନେଇଛି । ଯେମିତି କାହାର କିଛି ଧନଜୀବନ କ୍ଷତି ନହେଉ ସେଥିପ୍ରତି ପୋଲିସ ନଜର ରଖି ଉଚିତ ପଦକ୍ଷେପ ନେଇଛି ।