Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଉତ୍ତରାଧିକାରୀ ବାଛିବା, ଛାଡ଼ପତ୍ର ନେବା ଏବଂ ପୋଷ୍ୟ ସନ୍ତାନ ନିୟମ ସବୁ ଧର୍ମ ପାଇଁ ସମାନ ହେଉ: ସୁପ୍ରିମକୋର୍ଟରେ କେନ୍ଦ୍ର ସରକାରଙ୍କ ଜବାବ

18/10/2022 at 1:06 PM

ନୂଆଦିଲ୍ଳୀ ୧୮/୧୦: ସୁପ୍ରିମକୋର୍ଟରେ ବିଜେପି ନେତା ଅଶ୍ବିନୀ ଉପାଧ୍ୟାୟଙ୍କ ଭିନ୍ନ ଭିନ୍ନ ତିନି ଆବେଦନ ଉପରେ ଜବାବ ଦାଖଲ କରିଛନ୍ତି କେନ୍ଦ୍ର ସରକାର । ଏହି ଆବେଦନ କରିଥିଲେ ଅଶ୍ୱିନୀ ଉପାଧ୍ୟାୟ । ଅଶ୍ୱିନୀ ଉପାଧ୍ୟାୟ ଆବେଦନରେ ଦାବି କରିଥିଲେ ଯେ, ଉତ୍ତରାଧିକାରୀ ବାଛିବା, ଛାଡ଼ପତ୍ର ନେବା ନିୟମ ଏବଂ ପୋଷ୍ୟ ସନ୍ତାନ ଗ୍ରହଣ କରିବା ଭଳି ନିୟମ ସବୁ ଧର୍ମ ପାଇଁ ସମାନ ହେବା ଦରକାର ।

ଏହି ଆବେଦନ ଉପରେ କେନ୍ଦ୍ର ସରକାରଙ୍କ ପକ୍ଷରୁ ତିନି ଭିନ୍ନ ଭିନ୍ନ ଆଫିଡେଭିଟ୍ ସୁପ୍ରିମକୋର୍ଟରେ ଦାଖଲ କରାଯାଇଛି । ସୁପ୍ରିମକୋର୍ଟରେ ଦାଖଲ ଆବେଦନରେ କେନ୍ଦ୍ର ସରକାର ସମାନ ନାଗରିକ ସଂହିତା ଦାବି କରୁଥିବା ଏହି ତିନି ଜନ ହିତ ଯାଚିକାର ବିରୋଧ କରିଛନ୍ତି । କେନ୍ଦ୍ର ସରକାର କହିଛନ୍ତି ଯେ କୋର୍ଟ ସଂସଦକୁ ଆଇନ୍ ତିଆରି କରିବା ପାଇଁ ନିର୍ଦ୍ଦେଶ ଦେଇପାରିବେ ନାହିଁ । ଏହା ସରକାରଙ୍କ ନୀତିଗତ ନିର୍ଣ୍ଣୟ ହୋଇଥାଏ।

କେନ୍ଦ୍ର ସରକାର କହିଛନ୍ତି ଯେ, ସମ୍ବିଧାନରେ ଦିଆଯାଇଥିବା ନୀତି ନିର୍ଦ୍ଦେଶ ସିଦ୍ଧାନ୍ତ କୌଣସି ରାଜ୍ୟର ସବୁ ନାଗରିକଙ୍କୁ ସମାନ ଆଇନଗତ ଅଧିକାର ପାଇଁ ବାଧ୍ୟ କରିଥାଏ । ଏହାସହ ସମ୍ବିଧାନର ଅନୁଚ୍ଛେଦ ୪୪ ଭାରତର ଧର୍ମନିରପେକ୍ଷ ଢ଼ାଞ୍ଚାକୁ ମଜବୁତ କରିବା ପାଇଁ କହିଥାଏ । ଆଉ ଏମିତିରେ ଭିନ୍ନ-ଭିନ୍ନ ଧର୍ମର ବ୍ୟକ୍ତିଗତ ଆଇନ୍ ଭାରତର ଲୋକ ନିଜ ଅଧିକାରର ପ୍ରୟୋଗ କରିଥାଏ ।

   Related Posts