scan steel
web-baneer-728x90
1 (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମଣିଷଙ୍କର ହେବ କମ୍‌ ସନ୍ତାନ, ବିମାନ ଯାତ୍ରାରେ ଲାଗିବ ଝଟକା,  ଜଳବାୟୁ ପରିବର୍ତ୍ତନର ହେବ ପାର୍ଶ୍ୱ ପ୍ରତିକ୍ରିୟା

14/08/2023 at 3:39 PM

ନୂଆଦିଲ୍ଲୀ ୧୪।୦୮: ଦିନକୁ ଦିନ ବଦଳୁଛି ପରିବେଶ । ଚିନ୍ତା ବଢାଉଛି ଜଳବାୟୁ ପରିବର୍ତ୍ତନ । ସାରା ବିଶ୍ବ ପାଇଁ ଜଳବାୟୁ ପରିବର୍ତ୍ତନର ପାର୍ଶ୍ୱ ପ୍ରତିକ୍ରିୟା ଆଣିବାକୁ ଯାଉଛି ସାଂଘାତିକ ସ୍ଥିତି । ମଣିଷଠାରୁ ଜୀବଜଗତ ଏଥିରେ ବେଶ୍ ପ୍ରଭାବିତ ହେଉଛି ଏବଂ ଭବିଷ୍ୟତରେ ଏହା ବେଶ୍ ଘାତକ ସାବ୍ୟସ୍ତ ହୋଇପାରେ । ରିସର୍ଚ୍ଚସ୍‌ ଏନେଇ ଚେତାଇ ସାରିଲେଣି । ତାଙ୍କ ମତରେ ଜୀବଜଗତ ଉପରେ ଏପରି ପ୍ରଭାବ ପଡିବ ଯେ କଳ୍ପନା କରିବା ଅସମ୍ଭବ ।

ବିଶେଷଜ୍ଞଙ୍କ ଅନୁଯାୟୀ ଦିନକୁ ଦିନ ଯେପରି ତାତି ବଢୁଛି ସେପରି ଅନେକ ପ୍ରଜାତିର ବେଙ୍ଗ ଛୋଟ ହେବାକୁ ଲାଗୁଛନ୍ତି । ପୁଏର୍ଟୋ ରିକୋରେ ନର କୋକୁଡି ବେଙ୍ଗ ଅର୍ଥାତ୍ କୋକି ବେଙ୍ଗଗୁଡ଼ିକ ଛୋଟ ହେବାକୁ ଲାଗୁଛନ୍ତି । ପୂର୍ବରୁ ଏମାନେ ପାହାଡ ଉପରେ ରହୁଥିଲେ । କିନ୍ତୁ ବର୍ତ୍ତମାନ ଏମାନଙ୍କ ଆକାର ଛୋଟ ହେବା କାରଣରୁ ପାହାଡ ତଳ ଅଞ୍ଚଳରେ ରହୁଛନ୍ତି । ଏପରି ପରିବର୍ତ୍ତନ ବିଗତ ଦୁଇ ଦଶଦ୍ଧିରୁ ଆରମ୍ଭ ହୋଇଛି । 

ଜଳବାୟୁ ପରିବର୍ତ୍ତନ ଯୋଗୁଁ ଏୟାର ଷ୍ଟ୍ରିମ୍‌ ବଦଳୁଛି । ଅର୍ଥାତ୍ ବାୟୁମଣ୍ଡଳରେ ସୃଷ୍ଟି ହେଉଛି ତରଙ୍ଗ । ଏକ ଅଧ୍ୟୟନ ଅନୁଯାୟୀ, ୧୯୭୯ରୁ ୨୦୨୦ପର୍ଯ୍ୟନ୍ତ ଲଗାତାର ଏୟାର ଟର୍ବୁଲେନଂସ୍‌ ବଢୁଛି । ୧୯୭୯ରେ ଏହା ଘଣ୍ଟା ପ୍ରତି ୧୭.୭ ରହିଥିବା ବେଳେ  ୨୦୨୦ରେ ଏହା ୨୭.୪କୁ ବୃଦ୍ଧି ପାଇଛି । ଅର୍ଥାତ୍ ଆଗକୁ ବିମାନରେ ଯିବା ବେଳେ ଅଧିକ ଝଟକା ଲାଗିବ ।

୨୦୧୦ସୁଦ୍ଧା ଲୋକମାନଙ୍କ ବାର୍ଷିକ ନିଦରୁ ୪୪ ଘଣ୍ଟା କମ୍‌ ଶୋଉଥିଲେ । କିନ୍ତୁ ଏହି ଶତାବ୍ଦୀର ଶେଷ ଆଡକୁ ଅର୍ଥାତ୍ ୨୧୦୦ ମସିହା ବେଳକୁ ଏହା ୫୮ ଘଣ୍ଟାକୁ ବୃଦ୍ଧି ପାଇବ ।  ଏହାର ମୁଖ୍ୟ କାରଣ ହେଉଛି ଅଧିକ କାର୍ବନ ନିର୍ଗମନ ହେବା ।  ଯେଉଁଥି ପାଇଁ ଦିନକୁ ଦିନ ବୃଦ୍ଧି ପାଉଛି ଉତ୍ତାପ  ।

ଗରମ ବଢିବାରୁ ମଣିଷ ଅଧିକ ହିଂସାତ୍ମକ ଅପରାଧ କରିଥାଏ। କିନ୍ତୁ ନିକଟରେ ହୋଇଥିବା ଏକ ଅଧ୍ୟୟନ ଅନୁଯାୟୀ, ଗ୍ରୀଷ୍ମ ଦିନରେ କୁକୁର କାମୁଡ଼ିବା ଘଟଣା ବୃଦ୍ଧି ପାଇଛି । ଆମେରିକାର ଆଠଟି ସହରରେ କୁକୁର କାମୁଡ଼ିବାର ପ୍ରାୟ ୭୦ ହଜାର ଘଟଣା ସାମ୍ନାକୁ ଆସିଥିଲା । ଅର୍ଥାତ୍ ଜଳବାୟୁ ପରିବର୍ତ୍ତନ ଯୋଗୁଁ କୁକୁର କାମୁଡ଼ିବା ଘଟଣାରେ ୧୧ ପ୍ରତିଶତ ବୃଦ୍ଧି ପାଇଛି ।  

ଏହାବ୍ୟତୀତ ସମଗ୍ର ବିଶ୍ୱରେ ବଜ୍ରପାତର ଧାରା ବଦଳିଯିବ । ଏହି କାରଣରୁ ଜଙ୍ଗଲରେ ଅଧିକ ନିଆଁ ଲାଗିବ। ସ୍ୱର୍ଗୀୟ ବଜ୍ରପାତ ହେତୁ ଜଙ୍ଗଲରେ ନିଆଁରେ ୪୦ ପ୍ରତିଶତ ବୃଦ୍ଧି ଘଟିପାରେ । କାରଣ ଯଦି ତାପମାତ୍ରା ୧.୮ ଡିଗ୍ରୀ ସେଲସିୟସ ବୃଦ୍ଧି ହୁଏ, ତେବେ ୧୦ ପ୍ରତିଶତ ଅଧିକ ବଜ୍ରପାତ ହେବ । ଜଳବାୟୁ ପରିବର୍ତ୍ତନର ଏହା ଏକ ବଡ ପ୍ରଭାବ ହେବ ।

ଉତ୍ତାପ ବୃଦ୍ଧି ହେତୁ ମନ୍ୟୁଷ୍ୟ ସନ୍ତାନର ଜନ୍ମ ହାର ହ୍ରାସ ପାଇବ ।  ଯଦି ତାପମାତ୍ରା ୨୬.୭ ଡିଗ୍ରୀ ସେଲସିୟସରୁ ଅଧିକ ରହିଥାଏ । ତେବେ ପିଲାମାନଙ୍କ ଜନ୍ମରେ ୦.୪ ପ୍ରତିଶତ ହ୍ରାସ ଆସିବ ।  ଏହା ମଣିଷର ପ୍ରଜନନ କ୍ଷମତା ଉପରେ ପ୍ରଭାବ ପକାଇଥାଏ । ସେଥିରେ ମଧ୍ୟ ହ୍ରାସ ଘଟିଛି । ଜଳବାୟୁ ପରିବର୍ତ୍ତନ ଯୋଗୁଁ  ଶୁକ୍ରାଣୁର ଗତି ମଧ୍ୟ କମିଯାଇଥାଏ ।  

ଅଷ୍ଟ୍ରେଲିଆରେ ସେଣ୍ଟ୍ରାଲ ବିଅରଡେଡ୍‌ ଡ୍ରାଗନ୍ ନାମକ ଏକ ଝିଟିପିଟି ନିଜର ଲିଙ୍ଗ ପରିବର୍ତ୍ତନ କରୁଛି । ଅଣ୍ଡାର ବିକାଶ ପାଇଁ ସଠିକ୍ ତାପମାତ୍ରା ଆବଶ୍ୟକ । ଉଚ୍ଚ ତାପମାତ୍ରା ଯୋଗୁଁ ଅଣ୍ଡାରୁ କେବଳ ମାଇ ଝିଟିପିଟି ବାହାରିବେ ।

ତାପମାତ୍ରା ବୃଦ୍ଧି ହେତୁ ଆଗ୍ନେୟଗିରି ଉଦ୍ଗୀରଣ ଘଟଣା ବୃଦ୍ଧି ପାଇବ । ଯେତେ ଅଧିକ ମାତ୍ରାରେ ବରଫ ତରଳିବ, ସେତେ ଅଧିକ ଉତ୍ତାପ ବୃଦ୍ଧି ପାଇବ । ବରଫ ତରଳିବା ହେତୁ ଆଗ୍ନେୟଗିରି ଭିତରେ ଫୋଟକା ସୃଷ୍ଟି ହୋଇଥାଏ । ଯାହା ବିସ୍ଫୋରଣ ଘଟାଇବାରେ ବେଶ୍ ସହାୟକ ହୋଇଥାଏ ।   

ଜଳବାୟୁ ପରିବର୍ତ୍ତନ ଜୀବଜଗତ ଉପରେ ବେଶୀ ପ୍ରଭାବ ପକାଇବ । ଇଟାଲୀ ଆଲପ୍ସ ପାହାଡରେ ରହୁଥିବା ଛେଳିଗୁଡିକ ମଧ୍ୟ ଛୋଟ ହେବାକୁ ଲାଗୁଛନ୍ତି । ୧୯୭୦ରୁ ୨୦୧୦ ପର୍ଯ୍ୟନ୍ତ ଏହି ଛେଳିମାନଙ୍କର ଯାଞ୍ଚ କରାଯାଇଥିଲା । ଏଥିରୁ ଜଣାଗଲା ଯେ ତାପମାତ୍ରା ବୃଦ୍ଧି ହେତୁ ଆଲପ୍ସର ଓଜନ ୨୫ ପ୍ରତିଶତ ହ୍ରାସ ପାଇଛି। ଏହି ଛେଳିର ବିଶେଷତ୍ବ ହେଉଛି ଗ୍ରୀଷ୍ମ ଋତୁରେ ଅଧିକ ବିଶ୍ରାମ ନେଇଥାଏ ଏବଂ କୌଣସି ଖାଦ୍ୟ ଖାଏ ନାହିଁ । ଯଦି ଆଜିକା ସମୟରେ ଆମେ ସଚେତନ ନହେବା ଏବଂ ଜଳବାୟୁ ପରିବର୍ତ୍ତନ ପାଇଁ ସତର୍କ ନହେବା, ତେବେ ସ୍ଥିତି ଆହୁରି ଭୟଙ୍କର ହୋଇପାରେ ।

You Can Read:

   Related Posts