ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

୨୦୨୧ ଲାଗି ଜାତିସଂଘ ସଂଗ୍ରହ କରିଛନ୍ତି ୩୭୦ ନିୟୁତ ଡଲାର ଜରୁରିକାଳୀନ ପାଣ୍ଠି

9/12/2020 at 7:13 PM

ଜେନେଭା: ଆଗାମୀ ୨୦୨୧ ମସିହାରେ ଉପୁଜିବାକୁ ଥିବା ସଂକଟର ମୁକାବିଲା ଲାଗି ମିଳିତ ଜାତିସଂଘ ୩୭୦ ନିୟୁତ ଡଲାର ପାଣ୍ଠି ସଂଗ୍ରହ କରିଥିବା ଘୋଷଣା କରିଛନ୍ତି। ଅନୁନ୍ୟ ୫୦ରୁ ଅଧିକ ଦାତା ଜାତିସଂଘର କେନ୍ଦ୍ରୀୟ ଜରୁରିକାଳୀନ ପ୍ରତିକ୍ରିୟା ପାଣ୍ଠି (ସିଇଆରଏଫ)କୁ ଏହି ଅନୁଦାନ ଦେଇଥିବା ଏହାର ପରିଚାଳକ ମାନବିକତା ବ୍ୟାପାର ମହା ଅନୁସଚିବ ମାର୍କ ଲୋକକ୍ ଏକ ବିବୃତ୍ତିରେ କହିଛନ୍ତି।

ଜାତିସଂଘ ମୁଖ୍ୟାଳୟରେ ଅନୁଷ୍ଠିତ ଦାତାଙ୍କ ଭିଡିଓ କନଫରେନ୍ସକୁ ସମ୍ବୋଧିତ କରି ଜାତିସଂଘ ମହାସଚିବ ଆଣ୍ଟୋନିଓ ଗୁଟେରସ କହିଛନ୍ତି ଯେ ଏହି ପାଣ୍ଠି ଅଚାନକ ସଂକଟ ସାଙ୍ଗକୁ ଦୁର୍ବଳ ବର୍ଗର ସହାୟତା ଲାଗି ସବୁଠୁ ବଡ ସହାୟତା। ୨୦୦୫ ମସିହାରେ ସ୍ଥାପିତ ଏହି ପାଣ୍ଠି ଚଳିତବର୍ଷ ଲକ୍ଷଲକ୍ଷ ଲୋକଙ୍କୁ ଭୋଜନ ସମେତ ସ୍ୱାସ୍ଥ୍ୟ ସେବା, ଆଶ୍ରୟ ଓ ସୁରକ୍ଷା ପ୍ରଦାନରେ ସହାୟତା କରିଛି।

କେବଳ ୨୦୨୦ ବର୍ଷରେ ସିଇଆରଏଫ ବିଶ୍ୱର ୫୨ଟି ଦେଶଙ୍କ ବିଭିନ୍ନ କ୍ଷେତ୍ରରେ ୬୫ ନିୟୁତ ଲୋକଙ୍କୁ ସହାୟତା କରିପାରିଛି। ଏ ବାବଦେ ପ୍ରାୟ ୯୦୦ ନିୟୁତ ଡଲାରରୁ ବି ଅଧିକ ଖର୍ଚ୍ଚ ହୋଇଥିବା ସେ କହିଛନ୍ତି। ଏହି ବିପୁଳ ଅର୍ଥ କୋଭିଡ-୧୯ ମହାମାରୀ ସାଙ୍ଗକୁ ଅନ୍ୟ ରୋଗ ମୁକାବିଲା, ସଂଘର୍ଷ ଅଥବା ପ୍ରାକୃତିକ ଦୁର୍ବିପାକ ଗ୍ରସିତ ଜନତାଙ୍କ ସହାୟତାରେ ବ୍ୟୟ ହୋଇଛି।

ଜାତିସଂଘ ୨୦୨୧ରେ ୧୬୦ ନିୟୁତ ଲୋକଙ୍କ ଲାଗି ଜରୁରି ଦାତା ସମ୍ମିଳନୀ ଆହ୍ୱାନ କରିବାର ମାତ୍ର ସ୍ୱଳ୍ପ ଦିନ ମଧ୍ୟରେ ଏହି ପାଣ୍ଠି ସଂଗୃହୀତ ହୋଇପାରିଥିବା ମହାସଚିବ କହିଛନ୍ତି।  

   Related Posts