ପୁଣେ ୦୫।୦୯: ଅଲଟିମେଟ ଖୋଖୋରେ ଚାମ୍ପିୟନ ହୋଇଛି ଓଡ଼ିଶା ଜଗରନଟ୍ସ। ତେଲୁଗୁ ଯୋଦ୍ଧାକୁ ହରାଇ ଚାମ୍ପିୟନ ହୋଇଛି ଓଡ଼ିଶା ଜଗରନଟ୍ସ। ମ୍ୟାଚ ରୋମାଞ୍ଚକର ହୋଇଥିଲା। ଏଥିରେ ୪୬-୪୫ ପଏଣ୍ଟରେ ଓଡ଼ିଶା ଜଗରନର୍ଟସ ତେଲୁଗୁ ଯୋଦ୍ଧାଙ୍କୁ ହରାଇଛି। ଏହା ପୂର୍ବରୁ କ୍ବାଲିଫାୟର-୧ରେ ଓଡ଼ିଶା ଜଗରନଟ୍ସ ଗୁଜରାଟ ଜାୟାଣ୍ଟସକୁ ୫୭-୪୩ ରେ ପରାସ୍ତ କରି ଫାଇନାଲରେ ପ୍ରବେଶ କରିଥିଲା।
ସେହିପରି ଏଲିମିନେଟରରେ ତେଲଗୁ ଯୋଦ୍ଧା ୬୧-୪୩ରେ ଚେନ୍ନାଇ କ୍ବିକ ଗନ୍ସକୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲା । ପ୍ରଥମ ଥର ପାଇଁ ଅନୁଷ୍ଠିତ ହୋଇଥିବା ଏହି ଘରୋଇ ଖୋ ଖୋ ଲିଗରେ ୬ଟି ଦଳ ଅଂଶଗ୍ରହଣ କରିଥିଲେ । ଓଡ଼ିଶା ଜଗରନଟସର ସଫଳତା ପାଇଁ ଓଡ଼ିଶା ଜଗରନଟସ ଟିମକୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିସହିତ ଟିମକୁ ୧ କୋଟି ଟଙ୍କାର ପୁରସ୍କାର ଘୋଷଣା କରିଛନ୍ତି ମୁଖ୍ୟମନ୍ତ୍ରୀ।