Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ଫିନଲ୍ୟାଣ୍ଡ-ସ୍ୱୀଡେନକୁ ମିଳିବ ନାଟୋର ସଦସ୍ୟତା ! ୩୦ ଦେଶ କଲେ ହସ୍ତାକ୍ଷର

5/07/2022 at 5:55 PM

ନୂଆଦିଲ୍ଲୀ: ନାଟୋର ୩୦ ସହଯୋଗୀ ଦେଶ ସ୍ୱୀଡେନ ଏବଂ ଫିନଲ୍ୟାଣ୍ଡକୁ ସଦସ୍ୟ କରିବା ପାଇଁ ପ୍ରୋଟକଲ ଉପରେ ହସ୍ତାକ୍ଷାର କରିଛନ୍ତି । ଏହାସହା ଏହି ଦୁଇ ଦେଶର ସଦସ୍ୟତା ସମ୍ପର୍କୀୟ ଅନୁରୋଧ ବିଧେୟକକୁ ମଞ୍ଜୁରୀ ପାଇଁ ମେଣ୍ଟର ରାଜଧାନୀ ଗୁଡିକୁ ପଠାଯାଇଛି । ଚଳିତ ବର୍ଷ ଫେବ୍ରୁଆରୀରେ ୟୁକ୍ରେନ ଉପରେ ରୁଷର ଆକ୍ରମଣ ପରେ ସ୍ୱୀଡେନ ଏବଂ ଫିନଲ୍ୟାଣ୍ଡ ଏହି ପଦକ୍ଷେପ ରୁଷକୁ ରଣନୈତିକ ଭାବେ ଏକ ବଡ଼ ଝଟକା ଦେବା ଦିଗରେ କାମ କରିଛି । ନାଟୋର ମହାସଚିବ ଜେନ୍ସ ଷ୍ଟୋଲେନବର୍ଗ କହିଛନ୍ତି, ଏହା ଫିନଲ୍ୟାଣ୍ଡ, ସ୍ୱୀଡେନ ଏବଂ ନାଟୋ ପାଇଁ ଏକ ଐତିହାସିକ ମୁହୂର୍ତ୍ତ।

୩୦ ରାଷ୍ଟ୍ରଦୂତ ଏବଂ ସ୍ଥାୟୀ ପ୍ରତିନିଧି ଆନୁଷ୍ଠାନିକ ଭାବେ ଗତ ସପ୍ତାହରେ ନାଟୋର ଶିଖର ସମ୍ମିଳନୀରେ ଏହି ନିଷ୍ପତ୍ତିକୁ ମଞ୍ଜୁରୀ ପ୍ରଦାନ କରିଥିଲେ । ଏହାସହ ୩୦ ଦେଶର ଏହି ସୈନ୍ୟ ସଂଗଠନରେ ସାମିଲ ହେବା ପାଇଁ ଫିନଲ୍ୟାଣ୍ଡ ଏବଂ ସ୍ୱୀଡେନକୁ ଆମନ୍ତ୍ରିତ କରି ଐତିହାସିକ ନିଷ୍ପତ୍ତି ନିଆଯାଇଥିଲା । ତେବେ ଏହା ପରେ ବି ତୁର୍କୀ ନାଟୋରେ ସ୍ୱୀଡେନ ଏବଂ ଫିନଲ୍ୟାଣ୍ଡକୁ ସାମିଲ କରାଯିବାକୁ ବିରୋଧ କରିଥିଲା ।

ଉଲ୍ଲେଖଯୋଗ୍ୟ ଯେ, ଫେବ୍ରୁଆରୀ ୨୪ରେ ୟୁକ୍ରେନ ଉପରେ ରୁଷ ଆକ୍ରମଣ କରିଥିଲା । ଏହାପରେ ଫିନଲ୍ୟାଣ୍ଡ ଏବଂ ସ୍ୱୀଡେନ ନିଜ ଉପରେ ବିପଦ ବଢିବା ଆଶଙ୍କାରେ ନାଟୋର ସଦସ୍ୟତା ପାଇଁ ଅଧିକ ଆଗ୍ରହ ପ୍ରକାଶ କରିଥିଲେ । ନାଟୋ ମଧ୍ୟ ରୁଷର ଦୁଇ ପଡୋଶୀ ରାଷ୍ଟ୍ରକୁ ସଦସ୍ୟତା ପ୍ରଦାନ କରି ରଣନୈତିକ ଦୃଷ୍ଟିରୁ ମାସ୍କୋକୁ ମାତ୍ ଦେବାକୁ ଚାହୁଁଛି । ଏହି ଦୁଇ ଦେଶ ସଦସ୍ୟତା ପାଇବା ପରେ ସେଠାରେ ନାଟୋ ଦେଶର ସୈନ୍ୟ ମୁତୟନ ହେବେ, ଯାହା ରୁଷର ଚିନ୍ତା ବଢାଇବ।

   Related Posts