ନୂଆଦିଲ୍ଲୀ: ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଦିନକୁ ଦିନ ଅଧିକ ବିପଜ୍ଜନକ ହେବାରେ ଲାଗିଛି । ଲଢେଇରେ ଗୋଟିଏ ପଟେ ରୁଷ ଏବେ ସିଧା ଆମେରିକାକୁ ଧମକ ଦେଇ ତାର ରାଜ୍ୟ ଅଲାସ୍କା ଉପରେ ମିଜାଇଲ ମାଡ କରିବା ନେଇ ଚେତାବନୀ ଦେଇଛି । ଅନ୍ୟପଟେ ୟୁକ୍ରେନ ସୋମବାର ଦାବି କରିଛି ଯେ କିଭ୍ ଉପରେ ସାରାରତି ମାଡ କରାଯାଉଥିବା ମିଜାଇଲକୁ ୟୁକ୍ରେନର ରକ୍ଷା ବିଭାଗ ନଷ୍ଟ କରିଛି । ୟୁକ୍ରେନ ରକ୍ଷା ବିଭାଗ ୩୭ କ୍ରୁଜ୍ ମିଜାଇଲ ଏବଂ ୨୯ ଡ୍ରୋନକୁ ମାରି ନଷ୍ଟ କରିଛି । ୟୁକ୍ରେନ ସେନା ଦାବି କରିଛି ଯେ ରୁଷର ପ୍ରତି ଆକ୍ରମଣର ମୁହଁତୋଡା ଜବାବ ଦିଆଯାଉଛି  ।

ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଗୋଟିଏ ବର୍ଷରୁ ଅଧିକ ସମୟ ପରେ ବି ଶେଷ ହେବାର ନାଁ ଧରୁ ନାହିଁ । ରୁଷରେ ଭ୍ଲାଦିମିର ପୁଟିନଙ୍କ ସହଯୋଗୀ ଅନୁମାନ କରୁଛନ୍ତି ଯେ ଏହି ଯୁଦ୍ଧ ଦଶନ୍ଧି ଯାଏ ଚାଲିପାରେ । ଏହାରି ଭିତରେ ରୁଷ ସେନା ୟୁକ୍ରେନର ପ୍ରମୁଖ ସହରଗୁଡିକରେ ମିଜାଇଲ ଆଟକ୍‌କୁ ଜୋରଦାର କରିଛି । ସାରା ରାତି ରୁଷ ସେନା କିଭର ଅନେକ ସ୍ଥାନ ଉପରେ ମିଜାଇଲ ମାଡ କରୁଛି ।

ୟୁକ୍ରେନର ରକ୍ଷା ମନ୍ତ୍ରାଳୟ ଦାବି କରିଛି ଯେ ଗୋଟିଏ ରାତିରେ ୩୭ ରୁଷ କ୍ରୁଜ ମିଜାଇଲ ଏବଂ ୨୯ ଡ୍ରୋନକୁ ମାରି ଖସାଯାଇଛି । ୟୁକ୍ରେନ ସଶସ୍ତ୍ର ବଳର କମାଣ୍ଡର ଇନ-ଚିଫ୍ ଭାଲେରୀ ଜାଲୁଜନୀ ସୋସିଆଲ୍ ମିଡିଆରେ କହିଛନ୍ତି ଯେ ମୋଟ ୪୦ ମିଜାଇଲ ଏବଂ ୩୫ ଡ୍ରୋନ୍ ମାଡ କରାଯାଇଥିଲା, ଯେଉଁଥିରୁ ୩୭ ମିଜାଇଲ ଏବଂ ୨୯ ଡ୍ରୋନକୁ ଆକାଶରେ ମାରି ନଷ୍ଟ କରାଯାଇଛି ।

ALSO READ