scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦୁର୍ଘଟଣାଗ୍ରସ୍ତ ହେଲା ୟୁକ୍ରେନର କାର୍ଗୋ ବିମାନ : ଦୁଇ ଘଣ୍ଟା ଧରି ଶୁଭିଲା ବିସ୍ଫୋରଣର ଶବ୍ଦ

17/07/2022 at 2:57 PM

ନୂଆଦିଲ୍ଲୀ ୧୭/୦୭: ଉତ୍ତର ଗ୍ରୀସର କବାଲା ସହରରେ ଶନିବାର ୟୁକ୍ରେନର ଏକ କାର୍ଗୋ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହା ସର୍ବିୟାରୁ ଜୋର୍ଡାନ ଯାଉଥିବା ବେଳେ କ୍ରାସ୍ ହୋଇଯାଇଥିଲା । ତେବେ ଦୁର୍ଘଟଣାର ମାତ୍ରା ଏତେ ଭୟଙ୍କର ଥିଲା ଯେ, ସ୍ଥାନୀୟ ଲୋକେ ଦୁଇ ଘଣ୍ଟା ଧରି ଶବ୍ଦ ଶୁଣିଥିଲେ । ସୋଭିଏତ ଦ୍ୱାରା ନିର୍ମିତ ଏହି ବିମାନର ପରିଚାଳନା ଭାର ମେରିଡିୟନ କମ୍ପାନୀ ହାତରେ ଥିଲା ।

କୁହାଯାଉଛି ଯେ, ଦୁର୍ଘଟଣାଗ୍ରସ୍ତ ବିମାନରେ ୮ ଜଣ କର୍ମଚାରୀଥିଲେ । ଏଥିରେ ୧୨ ଟନର ବିପଜ୍ଜନକ ସାମଗ୍ରୀ ନିଆଯାଉଥିଲା । ଯେଉଁଥିରେ ଅଧିକାଂଶ ବିସ୍ଫୋରକ ଦ୍ରବ୍ୟ ଥିଲା । ତେବେ ବିମାନରେ କଣ ପରିବହନ ହେଉଥିଲା ତାହା ଗ୍ରୀସ୍ ବିମାନବନ୍ଦର  ଅଧିକାରୀଙ୍କୁ ପୂର୍ବରୁ ସୂଚନା ଦିଆଯାଇନଥିଲା ।

ଖରାପ ହୋଇଯାଇଥିଲା ଇଞ୍ଜିନ

ଦୁର୍ଘଟଣାଗ୍ରସ୍ତ ହେଲା ପରେ ବିମାନଟି ତଳେ ଖସି ପଡିଥିଲା । ତେବେ ବିମାନର ଭଗ୍ନାବଶେଷ ପଡିଥିବା ଆଖପାଖ ଲୋକଙ୍କୁ ସତର୍କ ରହିବାକୁ କୁହାଯାଇଛି । ଘରୁ ନବାହାରିବା ସହ କବାଟ ଝରକା ବନ୍ଦ ରଖିବାକୁ ପରାମର୍ଶ ଦିଆଯାଇଛି । ଆହୁରି ମଧ୍ୟ ମାସ୍କ ପିନ୍ଧିବାକୁ କୁହାଯାଇଛି ।

ଗ୍ରୀସ୍ ବେସାମରିକ ଉଡାଣ ଅଧିକାରୀଙ୍କ କହିବାନୁସାରେ, ବିମାନର ଗୋଟିଏ ଇଞ୍ଜିନରେ ତ୍ରୁଟି ଥିଲା । ପାଇଲଟ୍ ଏନେଇ ଜଣାଇ ଦେଇଥିଲେ । ପାଇଲଟଙ୍କୁ କବାଲା ବିମାବନ୍ଦରରେ ଜରୁରୀ ଅବତରଣ କରିବାକୁ ବିକଳ୍ପ ଦିଆଯାଇଥିଲା । କିନ୍ତୁ ତୁରନ୍ତ ଏହା ବିମାନବନ୍ଦରଠୁ ୪୦ କିମି ଦୂରରେ ଦୁର୍ଘଟଣାଗ୍ରସ୍ତ ହୋଇଥିଲା ।

ସ୍ଥାନୀୟ ଲୋକେ ଦୁର୍ଘଟଣା ପୂର୍ବରୁ ଆକାଶରୁ ନିଆଁ ପିଣ୍ଡୁଳା ଖସୁ ଥିବା ଦେଖିବାକୁ ପାଇଥିଲେ । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଁଚି ଦୁର୍ଘଟଣାସ୍ଥଳୀର ୪୦୦ ମିଟର ଅଂଶକୁ ଘେରାବନ୍ଦୀ କରି ରଖିବା ସହ ତଦନ୍ତ କରୁଛି ।

   Related Posts