ନୂଆଦିଲ୍ଲୀ: ବ୍ରିଟେନରେ ସାଧାରଣ ନିର୍ବାଚନ ପାଇଁ ତାରିଖ ଘୋଷଣା ହୋଇଛି । ବ୍ରିଟେନରେ ଜୁଲାଇ ୪ରେ ସାଧାରଣ ନିର୍ବାଚନ ପାଇଁ ଭୋଟିଂ ହେବ । କ୍ୟାବିନେଟ୍ ବୈଠକ ପରେ ପ୍ରଧାନମନ୍ତ୍ରୀ ରିଷି ସୁନକ ଏହି ଘୋଷଣା କରିଛନ୍ତି । ବ୍ରିଟେନ୍ ପ୍ରଧାନମନ୍ତ୍ରୀ ରିଷି ସୁନକ ବୁଧବାର ଆନୁଷ୍ଠାନିକ ଭାବେ ଦେଶର ନିର୍ବାଚନ ତାରିଖ ଘୋଷଣା କରିଛନ୍ତି । ନିର୍ବାଚନ ତାରିଖକୁ ନେଇ ଦୀର୍ଘ ମାସ ଧରି ଚାଲିଥିବା ଚର୍ଚ୍ଚା ଆଲୋଚନା ଉପରେ ବିରାମ ଲଗାଇ ୪୪ ବର୍ଷୀୟ ରିଷି ସୁନକ ୧୦ ଡ୍ରାଉନିଂ ଷ୍ଟ୍ରିଟ୍ ବାହାରେ ତାରିଖ ଘୋଷଣା କରିଛନ୍ତି ।
These uncertain times call for a clear plan and bold action to chart a course to a secure future.
— Rishi Sunak (@RishiSunak) May 22, 2024
You must choose in this election who has that plan and who is prepared to take that bold action to secure a better future for our country and our children. pic.twitter.com/qlbgmYuGkM
ଉଲ୍ଲେଖଯୋଗ୍ୟ ଯେ ରିଷି ସୁନକ ବୁଧବାର କ୍ୟାବିନେଟ୍ ବୈଠକ ଡାକିଥିଲେ । ଅନୁମାନ କରାଯାଉଥିଲା ଯେ କ୍ୟାବିନେଟ୍ ବୈଠକରେ ଶୀଘ୍ର ନିର୍ବାଚନ ଉପରେ ସହମତି ହୋଇପାରେ ଏବଂ ଜୁଲାଇରେ ସାଧାରଣ ନିର୍ବାଚନ ହୋଇପାରେ । ଏବେ ଅନୁମାନ ସତ ହୋଇଛି ଏବଂ ପିଏମ୍ ସୁନକ ସଂସଦ ଭଙ୍ଗ କରିବା ପାଇଁ ସୁପାରିସ୍ କରିଛନ୍ତି । ତେବେ ଏହି ଘୋଷଣା ଶାସକ କନଜେରଭେଟିଭ୍ ପାର୍ଟି ପାଇଁ ଅଡ଼ୁଆ ବଢାଇପାରେ ବୋଲି କୁହାଯାଉଛି, କାରଣ ଦେଶରେ ବିରୋଧୀ ଲେବର ପାର୍ଟି ସପକ୍ଷରେ ହାୱା ରହିଛି ।
ଉଲ୍ଲେଖଯୋଗ୍ୟ ଯେ ପ୍ରଥମେ ଅକ୍ଟୋବର-ନଭେମ୍ୱରରେ ସାଧାରଣ ନିର୍ବାଚନ କରିବା କଥା ସୁନକ କହିଥିଲେ, କିନ୍ତୁ ବୁଧବାର ପୂରା ଚିତ୍ର ସ୍ପଷ୍ଟ କରିଛନ୍ତି । ତେବେ ନିର୍ବାଚନକୁ ସାମନା କରିବାକୁ ଯାଉଥିବା ରିଷି ସୁନକ କେବଳ ବିରୋଧୀ ଲେବର ପାର୍ଟିଠୁ ପଛରେ ନାହାନ୍ତି ବରଂ ବିଶେଷଜ୍ଞଙ୍କ ମତ କଞ୍ଜରଭେଟିଭ୍ ପାର୍ଟି ଉପରେ ବି ନିଜ ନିୟନ୍ତ୍ରଣ ରଖିବା ପାଇଁ ସେ ସଂଘର୍ଷ କରିପାରନ୍ତି । ତେବେ ନିର୍ବାଚନ ପାଇଁ ଉଭୟ କଞ୍ଜରଭେଟିଭ୍ ପାର୍ଟି ଏବଂ ଲେବର ଆର୍ଥିକ ଏବଂ ପ୍ରତିରକ୍ଷା ମାମଲାରେ ନିର୍ବାଚନୀ ଯୁଦ୍ଧ ଲଢିବା ପାଇଁ ପ୍ରସ୍ତୁତି କରିଛନ୍ତି ।
