Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ଦୁନିଆର ଶକ୍ତିଶାଳୀ ଦେଶର ନେତୃତ୍ୱ ଭାରତୀୟ ବଂଶୋଦ୍ଭବଙ୍କ ହାତରେ, ଏବେ ସୂଚୀରେ ସାମିଲ ହେବେ ସୁନକ

24/10/2022 at 4:22 PM

ନୂଆଦିଲ୍ଲୀ: ବ୍ରିଟେନର ନୂଆ ପ୍ରଧାନମନ୍ତ୍ରୀ ଭାବେ ଭାରତୀୟ ବଂଶୋଦ୍ଭବ ଋଷି ସୁନକଙ୍କ ଚୟନ ଏକ ପ୍ରକାର ନିଶ୍ଚିତ ହୋଇଛି । ତେବେ ତାଙ୍କ ପ୍ରତିଦ୍ୱନ୍ଦ୍ୱୀ ପେନୀ ମାର୍ଡଣ୍ଟ କମ ସାଂସଦଙ୍କ ସମର୍ଥନ ସତ୍ତ୍ୱେ ପରାଜୟ ସ୍ୱୀକାର କରିବାକୁ ପ୍ରସ୍ତୁତ ନୁହନ୍ତି । ସମ୍ଭବତଃ ଆଜି ସୋମବାର ନୂଆ ପ୍ରଧାନମନ୍ତ୍ରୀ ଭାବେ ଋଷି ସୁନକଙ୍କ ନାଁ ଘୋଷଣା ହୋଇପାରେ । ବ୍ରିଟେନ ଇତିହାସରେ ଏହା ପ୍ରଥମ ଘଟଣା ହେବ ଯେତେବେଳେ କୌଣସି ଭାରତୀୟ ବଂଶୋଦ୍ଭବ ୟୁକେର କ୍ଷମତାର ସର୍ବୋଚ୍ଚ ଆଶନରେ ବସିବେ । ଏହାସହ ସେ ସେହି ଭାରତୀୟ ବଂଶୋଦ୍ଭବଙ୍କ ମଧ୍ୟରେ ସାମିଲ ହେବେ ଯେଉଁମାନେ ଦୁନିଆର ଶକ୍ତିଶାଳୀ ରାଷ୍ଟ୍ରର ନେତୃତ୍ୱ ନେଇଛନ୍ତି । ସୁନକଙ୍କ ପୂର୍ବରୁ ଦୁନିଆର ଶୀର୍ଷ ନେତୃତ୍ୱଙ୍କ ମଧ୍ୟରେ ଆମେରିକାର ଉପରାଷ୍ଟ୍ରପତି କମଲା ହାରିସ ସାମିଲ ଅଛନ୍ତି ।

କମଲା ହାରିସ

କମଲା ହାରିସ ବର୍ତ୍ତମାନ ଜୋ ବାଇଡେନଙ୍କ ନେତୃତ୍ୱାଧୀନ ସରକାରରେ ଦ୍ୱିତୀୟ ନମ୍ୱର ନେତା । ସେ ଆମେରିକାର ଉପରାଷ୍ଟ୍ରପତି । ଡେମୋକ୍ରେଟିକ୍ ପାର୍ଟିର ଏହି ନେତ୍ରୀ ଆମେରିକାର ଇତିହାସରେ ପ୍ରଥମ ଉପରାଷ୍ଟ୍ରପତି । ଭାରତୀୟ ବଂଶୋଦ୍ଭବ କମଲା ହାରିସଙ୍କ ସମ୍ପର୍କ ତାମିଲନାଡୁ ସହ ରହିଛି । ୨୦୧୧ରୁ ୨୦୧୭ ଯାଏଁ ସେ କାର୍ଲିଫର୍ଣ୍ଣିଆର ଆଟର୍ଣ୍ଣି ଜେନେରାଲ ଭାବେ କାମ କରିଥିଲେ ।

ପ୍ରବିନ୍ଦ ଜଗନ୍ନାଥ

ଦୁନିଆର ସବୁଠୁ ବଡ଼ ନେତାଙ୍କ ମଧ୍ୟରେ ଅନ୍ୟ ଜଣେ ଭାରତୀୟ ବଂଶୋଦ୍ଭବ ହେଉଛନ୍ତି ପ୍ରବିନ୍ଦ ଜଗନ୍ନାଥ । ମୋରିସସ ପ୍ରଧାନମନ୍ତ୍ରୀ ହେଉଛନ୍ତି ପ୍ରବିନ୍ଦ ଜଗନ୍ନାଥ । କ୍ୟାବିନେଟ ବହୁ ଗୁରୁତ୍ୱପୂର୍ଣ୍ଣ ପଦରେ ରହିବା ପରେ ପ୍ରବିନ୍ଦ କୁମାର ଜଗନ୍ନାଥ ସର୍ବସମ୍ମତିରେ ମୋରିସସର ପ୍ରଧାନମନ୍ତ୍ରୀ ହୋଇଥିଲେ ।

ଆଣ୍ଟୋନିୟୋ କୋଷ୍ଟା

ଆଣ୍ଟୋନିୟୋ କୋଷ୍ଟା ବର୍ତ୍ତମାନ ପର୍ତ୍ତୁଗାଲର ପ୍ରଧାନମନ୍ତ୍ରୀ ଅଛନ୍ତି ଏବଂ ୨୦୨୨ରେ ବିଜୟ ପରେ ସେ ଲଗାତାର ତୃତୀୟ ଥର ପାଇଁ ପଦ ସମ୍ଭାଳୁଛନ୍ତି । ଆଣ୍ଟୋନିୟୋଙ୍କ ଜନ୍ମ ଗୋଆରେ ହୋଇଥିଲା।    

   Related Posts