oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫାଷ୍ଟଫୁଡ୍ ଦୋକାନରୁ ମାଲିକଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ କଲା ପୋଲିସ୍‌
  • ||
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ତିରୁପତି ବାଲାଜୀ ଓ ସ୍ଵର୍ଣ୍ଣ ମନ୍ଦିର ପରି ଝଲସିବ ବିଶ୍ୱ ପ୍ରସିଦ୍ଧ ମହାକାଳ ମନ୍ଦିର, ଲଗାଯିବ ୨୫୦ କିଲୋ ସୁନା

10/08/2020 at 3:39 PM

ଉଜ୍ଜୈନ ୧୦/୦୮ : ମଧ୍ୟପ୍ରଦେଶର ଧାର୍ମିକ ନଗରୀ ଉଜ୍ଜୈନ ସ୍ଥିତ ବିଶ୍ୱ ପ୍ରସିଦ୍ଧ ମହାକାଳ ମନ୍ଦିର ମଧ୍ୟ ଏବେ ସୁନା ଭଳି ଚମକିବ | ଦେଶର ୧୨ ଜ୍ୟୋତିର୍ଲିଙ୍ଗରୁ ଗୋଟିଏ ମହାକାଳ ମନ୍ଦିର | ଏହି ମନ୍ଦିର ଶିଖର ଓ ଗର୍ଭଗୃହରେ ପାଖାପାଖି ୨୫୦ କିଲୋ ସୁନା ଲଗାଯିବ | ଫଳରେ ମହାକାଳ ମନ୍ଦିର ମଧ୍ୟ ସୋମନାଥ, ତିରୁପତି ବାଲାଜୀ ଓ ଶିରିଡି ସାଇ ମନ୍ଦିର ଶ୍ରେଣୀରେ ସାମିଲ ହେବ | ମନ୍ଦିରରେ ସୁନା ଲଗାଇବା କାମ ଆରମ୍ଭ ହେବାକୁ ଯାଉଛି | ଏଥିପାଇଁ ୮ ବର୍ଷ ଲାଗିବ | ଦୁଇ ଜଣ ବ୍ୟବସାୟୀ ଏହାର ଦାୟିତ୍ୱ ନେଇଛନ୍ତି | 

ମନ୍ଦିରର ମୁଖ୍ୟ ପୂଜାରୀ ରମଣ ତ୍ରିବେଦୀ କହିଛନ୍ତି ଯେ, ଉଜ୍ଜୈନର ଜଣେ ବ୍ୟବସାୟୀ ଓ ମୁମ୍ବାଇର ଜଣେ ହୀରା ବ୍ୟବସାୟୀ ମହାକାଳ ମନ୍ଦିରର ଶିଖର ଓ ଗର୍ଭଗୃହକୁ ସୁନାରେ ଅଳଙ୍କୃତ କରିବା ଦାୟତ୍ୱ ନେଇଛନ୍ତି | ମୁମ୍ବାଇର ବ୍ୟବସାୟୀ ଏହା ପୂର୍ବରୁ ସୋମନାଥ ମନ୍ଦିର ଓ ବଦ୍ରୀନାଥ ମନ୍ଦିରରେ ମଧ୍ୟ ସୁନା ଦାନ କରିଥିଲେ | ବର୍ତ୍ତମାନ ମହାକାଳ ମନ୍ଦିରକୁ ମଧ୍ୟ ସ୍ଵର୍ଣ ଜଡିତ କରିବା ବ୍ୟବସାୟୀଙ୍କ ଇଛା |

କାରିଗରଙ୍କୁ ପଠାଇ ଏଥିପାଇଁ କେତେ ସୁନା ଲାଗିବ ତାର ଆକଳନ କରାଯାଇଛି | ଏହି କାମ ପାଇଁ ପାଖାପାଖି ୨୫୦ କିଲୋ ସୁନା ଲାଗିବ ବୋଲି ଅନୁମାନ କରାଯାଉଛି | ୨୦୦ କିଲୋ ସୁନା ଶିଖରରେ ଓ ୫୦ କିଲୋ ଗର୍ଭଗୃହରେ ଲଗାଯିବ | ଉଜ୍ଜୈନ ସ୍ଵର୍ଣ ଶିଖର ଆରୋହଣ ସଂକଳ୍ପ କମିଟି ବ୍ୟବସାୟୀଙ୍କ ସହିତ କଥାବାର୍ତ୍ତା କରିବା ପରେ ମହାକାଳ ମନ୍ଦିର କମିଟିକୁ ଏହି ପ୍ରସ୍ତାବ ପଠାଇବେ | ଏହାପରେ ଉଜ୍ଜୈନ ଜିଲ୍ଲା ଅଧିକାରୀଙ୍କ ତରଫରୁ ଅନ୍ତିମ ମୋହର ଲାଗିବ | ଏହାପରେ ଶିଖରରେ ସୁନା ଲଗାଇବା କାର୍ଯ୍ୟ ଆରମ୍ଭ ହେବ |

୨୦୨୮ ମସିହା ପୂର୍ବରୁ ମହାକାଳ ମନ୍ଦିର ଶିଖର ଓ ଗର୍ଭଗୃହରେ ସୁନା ଲଗାଯାଇଥିବ | ଏହା ପୂର୍ବରୁ ମହାକାଳ ମନ୍ଦିର ଶିଖରରେ ୧୧୦ ଶିଖରକୁ ସ୍ଵର୍ଣ ଜଡିତ କରାଯାଇଥିଲା | ଏଥିପାଇଁ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ ମଧ୍ୟ ସୁନା ଦାନ କରିଥିଲେ |

   Related Posts