ନୂଆଦିଲ୍ଲୀ: ଉଗାଣ୍ଡାରେ ସମଲିଙ୍ଗୀ ସମ୍ପର୍କ ଉପରେ ସମ୍ପୂର୍ଣ୍ଣ ବ୍ୟାନ ଲାଗୁ କରାଯାଇଛି । ଉଗାଣ୍ଡା ରାଷ୍ଟ୍ରପତି ୟୋୱେରୀ ମୁସେଭେନୀ ଏଲଜିବିଟିକ୍ୟୁ ବିରୋଧୀ ଆଇନକୁ ମଞ୍ଜୁରୀ ଦେଇଛନ୍ତି । ଏହି ଆଇନ ଉଲ୍ଲଂଘନକାରୀଙ୍କୁ ମୃତ୍ୟୁ ଦଣ୍ଡର ପ୍ରାବଧାନ ରହିଛି । ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ଟ୍ୱିଟ୍ କରି ଏହାର ସୂଚନା ଦିଆଯାଇଛି ।
ଉଗାଣ୍ଡାରେ ସମଲିଙ୍ଗୀ ସମ୍ପର୍କ ପୂର୍ବରୁ ବେଆଇନ ଥିଲା, କିନ୍ତୁ ନୂଆ ଆଇନ ଏଲଜିବିଟିକ୍ୟୁ ସମୁଦାୟକୁ ଟାର୍ଗେଟ କରୁଛି । ଏହି ଆଇନ ସମଲିଙ୍ଗୀ ଯୌନ ସମ୍ପର୍କ ସହ ଏଚଆଇଭି ପଜିଟିଭ ହୋଇ ସମ୍ପର୍କ ସ୍ଥାପନ କଲେ ମୃତ୍ୟୁଦଣ୍ଡର ବ୍ୟବସ୍ଥା ରହିଛି । ଏହି ଆଇନ ଅନୁସାରେ ସମଲିଙ୍ଗୀ ସମ୍ପର୍କକୁ ପ୍ରୋତ୍ସାହନ ଦେଉଥିବା ବ୍ୟକ୍ତିକୁ ୨୦ ବର୍ଷ ଜେଲ ଦଣ୍ଡର ପ୍ରାବଧାନ ରହିଛି । ସମଲିଙ୍ଗୀ ସମ୍ପର୍କ ସ୍ଥାପନ ଉଦ୍ୟମ ବେଳେ ଧରାପଡିଥିବା ବ୍ୟକ୍ତିଙ୍କୁ ୧୦ ବର୍ଷ ଯାଏ ଜେଲ ଦଣ୍ଡ ନେଇ ଆଇନରେ ବ୍ୟବସ୍ଥା କରାଯାଇଛି ।
{"id":794613,"width":839,"height":471,"sizeSlug":"full","linkDestination":"none"}
ଏଲଜିବିଟିକ୍ୟୁ ଅଧିନିୟମ ୨୦୨୩କୁ ଗତ ମାର୍ଚ୍ଚରେ ଉଗାଣ୍ଡାର ସଂସଦରେ ଆଗତ କରାଯାଇଥିଲା । ଏବେ ଏହା ଆଇନରେ ପରିଣତ ହୋଇଛି । ଏହି ଆଇନରେ ଗମ୍ଭୀର ସମଲିଙ୍ଗୀକତା ପାଇଁ ମୃତ୍ୟୁ ଦଣ୍ଡର ପ୍ରାବଧାନ ରହିଛି । ଗମ୍ଭୀର ସମଲିଙ୍ଗୀକତାର ଅର୍ଥ ହେଉଛି ୧୮ ବର୍ଷରୁ କମ ବ୍ୟକ୍ତିଙ୍କ ସହ ସମ୍ପର୍କ ସ୍ଥାପନ କିମ୍ୱା ଏଚଆଇଭି ପଜିଟିଭ ହୋଇ ସମ୍ପର୍କ ରଖିବା । ସମୁଦାୟ ପାଇଁ ସ୍ୱର ଉଠାଉଥିବା ସମାଜିକକର୍ମୀ ଏହି କଠୋର ଆଇନକୁ ଚ୍ୟାଲେଞ୍ଜ ଦେବା କଥା କହିଛନ୍ତି ।
READ
wp:embed {"url":"https://www.prameyanews7.com/union-minister-dharmendra-pradhan-held-talks-with-the-deputy-prime-minister-and-minister-of-industry-and-commerce-of-singapore/","type":"wp-embed","providerNameSlug":"prameya-news-7"}
