ମୁମ୍ବାଇ: ଭୀର ସାବରକରଙ୍କୁ ଆକ୍ଷେପକୁ ନେଇ ରାହୁଲ ଗାନ୍ଧିଙ୍କୁ ଘେରିଲେ କଂଗ୍ରେସ ସହଯୋଗୀ ଦଳ । ରାହୁଲ ଗାନ୍ଧିଙ୍କୁ ଦୁଇ ପଦ ଶୁଣାଇଛନ୍ତି ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ବାରମ୍ବାର ସବରକରଙ୍କୁ ଅପମାନିତ କରିବା ବରଦାସ୍ତ କରାଯିବନାହିଁ । ଏହା ସହିତ ମହାବିକାଶ ଅଘାଡି ମେଣ୍ଟକୁ ନେଇ ମଧ୍ୟ ପ୍ରଶ୍ନ ଉଠାଇଛନ୍ତି ଉଦ୍ଧବ ।

ଲଣ୍ଡନରେ ଭାରତର ଲୋକତନ୍ତ୍ରକୁ ନେଇ ଟିପ୍ପଣୀ ଦେବା ଘଟଣାରେ ବିଜେପି, ରାହୁଲ ଗାନ୍ଧିଙ୍କୁ କ୍ଷମା ମାଗିବାକୁ ଚାପ ପକାଉଥିଲା । ଏହାକୁ ନେଇ କଂଗ୍ରେସ ଯୁବରାଜ ବାରମ୍ବାର ଭୀର ସାବରକରଙ୍କୁ ଆକ୍ଷେପ କରି ଟିପ୍ପଣୀ ଦେଇଥିଲେ । ରାହୁଲ ଗାନ୍ଧି କହିଥିଲେ, ‘ମୁଁ ଗାନ୍ଧି, ମୁଁ ସବରକାର ନୁହେଁ, ମୁଁ କାହାକୁ ଡରିନାହିଁ । ତେଣୁ କ୍ଷମା ମାଗିବାର ପ୍ରଶ୍ନ ଉଠୁନାହିଁ ‘। ଏହି ବୟାନ ପରେ ଚିହିଁକି ଉଠିଛନ୍ତି  କଂଗ୍ରେସ ସହଯୋଗୀ ଶିବସେନା ମୁଖ୍ୟ ଉଦ୍ଧବ ଠାକରେ । ବିନାୟକଙ୍କ ସାବରକରଙ୍କୁ ବାରମ୍ବାର ଅପମାନିତ କରାଗଲେ ବରଦାସ୍ତ କରାଯିବନାହିଁ । ମହାରାଷ୍ଟ୍ରରେ କଂଗ୍ରେସ ଓ ଏନସିପି ସହିତ ଗଠବନ୍ଧନ କରିଛି ଶିବସେନା । ଲୋକତନ୍ତ୍ରକୁ ସୁରକ୍ଷା ଦେବା ପାଇଁ ଏହି ମେଣ୍ଟ ହୋଇଛି । ରାହୁଲ ଗାନ୍ଧି ଜାଣିଶୁଣି ଲଗାତାର ଉସୁକାଇବାକୁ ଚେଷ୍ଟା କରୁଛନ୍ତି । ଏହାକୁ ନେଇ ବିପକ୍ଷ ଦଳ ବ୍ୟସ୍ତ ରହିଲେ ଲୋକତନ୍ତ୍ର କେମିତି ବଞ୍ଚିବ ବୋଲି ଉଦ୍ଧବ ଠାକରେ କହିଛନ୍ତି ।

Will not tolerate the insult of Savarkar. The alliance of Uddhav faction, Cong & NCP was made to protect democracy & we need to work unitedly. Rahul Gandhi is being provoked deliberately but if we waste time in this, democracy will cease to exist: Uddhav Thackeray on Rahul… pic.twitter.com/oRsin0IrES

— ANI (@ANI) March 26, 2023

ଭୀର ସାବରକର ନିଜ ଆଦର୍ଶକୁ ନେଇ ଗର୍ବିତ, ତାଙ୍କୁ ଏଭଳି ଅପମାନ କରିବା ଠିକ୍ ନୁହେଁ । ଦେଶ ପାଇଁ ଆଣ୍ଡାମାନର ସେଲୁଲାର ଜେଲରେ ୧୪ ବର୍ଷ ଜେଲ୍ ଦଣ୍ଡ ଭୋଗିଛନ୍ତି । ଆମେ କେବଳ ତାଙ୍କ ତାଙ୍କ ବଳିଦାନକୁ ବହିରେ ପଢୁଛେ । ଏଭଳି ତ୍ୟାଗକୁ ଅପମାନିତ କରାଗଲେ ବରଦାସ୍ତ କରାଯିବ ନାହିଁ ବୋଲି ଉଦ୍ଧବ କହିଛନ୍ତି ।