ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ନିର୍ବାଚନ ଆୟୋଗ ନିକଟକୁ ୨ଟି ଟ୍ରକରେ ୮.୫ ଲକ୍ଷ ପ୍ରାଥମିକ ସଦସ୍ୟତା ଫର୍ମ ପଠାଇଲେ ଉଦ୍ଧବ ଠାକରେ

26/10/2022 at 10:38 PM

ମୁମ୍ବାଇ: ଶିବସେନା ପାର୍ଟି ପ୍ରକୃତରେ କାହାର। ବାଲ ଠାକରେଙ୍କ ପୁଅ ଉଦ୍ଧବ ଠାକରେଙ୍କ ଗୋଷ୍ଠୀର ନା ଏକନାଥ ସିନ୍ଦେ ଗୋଷ୍ଠୀର। ମାମଲା ବର୍ତ୍ତମାନ ଭାରତୀୟ ନିର୍ବାଚନ ଆୟୋଗଙ୍କଠାରେ ବିଚାରଧୀନ ରହିଛି। ଶିବସେନାର ନିର୍ବାଚନୀ ଚିହ୍ନକୁ ଦୁଇ ଗୋଷ୍ଠୀ ବ୍ୟବହାର କରି ପାରିବେ ନାହିଁ ବୋଲି ଇସି ପୂର୍ବରୁ କହି ସାରିଛନ୍ତି। ଏହା ମଧ୍ୟରେ ଉଦ୍ଧବ ଠାକରେଙ୍କ ନେତୃତ୍ଵାଧୀନ ଶିବସେନା ନିର୍ବାଚନ ଆୟୋଗ  କାର୍ଯ୍ୟାଳୟକୁ ଦୁଇଟି ଟ୍ରକରେ ୮ ଲକ୍ଷ ୫୦ ହଜାର ପ୍ରାଥମିକ ସଦସ୍ୟତାର ଫର୍ମ ପଠାଇଛି।

ଟାଇମ୍ସ ଅଫ ଇଣ୍ଡିଆର ଏକ ରିପୋର୍ଟ ଅନୁସାରେ ଉଦ୍ଧବ ଗୋଷ୍ଠୀ ଦୁଇ ଟ୍ରକରେ ପ୍ରାଥମିକ ସଦସ୍ୟତା କାଗଜପତ୍ର ନିର୍ବାଚନ ପ୍ୟାନେଲ କାର୍ଯ୍ୟାଳୟକୁ ପଠାଇଛନ୍ତି। ଶିବସେନା ସାଂସଦ ଅନିଲ୍ ଦେଶାଇ କହିଛନ୍ତି, ୧୧ ଲକ୍ଷ ପ୍ରାଥମିକ ସଦସ୍ୟତା ଫର୍ମ ଏକତ୍ର କରାଯାଇଥିଲା। ମାତ୍ର ନିର୍ବାଚନ ଆୟୋଗ ଜମା କରିବା ପାଇଁ ଗାଇଡ୍‌ଲାଇନ୍‌ ଜାରି କରିଥିଲେ ଏବଂ ସେହି ଅନୁସାରେ ମୋଟ୍ ୮ ଲକ୍ଷ ୫୦ ହଜାର ପେପର ଜମା କରାଯାଇଛି।

ଦେଶାଇ କହିଛନ୍ତି, ପାର୍ଟିର ସଦସ୍ୟଙ୍କ ପ୍ରତିନିଧି ସଭା ଏବଂ ଜିଲ୍ଲା ସଭାପତିଠୁ ନେଇ ବୁଥ୍ ପ୍ରମୁଖ ପର୍ଯ୍ୟନ୍ତ ପଦାଧିକାରୀଙ୍କ ସତ୍ୟପାଠ ଜମା କରାଯାଇଛି। ଏହାର ସଂଖ୍ୟା ୨ ଲକ୍ଷ ୬୨ ହଜାର ହେବ। ଅନ୍ୟ ଜିଲ୍ଲାରୁ ବି ଆହୁରି ସତ୍ୟପାଠ ଯୋଡାଯିବ।

ସତ୍ୟପାଠରେ ଲେଖା ହୋଇଛି, ମୋତେ ଶିବସେନାର ସମ୍ବିଧାନ ଉପରେ ପୂର୍ଣ୍ଣ ଭରସା ରହିଛି। ମୋତେ ଶିବସେନାର ଦିବଙ୍ଗତ ସୁପ୍ରିମୋ ବାଲ ଠାକରେଙ୍କ ବିଚାର ଏବଂ ସିଦ୍ଧାନ୍ତ ଉପରେ ପୂରା ଭରସା ରହିଛି। ଶିବସେନା ପ୍ରମୁଖ ଉଦ୍ଧବ ଠାକରେଙ୍କ ନେତୃତ୍ଵ ଏବଂ ମୁଁ ତାଙ୍କ ନେତୃତ୍ଵର ସମର୍ଥନ କରୁଛି।  ମୁଁ ଏହା ସୁନିଶ୍ଚିତ କରୁଛି ଯେ,  ମୁଁ ପାର୍ଟିର ସମ୍ବିଧାନର ନିୟମକୁ ପାଳନ କରିବାକୁ ଚେଷ୍ଟା କରିବି ଏବଂ ପୁଣି ଥରେ ଦୋହରାଉଛି ଯେ, ମୋତେ ଉଦ୍ଧବ ଠାକରେଙ୍କ ନେତୃତ୍ଵ ଉପରେ ପୂର୍ଣ୍ଣ ଭରସା ରହିଛି।

   Related Posts