ନୂଆଦିଲ୍ଲୀ, ୨୭/୦୭: ଶିବସେନା (ଉଦ୍ଦବ ଗୋଷ୍ଠୀ) ମୁଖ୍ୟ ଉଦ୍ଦବ ଠାକରେ ଗୁରୁବାର ନିଜ ସମ୍ପର୍କୀୟ ଭାଇ ତଥା ମହାରାଷ୍ଟ୍ର ନବ ନିର୍ମାଣ ସେନା (MNS) ର ସହ ପ୍ରତିଷ୍ଠାତା ରାଜ୍‌ ଠାକରେଙ୍କ ସହ ପୁଣିଥରେ ମିଶିବା ଗୁଜବକୁ ଖଣ୍ଡନ କରିଛନ୍ତି। ନିଜର ୬୩ ତମ ଜନ୍ମଦିନ ଅବସରରେ ଏକ ଗଣମାଧ୍ୟମ ସାକ୍ଷାତକାର ସମୟରେ ଏକଥା କହିଛନ୍ତି ଉଦ୍ଦବ ଠାକରେ। ସେ କହିଛନ୍ତି ଏଭଳି କୌଣସି କଥାବାର୍ତ୍ତା ଏବେ ହେଉନାହିଁ। ଏଭଳି ଚିନ୍ତା କେବଳ ଏକ ଗୁଜବ।

ନିକଟରେ, ଅଜିତ ପାଓ୍ବାରଙ୍କ ନେତୃତ୍ବାଧୀନ ଏନସିପି ଗୋଷ୍ଠୀ ସତ୍ତାରେ ଥିବା ବିଜେପି ଏବଂ ଶିବସେନା ସରକାରଙ୍କ ଦେବେନ୍ଦ୍ର ଫଡନାଭିସ ଏବଂ ଏକନାଥ ସିନ୍ଦେଙ୍କ ସହ ଯୋଗଦେବା ପରଠାରୁ ଏମଏନଏସ ଏକ ହସ୍ତାକ୍ଷର କ୍ୟାମ୍ପେନ୍‌ ଆରମ୍ଭ କରିଛି। ଯେଉଁଥିରେ ଜନତାଙ୍କୁ ରାଜ୍ୟରେ ଜାରି ରହିଥିବା ନୂଆ ରାଜନୀତିକ ସମୀକରଣ ଉପରେ ନିଜର ଆକ୍ରୋଶ ବ୍ୟକ୍ତ କରିବାକୁ କୁହାଯାଇଥିଲା। ଯେଉଁଠା​‌ରେ ନେତାମାନେ ଖୁବ୍‌ ହଙ୍ଗାମା କରିଥିଲେ। ସତ୍ତା ପାଇଁ ବିଚାରଧାରା ସହ ବୁଝାମଣା କରିଥିଲେ।

ଆହୁରି ପଢ଼ନ୍ତୁ: ମହାରାଷ୍ଟ୍ରରେ ନୂଆ ସମୀକରଣ ଚର୍ଚ୍ଚା; ରାଜ୍-ଉଦ୍ଧବ ଏକ ହେବାକୁ ସବୁଠି ଲାଗିଲା ପୋଷ୍ଟର

ସୂଚନାଥାଉକି, ୨୦୧୯ ମହାରାଷ୍ଟ୍ର ବିଧାନସଭା ନିର୍ବାଚନରେ ଘୋର ପରାଜୟ ଏବଂ ରାଜ୍ୟ ରାଜନୀତିରେ କ୍ଷମତା ହ୍ରାସ ପରେ ଏମଏନଏସ  ‘ହିନ୍ଦୁତ୍ବ’ ରାଜନୀତିକୁ ମଜବୁତ କରିବା ଉପରେ ଧ୍ୟାନ ଦେଇଥିଲା। ଏହି କ୍ରମରେ ରାଜ୍‌ ଠାକରେ ୨୦୨୦ରେ ଛତ୍ରପତି ଶିବାଜୀଙ୍କ ରାଜକୀୟ ମୋହର ଏବଂ ଗେରୁଆ ପତାକାକୁ ଆପଣାଇଥିଲେ। ସେବେଠାରୁ ଏମଏନଏସ, ସିନ୍ଦେ ଗୋଷ୍ଠୀ, ଭାଜପା ଏବଂ ଏମଏନଏସର ସାଧାରଣ ପ୍ରତିନ୍ଦ୍ବନ୍ଦ୍ବୀ- ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ନେତୃତ୍ବାଧୀନ ଶିବସେନା ଠାରୁ ‘ହିନ୍ଦୁତ୍ବ’ ସ୍ଥାନ ଛଡ଼ାଇବାକୁ ଚେଷ୍ଟାରେ ବିଜେପିର ନିକଟତର ହୋଇଛି।

ଏହି ଘଟଣାକ୍ରମ ପରେ ଅଲଗା ହୋଇଥିବା ଦୁଇ ସମ୍ପର୍କୀୟ ଭାଇ- ରାଜ ଠାକରେ ଏବଂ ଉଦ୍ଧବ ଠାକରେଙ୍କ ଏକାଠି ହେବା ନେଇ ଗୁଜବ ଆରମ୍ଭ ହୋଇଥିଲା। ଉଭୟ ନେତା ଏହି ପ୍ରସଙ୍ଗରେ ଚୁପ୍‌ ରହିଥିଲେ। କିନ୍ତୁ ଏବେ ଉଦ୍ଦବ ଠାକରେ ସ୍ଥିତି ସ୍ପଷ୍ଟ କରିଛନ୍ତି।

ଆହୁରି ପଢ଼ନ୍ତୁ: ଶରଦ ପାୱାରଙ୍କ ପରେ ଉଦ୍ଧବ ଠାକରେଙ୍କୁ ଭେଟିଲେ ଅଜିତ ପାୱାର, ଜାଣନ୍ତୁ କ’ଣ ହେଲା କଥା?