scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ଭାବେ ଉଦ୍ଧବ ଠାକରେଙ୍କ ବର୍ଷପୂର୍ତ୍ତି, କହିଲେ-ବିଜେପି ତାଙ୍କ ପରିବାରକୁ ଟାର୍ଗେଟ୍ କରିଛି , ମୁଁ ଏତେ ତଳ ସ୍ତରକୁ ଯାଇ ପାରିବିନାହିଁ

28/11/2020 at 10:14 AM

ମୁମ୍ବାଇ ୨୮।୧୧: ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେ ଶୁକ୍ରବାର ଦିନ ମହାରାଷ୍ଟ୍ର ବିକାଶ ଅଗାଡ଼ି ସରକାରର ପ୍ରମୁଖ ଭାବେ ଏକ ବର୍ଷ ପୂରଣ କରିଛନ୍ତି । ଠାକ୍‌ରେଙ୍କ ପାଇଁ ଏକ ବର୍ଷ ବିଶେଷ ଖାସ୍‌ ରହିନାହିଁ । ତାଙ୍କୁ ପୂର୍ବ ସହଯୋଗୀ ବିଜେପି ଠାରୁ ଆକ୍ରମଣ ସହିବାକୁ ପଡିଛି । କରୋନା ମହାମାରୀ ଭଳି ସଙ୍କଟ ସମୟରେ ରାଜ୍ୟକୁ ସମ୍ଭାଳିବାକୁ ପଡିଛି । କେବଳ ଏମିତି ନୁହେଁ, କେନ୍ଦ୍ର ସରକାରଙ୍କ ସହିତ ତାଙ୍କ ସଂପର୍କ ମଧ୍ୟ ଖରାପ ହୋଇଛି । ଏହାସହିତ ମହାରାଷ୍ଟ୍ରରେ ଅନ୍ୟ ସମସ୍ୟା ନେଇ ସମ୍ମୁଖୀନ ହେବାକୁ ପଡିଛି । ଉଦ୍ଧବ ଠାକ୍‌ରେ ନିଜର ଏକ ବର୍ଷ ପୂରଣ ହେବା ନେଇ ସରକାରଙ୍କୁ ଅନେକ ମୁଦ୍ଦା ଉପରେ କଥା ହୋଇଥିଲେ ।

ମହାରାଷ୍ଟ୍ରରେ ସରକାର ଭାଙ୍ଗିବାକୁ ଚେଷ୍ଟା-

ମହାରାଷ୍ଟ୍ରରେ ବିଜେପି ଅନେକ ସମୟରେ ଭବିଷ୍ୟବାଣୀ କରିଥାଏ ଯେ, ରାଜ୍ୟରେ ସରକାର ଅଧିକ ଦିନ ଚାଲିବ ନାହିଁ,  ଖୁବଶୀଘ୍ର ଭାଙ୍ଗିଯିବ । ଠାକ୍‌ରେଙ୍କୁ ଏହି ପ୍ରସଙ୍ଗରେ ନିଜ ରାୟ ମଗାଯାଇଥିଲା । ସେ କହିଥିଲେ ଯେ, ସେମାନଙ୍କୁ ଭବିଷ୍ୟବାଣୀ କରିବାକୁ ଦିଅନ୍ତୁ । ସେମାନେ ଏହିସବୁରେ ଖୁସି । ଆମେ ଯେଉଁ ସମୟରେ ସରକାର ଚଳାଉଛୁ, ଅନେକ କଠିନ ପରିସ୍ଥିତି (କରୋନା ମହାମାରୀ ) ଦେଇ ଗତିକରୁଛି । ଏହାପୂର୍ବରୁ ଯେଉଁମାନେ ସରକାର ଚଳାଉଥିଲେ, ସେମାନଙ୍କୁ ଏପରି କଠିନ ପରିସ୍ଥିତିର ସମ୍ମୁଖୀନ ହେବାକୁ ପଡିନାହିଁ ।   

କେନ୍ଦ୍ର ଓ ମହାରାଷ୍ଟ୍ର ସରକାର ମଧ୍ୟରେ ସଂପର୍କ-

କେନ୍ଦ୍ର ଓ ମହାରାଷ୍ଟ୍ର ସରକାରଙ୍କ ମଧ୍ୟରେ ସଂପର୍କକୁ ନେଇ ଠାକ୍‌ରେ କହିଥିଲେ ଯେ, ସରକାର ଚଳାଉଥିବା ଲୋକ ବା ପାର୍ଟିଙ୍କ ବିଚାରଧାରା ମହତ୍ତ୍ୱପୂର୍ଣ୍ଣ ରହିଥାଏ । କିନ୍ତୁ କେନ୍ଦ୍ର ବା ରାଜ୍ୟ ନିପକ୍ଷ ରୂପରେ କାମ କରିବା ଦରକାର । ସେପ୍ଟେମ୍ବରରେ କେନ୍ଦ୍ର ସରକାର ପିପିଇ କିଟ୍‌ ଓ ଏନ୍‌-୯୫ ମାସ୍କ ପରି ସାମଗ୍ରୀ ଯୋଗାଇବା ଉପରେ ରୋକ ଲଗାଇଥିଲେ । ଏହାଦ୍ୱାରା ରାଜ୍ୟକୁ ୨୫୦-୩୦୦କୋଟି କ୍ଷତି ସହିବାକୁ ପଡିଥିଲା । ଏହା ସହିତ ଅତିକମରେ ୩୮,୦୦୦ କରୋଟି ଟଙ୍କାର ଜିଏସ୍‌ଟି ଓ ବିଚଳନ ବକେୟା ଏବେ ବି କେନ୍ଦ୍ର ନିକଟରେ ପଡିରହିଛି ।  ବାତ୍ୟା , ବନ୍ୟା ଓ ଲଗାତର ବର୍ଷା ପରି ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ କୌଣସି ପ୍ରକାର ସହଯୋଗ ମିଳିନାହିଁ ।

କରୋନା ଭ୍ୟାକ୍‌ସିନ୍‌-

କରୋନା ଭ୍ୟାକ୍‌ସିନ୍‌କୁ ନେଇ ଠାକ୍‌ରେ କହିଛନ୍ତି ଯେ, ଟୀକା ପାଇଁ ଏକ ଯୋଜନାର ଆବଶ୍ୟକତା ରହିଛି । ଟୀକା ପ୍ରସ୍ତୁତ କରୁଥିବା କମ୍ପାନୀମାନଙ୍କ ଠାରୁ ଏହିସବୁ ତଥ୍ୟ ହାସଲ କରିବା ଦରକାର । ଯାହାଦ୍ୱାରା ଏହିସବୁ ଟୀକା କେତେ ତାପମାତ୍ରାରେ ରହିପାରିବ । କେତେ ପରିମାଣର ଖୁରାକର ଆବଶ୍ୟକତାକତା ରହିଛି । ଏପରି ଏନେକ କଥା ନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ସ୍ପଷ୍ଟ ସୂଚନା ମିଳିନାହିଁ ।

ମହାରାଷ୍ଟ୍ର ସରକାରଙ୍କ ସଫଳତା-

ସାମ୍ବାଦିକଙ୍କ ମାନଙ୍କ ସହ କଥା ହେବା ବେଳେ ସରକାରଙ୍କ କେତେକ ସଫଳତା ନେଇ ଜବାବା ରଖିଛନ୍ତି ଉଦ୍ଧବ ଠାକ୍‌ରେ । ତାଙ୍କ ମତରେ , ରାୟଗଡ଼ା ଜିଲ୍ଲାରେ ଅନେକ ବିକାଶ କାର୍ଯ୍ୟ ଆରମ୍ଭ କରିବାକୁ ନିର୍ଣ୍ଣୟ ନେଇଛୁ ।  ଯେଉଁଥିପାଇଁ ଆବଶ୍ୟକ ଥିବା ଅର୍ଥର ଯୋଗାଡ଼ ଚାଲିଛି । ଏହାସହିତ ୨ଲକ୍ଷ କୋଟି ଟଙ୍କାର କୃଷି ଲୋନ୍‌ ଛାଡ଼ କରାଯାଇଛି । ଆମ ଦଳ ଯାହା ପ୍ରତିଶୃତି ଦେଇଥିଲେ, ତାହା ପୂରଣ କରିବା ଦିଗରେ ଅଗ୍ରସର ହୋଇଛି । କୃଷି ଲୋନ୍‌ ଛାଡ଼୍ କରିବା ଏକ ବହୁତ ବଡ଼ ନିର୍ଣ୍ଣୟ ଥିଲା । ଏହାଦ୍ୱାର ଅନେକ କୃଷକ ଲାଭ ପାଇପାରିବେ । ଆମେ କୃଷକଙ୍କ ଆୟ ୨ ଗୁଣ କିମ୍ବା ୩ ଗୁଣ କରିବାକୁ କେବେ ହେଲେ ଘୋଷଣା କରିନଥିଲେ, ନା କହିଥିଲୁ “ଆଚ୍ଛେ ଦିନ ଆୟେଗଁ”

ବିଜେପି ଓ ମୋଦିଙ୍କ ସାମ୍ନାରେ ଠାକ୍‌ରେ ?-

ବିଜେପି ଓ ମୋଦିଙ୍କ ଆଗରେ ଆପଣ ଛିଡା ହୋଇଥିବା ପ୍ରଶ୍ନର ଉତ୍ତର ଦେଇ ଉଦ୍ଧବ ଠାକ୍‌ରେ କହିଥିଲେ ଯେ, ମୋର ଏପରି କୌଣସି ଉଦ୍ଦେଶ୍ୟ ନାହିଁ । ମୁଁ ଯୋଶ ସହିତ କାମ କରୁଛି । ଅନେକ ମୁଦ୍ଧା ଉପରେ ଆଲୋଚନା ମଧ୍ୟ କରୁଛି ।  ମୁଁ କେବେ ବ୍ୟକ୍ତିଗତ ଆକ୍ଷେପ କରିନାହିଁ । କିନ୍ତୁ ସେମାନେ ସବୁବେଳେ ମୋ ପରିବାର ଉପରେ ପ୍ରତିଶୋଧ ମୂଳକ ଭାବେ ଆରୋପ କରିଥାନ୍ତି । ଯେତେବେଳେ ଆମେ ତାଙ୍କ ସହିତ ଥିଲୁ, ସେତେବେଳ ଭଲ ଥିଲୁ । ଆମେ ସେମାନଙ୍କ ପାଇଁ ପ୍ରଚାର କରୁଥିଲି, ଆମ ବିନା ସେମାନଙ୍କ ଭୋଟ ବ୍ୟାଙ୍କ କେବେବି ଭରିନଥାନ୍ତା । କିନ୍ତୁ ଏବେ ମୋ ପରିବାର ଉପରେ ଆକ୍ରୋଶମୂଳକ ଭାବେ ଆକ୍ଷେପ କରାଯାଉଛି । ଏଥିରୁ ସେମାନଙ୍କର ରାଜନୈତିକି ବିକୃତ ପ୍ରବୃତ୍ତି ଜଣାପଡୁଛି । ମୁଁ ସେମାନଙ୍କ ପରି ନୀଚ ସ୍ତରକୁ ଯାଇ ଏପରି ଆକ୍ଷେପ କରିପାରିବି ନାହିଁ ।

   Related Posts