ଉଦଳା ୧୭/୦୧: ଘର ବାଡ଼ିରେ ଥିବା ଗଡିଆରେ ବୁଡି ଦେଢ଼ ବର୍ଷ ଶିଶୁକନ୍ୟାର ମୃତ୍ୟୁ । ଏଭଳି ଘଟଣା ଘଟିଛି କପ୍ତିପଦା ଥାନା ଗେଣ୍ଡାଗଡିଆ କଲୋନୀସାହି ଗ୍ରାମରେ ।
ଗ୍ରାମର ବଳ ଦେହୁରୀ ଏବଂ ତାଙ୍କ ସ୍ତ୍ରୀ ଘର କାମରେ ବ୍ୟସ୍ତ ଥିବା ବେଳେ ଦେଢ଼ ବର୍ଷର ଶିଶୁକନ୍ୟା ବର୍ଷା ଦେହୁରୀ ଘର ବାଡ଼ିରେ ଖେଳୁଥିଲା । ଖେଳୁ ଖେଳୁ ଶିଶୁ କନ୍ୟା ଗଡିଆରେ ପଡି ଯାଇଥିଲା ।
ପରିବାର ଲୋକେ ଝିଅକୁ ଖୋଜାଖୋଜି କରିବା ପରେ ଝିଅ ଗଡିଆରେ ବୁଡି ଯାଇଥିବା ଦେଖିପାରି ତାକୁ ଉଦ୍ଧାର କରି ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । କପ୍ତିପଦା ପୋଲିସ ଡାକ୍ତରଖାନାରେ ପହଞ୍ଚି ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।
