ସୋର ୫|୭: ଚକୋଲେଟ ଦେଇ ଦୁଇ ଭଉଣୀଙ୍କୁ ସମ୍ପର୍କୀୟ ଭାଇର ଦୁଷ୍କର୍ମ ଅଭିଯୋଗ ହୋଇଛି । ଏଭଳି ଲଜ୍ଜା ଜନକ ଘଟଣା ଘଟିଛି ବାଲେଶ୍ବର ଜିଲ୍ଲା ଖନ୍ତାପଡା ଥାନା ଅଞ୍ଚଳରେ। ଜଣଙ୍କର ବୟସ ୧୧ ବର୍ଷ ହୋଇଥିବାବେଳେ ଅନ୍ୟ ଜଣଙ୍କର ବୟସ ୭ ବର୍ଷ। ପୀଡିତାଙ୍କ ଅଭିଯୋଗକ୍ରମେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
{"id":130540}ସୂଚନାଯୋଗ୍ୟ ଯେ, ଗତ ସୋମବାର ଦୁଇ ଭଉଣୀ ଖେଳୁଥିଲେ । ଏହି ସମୟରେ ସେହି ଗାଁର ପଡୋଶୀ ଦାଦା ପୁଅ ଭାଇ ସାନ୍ତୁନୁ ପାତ୍ର ଓରଫ ଜୁଲୁ ଚକୋଲେଟ୍ ଦେବା ବାହାନାରେ ନିଜ ଘରକୁ ଡାକି ନେଇ ଦୁଷ୍କର୍ମ କରିଥିଲେ । ଏ ବିଷୟରେ କାହାକୁ ଜଣାଇଲେ ଜୀବନରୁ ମାରିଦେବାକୁ ଉଭୟ ନାବାଳିକାଙ୍କୁ ଧମକ ଦେଇଥିଲେ । ଏଥିରେ ଡରିଯାଇ ଉଭୟ ଏହି ଘଟଣା ସମ୍ପର୍କରେ କାହାକୁ କହିନଥିଲେ। ତେବେ ଗତକାଲି ରାତିରେ ଉଭୟ ନାବାଳିକା ଯନ୍ତ୍ରଣା ଅନୁଭବ କରିବାରୁ ମାଆଙ୍କୁ ସବୁ କଥା କହିଥିଲେ।
{"id":130539}ଘଟଣା ସମ୍ପର୍କରେ ଜଣାପଡିବା ପରେ ନାବାଳିକାଙ୍କ ବାପା ଅଭିଯୁକ୍ତ ସାନ୍ତୁନୁଙ୍କ ବିରୋଧରେ ଥାନାରେ ଏତଲା ରୁଜୁ କରିଥିଲେ। ଖନ୍ତାପଡା ପୋଲିସ ଘଟଣାସ୍ଥଳରେ ପହଞ୍ଚିଲାବେଳକୁ ଅଭିଯୁକ୍ତ ଫେରାର ହୋଇଯାଇଛି। ଖନ୍ତାପଡା ଥାନାରେ ମାମଲା ରୁଜୁ କରାଯିବା ସହ ୨ ଭଉଣୀଙ୍କ ବୟାନ ରେକର୍ଡ କରାଯିବା ସହ ଡାକ୍ତରୀ ମାଇନା ପାଇଁ ପଠାଯାଇଥିବା କହିଛନ୍ତି ଖନ୍ତାପଡା ଆଇଆଇସି।