କଟକ ୧୦।୦୮ : ନିଖୋଜ ବର୍ଷା ଓ କୃଷ୍ଣ ସୁରକ୍ଷିତ ଉଦ୍ଧାର । କାଠଯୋଡି ନଦୀକୁ ଡେଇଁଥିବା ଉଭୟଙ୍କୁ ଉଦ୍ଧାର କରାଯାଇଛି । ଉଦ୍ଧାର ପରେ ଉଭୟଙ୍କୁ ଚିକିତ୍ସା ନିମନ୍ତେ ମେଡିକାଲକୁ ପଠାଯାଇଛି ।
ଖବର ଅନୁଯାୟୀ, ଶୁକ୍ରବାର ରାତିରେ ବର୍ଷା ଏବଂ କୃଷ୍ଣ ନାମକ ଦୁଇ ଜଣ କାଠଯୋଡି ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । ହେଲେ ଉଭୟ ଗତରାତିରେ ପହଁରି ପହଁରି କୂଳରେ ଲାଗିଥିବା ଜଣାପଡିଛି । ଏହାପରେ ସକାଳୁ ସକାଳୁ ପୋଲିସ ଉଭୟଙ୍କୁ ଉଦ୍ଧାର କରି ନିକଟସ୍ଥ ମେଡିକାଲକୁ ପଠାଯାଇଛି । ହେଲେ ବର୍ତ୍ତମାନ ପର୍ଯ୍ୟନ୍ତ ସେମାନଙ୍କ କେଉଁ କାରଣ ଆତ୍ମହତ୍ୟା ଉଦ୍ୟମ କରିଛନ୍ତି , ସେନେଇ ସ୍ପଷ୍ଟ ସୂଚନା ମିଳିନାହିଁ । ପୋଲିସ ତଦନ୍ତ ପରେ ହିଁ ପ୍ରକୃତ ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି ।
