scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନବଙ୍କ ପରେ କଂଗ୍ରେସରୁ ବହିଷ୍କାର ହୋଇପାରନ୍ତି ଆଉ ଦୁଇ ବିଧାୟକ ପ୍ରକାଶ ଏବଂ ଯୋଗେଶ

17/01/2019 at 2:37 PM

ଭୁବନେଶ୍ବର ୧୭|୧: ଆଉ ଦୁଇ ବିଧାୟକଙ୍କ ବିରୋଧରେ କଂଗ୍ରେସ ନେଇପାରେ କାର୍ଯ୍ୟାନୁଷ୍ଠାନ । ଯୋଗେଶ ସିଂ ଏବଂ ପ୍ରକାଶ ବେହେରା କଂଗ୍ରେସରୁ ବହିଷ୍କାର ହୋଇପାରନ୍ତି । ପିସିସି ଶୃଙ୍ଖଳା କମିଟି ବୈଠକରେ ଗତକାଲି ଏନେଇ ଆଲୋଚନା ହୋଇଛି । ଆଜି ଅପରାହ୍ନରେ ଏନେଇ ଘୋଷଣା ହୋଇପାରେ । ଏହି ସୂଚନା ଦେଇଛନ୍ତି ପିସିସି ଶୃଙ୍ଖଳା କମିଟି ଅଧ୍ୟକ୍ଷ ହେମାନନ୍ଦ ବିଶ୍ବାଳ ।

ଗତକାଲି ଝାରସୁଗୁଡା ବିଧାୟକ ନବ ଦାସଙ୍କୁ ଦଳକୁ ବହିଷ୍କାର କରାଯାଇଛି । ଏଆଇସିସି ଅଧ୍ୟକ୍ଷଙ୍କ ନିର୍ଦ୍ଦେଶକ୍ରମେ ନବଙ୍କୁ ଦଳରୁ ବହିଷ୍କାର କରାଯାଇଛି। ଦଳ ବିରୋଧୀ ମନ୍ତବ୍ୟ ପାଇଁ ତାଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି ।

ସୁନ୍ଦରଗଡ କଂଗ୍ରେସ ବିଧାୟକ ଯୋଗେଶ ସିଂ କଂଗ୍ରେସ ଛାଡି ବିଜେଡି ଆସିବା ନେଇ ଚର୍ଚ୍ଚା ହେଉଛି । ଫେବ୍ରୁଆରୀ ମାସରେ ସେ ବିଜେଡିରେ ଯୋଗଦେଇ ପାରନ୍ତି ବୋଲି ପରୋକ୍ଷରେ ଯୋଗେଶ ସିଂ ସୂଚନା ଦେଇଥିଲେ ।୨୫ ତାରିଖରେ ରାହୁଲ ଗାନ୍ଧିଙ୍କ କାର୍ଯ୍ୟକ୍ରମରେ ଯୋଗଦେବେ ନାହିଁ ବୋଲି କହିଥିଲେ ଯୋଗେଶ । ବ୍ୟକ୍ତିଗତ କାମ ଥିବାରୁ କାର୍ଯ୍ୟକ୍ରମରେ ଯୋଗଦେବେନାହିଁ ବୋଲି ସେ କହିଥିଲେ । ନବଦାସଙ୍କ ପରେ ଦ୍ବିତୀୟ ବିଧାୟକ ଭାବେ ବିଜେଡି ମୁହାଁ ହୋଇଛନ୍ତି ଯୋଗଶ ।

ସେହିପରି ସାଲେପୁର ପ୍ରକାଶ ବେହେରା ମଧ୍ୟ ଖୁବ ଶୀଘ୍ର ଶଙ୍ଖ ଫୁଙ୍କିବା ଯୋଜନାରେ ଅଛନ୍ତି ବୋଲି ଚର୍ଚ୍ଚା ହେଉଛି । ପ୍ରକାଶ କହିଥିଲେ ଯେ ହାଇକମାଣ୍ଡ ଯାହା କହିବେ ସେୟା କରିବି । ତେବେ କଂଗ୍ରେସ ହାଇକମାଣ୍ଡ ନା ବିଜେଡି ହାଇକମାଣ୍ଡ ସେକଥା ପ୍ରକାଶ କରିନାହାନ୍ତି ପ୍ରକାଶ ।

ତେବେ ଉଭୟଙ୍କ ଦଳ ବିରୋଧୀ ମନ୍ତବ୍ୟ ପାଇଁ ତାଙ୍କୁ ଦଳରୁ ବହିଷ୍କାର କରାଯାଇପାରେ ବୋଲି ଚର୍ଚ୍ଚା ହେଉଛି । ତେବେ ପିସିସି ଶୃଙ୍ଖଳା କମିଟି ବୈଠକରେ ଗତକାଲି ଏନେଇ ଆଲୋଚନା ହୋଇଛି । ଆଜି ଅପରାହ୍ନରେ ଏନେଇ ଘୋଷଣା ହୋଇପାରେ ।

   Related Posts