ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ଅସୁସ୍ଥ ମାଆଙ୍କୁ ହସ୍ପିଟାଲକୁ ଦେଖିବାକୁ ଯାଉଥିବାବେଳେ ନାବାଳିକାଙ୍କୁ ଗଣଦୁଷ୍କର୍ମ : ୨ନାବାଳକ ଅଭିଯୁକ୍ତ ଗିରଫ

17/10/2020 at 12:28 PM

ଜାଲୌନ ୧୭/୧୦: ଉତ୍ତରପ୍ରଦେଶର ଜାଲୌନରେ ଜଣେ ନାବାଳିକା ଛାତ୍ରୀଙ୍କୁ ଗଣଦୁଷ୍କର୍ମ ଖବର ସାମନାକୁ ଆସିଛି। ପୀଡ଼ିତା ଛାତ୍ରୀ ଜଣକ ଅସୁସ୍ଥ ଥିବା ମାଆଙ୍କୁ ଦେଖିବାକୁ ହସ୍ପିଟାଲକୁ ଯାଉଥିଲେ। ନାବାଳିକାଙ୍କୁ ଏକୁଟିଆ ଦେଖି ୨ଜଣ ଯୁବକ ତାଙ୍କୁ ଅପହରଣ କରି ନେଇଥିଲେ ଏବଂ ତାଙ୍କୁ ଗଣଦୁଷ୍କର୍ମ କରିଥିଲେ। ଘଟଣା ବିଷୟରେ ପୀଡ଼ିତା ନିଜ ପରିବାର ଲୋକଙ୍କୁ କହିଥିଲେ ଏବଂ ଉରଇ ଥାନାକୁ ଯାଇ ମାମଲା ରୁଜୁ କରିଥିଲେ। ପୋଲିସ୍ ତୁରନ୍ତ ୨ ନାବାଳକ ଅଭିଯୁକ୍ତକୁ ଗିରଫ କରିଥିଲା।

ପୋଲିସର କହିବା​‌ ଅନୁସାରେ ଉରଇରେ ରହୁଥିବା ପୀଡ଼ିତା ଛାତ୍ରୀଙ୍କ ମାଆ ବୁଧବାର ଅସୁସ୍ଥ ହୋଇପଡ଼ିଥିଲେ। ପୀଡ଼ିତାଙ୍କ ପରିବାର ଲୋକେ ଅସୁସ୍ଥ ମହିଳାଙ୍କୁ ଚିକିତ୍ସା ପାଇଁ ଜିଲ୍ଲା ହସ୍ପିଟାଲକୁ ନେଇ ଯାଇଥିଲେ। ଏକାଦଶ ଶ୍ରେଣୀର ଛାତ୍ରୀ ମାଙ୍କୁ ଦେଖିବା ପାଇଁ ରାତି ପାଖାପାଖି ୧୨ଟାରେ ଚାଲି ଚାଲି ଘରୁ ହସ୍ପିଟାଲକୁ ଯାଉଥିଲେ।

ପୀଡ଼ିତା ଶହୀନ ଭଗତ ସିଂହ ଛକ ନିକଟରେ ରାସ୍ତା ଅନ୍ଧାରୁଆ ହୋଇ ଦେଖି ଫେରି ଯାଉଥିଲେ। ଏହି ସମୟରେ ଏକୁଟିଆ ଛାତ୍ରୀଙ୍କୁ ଦେଖି ୨ନାବାଳକ ତାଙ୍କ ପିଛା କରିଥିଲେ ଏବଂ କିଛି ଦୂର ଯାଇ ଦୁହେଁ ତାଙ୍କୁ ଘେରି ଯାଇଥିଲେ। ୨ଅଭିଯୁକ୍ତ ଛାତ୍ରୀଙ୍କୁ ବନ ବିଭାଗର ପଛକୁ ନେଇ ଯାଇଥିଲେ ଏବଂ ସେଠାରେ ତାଙ୍କୁ ଗଣଦୁଷ୍କର୍ମ କରିଥିଲେ।

୨ଅଭିଯୁକ୍ତ ଘଟଣା ପରେ ଛାତ୍ରୀଙ୍କୁ ଧମକ ଦେଇ ଫେରାର ହୋଇଯାଇଥିଲେ। ଏହା ପରେ ଯେକୌଣସିମତେ ପୀଡ଼ିତା ନିଜ ଘରକୁ ପହଞ୍ଚିଥିଲେ। ସେହି ସମୟରେ ସେ କାହାକୁ କିଛି କହିନଥିଲେ। ଗୁରୁବାର ରାତିରେ ଛାତ୍ରୀଙ୍କୁ ଚିନ୍ତିତ ଦେଖି ତାଙ୍କ ମାଆ ପଚାରିବାରୁ ସେ ସବୁ କଥା କହିଥିଲେ। ଏହା ପରେ ପରିବାର ଲୋକେ ଥାନାକୁ ନେଇ ଯାଇଥିଲେ। ଛାତ୍ରୀଙ୍କ ଗଣଦୁଷ୍କର୍ମ ଘଟଣା ଶୁଣିବା ମାତ୍ରେ ଥାନାରେ ହଇଚଇ ସୃଷ୍ଟି ହୋଇଥିଲା ଏବଂ ପୋଲିସ୍ ପୀଡ଼ିତାଙ୍କୁ ମହିଳା ହସ୍ପିଟାଲକୁ ଚେକଅପ୍ ପାଇଁ ପଠାଇ ଦେଇଥିଲା ଏବଂ ମାମଲା ରୁଜୁ କରି ଦେଇଥିଲା।

   Related Posts