ଓ୍ବାଶିଂଟନ: ଆମେରିକାର କାଲିଫର୍ଣ୍ଣିଆ ପ୍ରାନ୍ତରେ ଥିବା ଗୁରୁଦ୍ବାରରେ ଗୁଳମାଡ଼ । ଏହି ଗୁଳିକାଣ୍ଡରେ ୨ଜଣ ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସ ଏହି ଘଟଣାର ତଦନ୍ତ କରୁଛି ।

ନ୍ୟୁଜ୍ ଏଜେନ୍ସିର ରିପୋର୍ଟ ମୁତାବକ, କାଲିଫର୍ଣ୍ଣିଆର ସେକ୍ରାମୈଣ୍ଟୋ କାଉଣ୍ଟିରେ ଥିବା ଶିଖ୍ ସମ୍ପ୍ରଦାୟଙ୍କ ଧର୍ମିକ ଅନୁଷ୍ଠାନ ଗୁରୁଦ୍ବାରରେ ଗୁଳିମାଡ଼ ହୋଇଛି । ଏହା ହେଟ୍ କ୍ରାଇମ୍ ନୁହେଁ, ବରଂ ଦୁଇଜଣଙ୍କ ମଧ୍ୟ ଝଗଡ଼ା ହେବା ପରେ ଗୁଳିମାଡ଼ ହୋଇଛି ବୋଲି ଏଏନଆଇ ପକ୍ଷରୁ କୁହାଯାଇଛି ।

ସେକ୍ରାମୈଣ୍ଟୋ କାଉଣ୍ଟିରେ ଶେରିଫ୍ କାର୍ଯ୍ୟାଳୟର ମୁଖପାତ୍ର ଅମର ଗାନ୍ଧି କହିଛନ୍ତି, ଗୁରୁଦ୍ବାର ସାମ୍ନାରେ ହୋଇଥିଲା ଝଗଡ଼ାରେ ୩ଜଣ ସାମିଲ ଥିଲେ । ସାମାନ୍ୟ ପାଟିତୁଣ୍ଡରୁ ଝଗଡ଼ା ଭୟଙ୍କର ରୂପ ଧାରଣ କରିଥିଲା । ଜଣେ ସନ୍ଦିଗ୍ଧ ଅନ୍ୟଜଣଙ୍କ ବନ୍ଧୁଙ୍କୁ ଗୁଳିମାରିବାରୁ ପ୍ରଥମ ସନ୍ଦିଗ୍ଧ ଦ୍ବିତୀୟ ସନ୍ଦିଗ୍ଧଙ୍କୁ ଗୁଳିମାରିଥିଲେ । ଝଗଡାରେ ସାମିଲ ଥିବା ସନ୍ଦିଗ୍ଧ ବ୍ୟକ୍ତି ଜଣେ ଅନ୍ୟଜଣଙ୍କୁ ଜାଣିଛନ୍ତି । ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ଗୁଳିକାଣ୍ଡ ହୋଇଥାଏ ବୋଲି କୁହାଯାଉଛି ।

ଗନ୍ ଭାଉଲେନ୍ସ ଡାଟାବେସ୍ ରିପୋର୍ଟ ଅନୁଯାୟୀ, ଆମେରିକାରେ ଗୁଳି ମାଡ଼ରେ ପ୍ରାୟ ୪୪ ହଜାର ଲୋକଙ୍କ ମୃତ୍ୟୁ ହୋଇଛି ।