ରାଉରକେଲା ୧୫।୦୮: ସ୍ୱାଧୀନତା ଦିବସରେ ଅଘଟଣ । ମାଓ ଆକ୍ରମଣରେ ଦୁଇ ଯବାନ ସହିଦ । ଦୁଇ ଯବାନ ଅମିତ କୁମାର ତିଓ୍ୱାରୀ ଏବଂ ଆଉ ଜଣେ କନେଷ୍ଟବଳ ଗୌତମ କୁମାର ବୋଲି ଜଣାପଡିଛି ।
ଖବର ଅନୁଯାୟୀ, ଝାଡ଼ଖଣ୍ଡ ପଶ୍ଚିମ ସିଂହଭୂମି ଟଣ୍ଟୋ ଜଙ୍ଗଲରେ ଚାଲିଥିଲା ମାଓ ଅପରେସନ । ଏହି ସମୟରେ ହଠାତ୍ ମାଓବାଦୀମାନେ ଆକ୍ରମଣ କରିଥିଲେ । ଯେଉଁଥିରେ ଝାଡଖଣ୍ଡ ଜାଗୁଆର ଫୋର୍ସର ସବ୍ ଇନ୍ସପେକ୍ଟର ଅମିତ କୁମାର ତିଓ୍ୱାରୀ ଏବଂ କନେଷ୍ଟବଳ ଗୌତମ କୁମାର ସହିଦ ହୋଇଛନ୍ତି ।
ତେବେ ମିଳିଥିବା ତଥ୍ୟ ଅନୁସାରେ ଦୁଇ ଦିନ ତଳେ ସହିଦ ଅମିତ ତିଓ୍ୱାରୀ ବାପା ହୋଇଥିଲା । ଏହି ଅବସରରେ ସେ ଛୁଟିରେ ଖୁବଶୀଘ୍ର ଘରକୁ ଫେରିବେ ବୋଲି ପତ୍ନୀଙ୍କୁ କହିଥିଲେ । କିନ୍ତୁ କିଏ ଜାଣିଥିଲା ଏହା ତାଙ୍କର ଶେଷ କଲ୍ ହେବ । ଆଉ ମାଓ ଆକ୍ରମଣରେ ହୋଇଯିବ ସହିଦ
ସେପଟେ ମାଓ ହମ୍ଲା ନେଇ ସୂଚନା ମିଳିବା ପରେ ସ୍ଥାନୀୟ ପୋଲିସ ଏବଂ ସୁରକ୍ଷାକର୍ମୀଙ୍କ ପକ୍ଷରୁ ଟଣ୍ଟୋ ଜଙ୍ଗଲରେ ସର୍ଚ୍ଚ ଅପରେସନ ଆରମ୍ଭ ହୋଇଯାଇଛି । ବରିଷ୍ଠ ଅଧିକାରୀମାନେ ଘଟଣାସ୍ଥଳରୁ ଯାଇଥିବା ସୂଚନା ମଧ୍ୟ ମିଳିଛି ।
wp:embed {"url":"https://www.prameyanews7.com/most-successful-teams-of-asia-cup-tournaments/","type":"wp-embed","providerNameSlug":"prameya-news-7"}
