ଢେଙ୍କାନାଳ ୮।୩: ଜଙ୍ଗଲୀ ବାରହାଙ୍କ ଉପଦ୍ରବ । ଆଉ ଏହି ଜଙ୍ଗଲୀ ବାରହା ଆକ୍ରମଣ ଯୋଗୁଁ ଦୁଇ ଜଣ ଗୁରୁତର ହୋଇଛନ୍ତି । ଢେଙ୍କାନାଳ ସଦର ଥାନା ଅନ୍ତର୍ଗତ ତରଭା ଗ୍ରାମ ନିକଟରେ ଥିବା ଏକ ଇଟାଭାଟିରେ ପଶି ଆକ୍ରମମ କରିଛନ୍ତି ଜଙ୍ଗଲୀ ବାରହା । ଦୁଇଟି ବାରହା ବୁଧବାର ଭୋର ସମୟରେ ଏହି ଇଟାଭାଟିରେ ପଶି ଯାଇଥିଲେ ।

ଫଳରେ ଇଟାଭାଟିରେ ଥିବା ଶ୍ରମିକମାନଙ୍କୁ ଆକ୍ରମଣ କରିଥିଲେ । ଶ୍ରମିକମାନେ ପ୍ରାଣ ବଞ୍ଚାଇ ପଳାଉଥିବା ବେଳେ ଦୁଇ ଜଣ ଶ୍ରମିକଙ୍କୁ ବାରହା କାମୁଡି ଗୁରୁତର କରିଛନ୍ତି । ଗୁରୁତର ଶ୍ରମିକ ଦୁଇ ଜଣଙ୍କୁ ଉଦ୍ଧାର କରାଯାଇ ଢେଙ୍କାନାଳ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁରୁତର ଶ୍ରମିକମାନେ ତରଭା ଗ୍ରାମର ଗୌରାଙ୍ଗ ସେନାପତି ଓ କାମାକ୍ଷାନଗର କଙ୍କଡାହାଡ଼ ଅଞ୍ଚଳର କାହ୍ନୁ ପ୍ରଧାନ ବୋଲି ଜଣାପଡିଛି । ତେବେ କାହ୍ନୁଙ୍କ ଅବସ୍ଥା ଶୋଚନୀୟ ଥିବାରୁ ତାଙ୍କୁ କଟକ ଏସସିବିକୁ ସ୍ଥାନାନ୍ତରିତ କରାଯାଇଛି ।