ବଡବିଲ ୧୮|୭: ଯୋଡା ଲେଙ୍ଗଡା ହଟିଂରେ ଭୁଜାଲି ମାଡରେ ଜଣେ ଯୁବକ ଓ ଜଣେ ମହିଳା ଗୁରୁତର ହୋଇଛନ୍ତି । ଗୁରୁତର ଯୁବକ ହେଉଛନ୍ତି ସୁରେନ୍ଦ୍ର ପୂର୍ତ୍ତୀ ଏବଂ ମହିଳା ଜଣଙ୍କ ହେଉଛନ୍ତି ରୁକ୍ମଣୀ ପାତ୍ର । ଉଭୟଙ୍କୁ ଗୁରୁତର ଅବସ୍ଥାରେ ଯୋଡା ଟାଟା ଷ୍ଟିଲ ମେଡିକାଲରେ ଭର୍ତ୍ତି କରାଯାଇଛି ।

ଭୁଜାଲି ମାଡରେ ସୁରେନ୍ଦ୍ରଙ୍କ ବାମ ହାତରେ ଗଭୀର ଆଘାତ ଲାଗିଥିବା ବେଳେ, ରୁକ୍ମଣୀଙ୍କ ମୁଣ୍ଡରେ କ୍ଷତ ହୋଇଛି । ନାଣ୍ଡୁ ନାମକ ଜଣେ ଯୁବକ ତାର ସାଙ୍ଗମାନଙ୍କ ସହି ହଟିଂରେ ବସି ମଦ ପିଉଥିବା ସମୟରେ ସେମାନଙ୍କୁ ବିରୋଧ କରିବାରୁ ସୁରେନ୍ଦ୍ର ପୂର୍ତ୍ତି ଓ ରୁକ୍ମଣୀ ପାତ୍ର ଆକ୍ରମଣର ଶିକାର ହୋଇଥିଲେ । ନାଣ୍ଡୁ ଏକ ଭୁଜାଲିରେ ସେମାନଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଯୋଡା ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଚଳାଇଛି ।