ସୋର ୧୩।୩: ଜମିବାଡି ବିବାଦକୁ ନେଇ ଆକ୍ରମଣ l ଆକ୍ରମଣରେ ଦୁଇ ଜଣ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି l ବାଲେଶ୍ବର ଜିଲ୍ଲା ଖଇରା ବ୍ଲକ ପଲସା ପଂଚାୟତ କୋଡିଆସାହି ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା ।

ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ଖଇରା ବ୍ଲକ ପଲସା ପଂଚାୟତ କୋଡିଆସାହି ଗ୍ରାମରେ ଜମିବାଡି ବିବାଦକୁ ନେଇ ରବୀନ୍ଦ୍ର ପଣ୍ଡାଙ୍କ ପରିବାର ଓ ପ୍ରଦୀପ ପଣ୍ଡାଙ୍କ ପରିବାର ମଧ୍ୟରେ ଦୀର୍ଘଦିନ ଧରି ବିବାଦ ଲାଗି ରହିଥିଲା l ସୋମବାର ରବୀନ୍ଦ୍ର ପଣ୍ଡା ବାଡ଼ ବୁଜିଥିବା ସ୍ଥାନରୁ ପ୍ରଦୀପ ପଣ୍ଡା ଓପାଡି ଦେବାରୁ ରବୀନ୍ଦ୍ରଙ୍କ ସ୍ତ୍ରୀ ସଙ୍ଗୀତା ପଣ୍ଡା ଏହାକୁ ବିରୋଧ କରିଥିଲେ l ଏଥିରେ  ଉତକ୍ଷିପ୍ତ ହୋଇ ପ୍ରଦୀପ ଓ ତାଙ୍କ ପରିବାର ସଂଘବଦ୍ଧ ଭାବେ ସଂଗୀତାଙ୍କୁ ଆକ୍ରମଣ କରିଥିଲେ l ଏହା  ଦେଖି  ସଂଗୀତାଙ୍କ ସ୍ୱାମୀ ରବୀନ୍ଦ୍ର ଛଡ଼ାଇବାକୁ ଆସିଥିବା ବେଳେ ପ୍ରଦୀପ ପରିବାର ଲୋକ ବାଡ଼ିରେ ରବୀନ୍ଦ୍ରକୁ ଆକ୍ରମଣ କରିଥିଲେ l ଆକ୍ରମଣରେ ରବୀନ୍ଦ୍ରଙ୍କ ମୁଣ୍ଡରେ ଗଭୀର ଆଘାତ ଲାଗିବା ପରେ ତାଙ୍କୁ ସ୍ଥାନୀୟ ଲୋକ ଖଇରା ମେଡିକାଲରେ ଭର୍ତ୍ତି କରିଛନ୍ତି l ପୋଲିସ ଘଟଣାର ତଦନ୍ତ ଆରମ୍ଭ କରିଛି  l