କଳାହାଣ୍ଡି ୧୪।୨: କଳାହାଣ୍ଡିରେ ବାଲି ବୋଝେଇ ଟ୍ରାକ୍ଟର ଓ ମକା ବୋଝେଇ ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣା ଫଳରେ ଦୁଇ ଗାଡିର ଡ୍ରାଇଭର ଗୁରୁତର ହୋଇଛନ୍ତି । ଉଭୟଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନାଯୋଗ୍ୟ ଯେ, ୨୬ ନମ୍ବର ଜାତୀୟ ରାଜପଥ ବଞ୍ଜାରୀ ମନ୍ଦିର ନିକଟରେ ବାଲି ବୋଝେଇ ଟ୍ରାକ୍ଟର ଓ ମକା ବୋଝେଇ ଟ୍ରକ୍ ମଧ୍ୟରେ ଧକ୍କା ହୋଇଛି ।

ଦୁର୍ଘଟଣା ଫଳରେ ଦୁଇ ଗାଡିର ଡ୍ରାଇଭର ଗୁରୁତର ହୋଇଛନ୍ତି । ଦୁର୍ଘଟଣା ଫଳରେ ମକା ବୋଝେଇ ଟ୍ରକ୍ ରାସ୍ତାରେ ଓଲଟି ପଡିଥିବାରୁ ଯାତାୟତ ବାଧାପ୍ରାପ୍ତ ହୋଇଛି ।