ସାକ୍ଷୀଗୋପାଳ ୧୫।୦୫: ସାକ୍ଷୀଗୋପାଳ ସାକ୍ଷୀ ଗୋପୀନାଥଙ୍କ ମନ୍ଦିରରେ ଅଣ ସେବାୟତଙ୍କ ଦାଦାଗିରି । ସଭାମଝିରେ ବରିଷ୍ଠ ସେବାୟତଙ୍କୁ ପିଟିଲେ । ସାକ୍ଷୀଗୋପିନାଥ ଠାକୁରଙ୍କ ବରିଷ୍ଠ ସେବାୟତ କିଶୋର ଚନ୍ଦ୍ର ମହାପାତ୍ରଙ୍କୁ ୨ ଜଣ ସେବାୟତ ଆକ୍ରମଣ କରିଛନ୍ତି ।
ଖବର ଅନୁଯାୟୀ, ସେବାୟତ ସଂଘର ପ୍ରତ୍ୟେକ ମାସ ଭଳି ମଙ୍ଗଳବାର ଦିନ (ସଂକ୍ରାନ୍ତି) ବୈଠକ ଅନୁଷ୍ଠିତ ହେଉଥିଲା। ସଂଘ ଦ୍ବାରା ପରିଚାଳିତ ଏକ ବେଆଇନ କାର୍ଯ୍ୟକୁ ନେଇ ଅଭିଯୋଗ କରାଗଲା। ସେହି ଅଭିଯୋଗକୁ ସଂଘର ସଭାପତି ଓ ସଂପାଦକଙ୍କ ଉପସ୍ଥିତିରେ ଆଲୋଚନା କରାଯିବା ସମୟରେ ହଠାତ୍ ୨ ଅଣ ସେବାୟତ କୃଷ୍ଣଚନ୍ଦ୍ର ମହାପାତ୍ର ଓ କୀର୍ତ୍ତି ରଞ୍ଜନ ମହାପାତ୍ର ଅତର୍କିତ ଭାବେ ଆକ୍ରମଣ କରିଥିଲେ। ସେମାନେ ଅଣ ସେବାୟତ ହୋଇଥିଲେ ମଧ୍ୟ ସେବାୟତ କହି ମନ୍ଦିରରେ ଯାତ୍ରୀଙ୍କୁ ଖରାପ ବ୍ୟବହାର କରି ଜବରଦସ୍ତି ଟଙ୍କା ଆଦାୟ କରୁଛନ୍ତି ବୋଲି ବରିଷ୍ଠ ସେବାୟତ କିଶୋର ମହାପାତ୍ର କହି ଆସୁଥିଲେ । ସେହି ସମୟରେ ଅଭିଯୋଗ କରିବାରୁ ଅଣ ସେବାୟତ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି ।