ବ୍ରହ୍ମପୁର ୨୨|୮: ଲାଞ୍ଚ ନେବା ବେଳେ ୨ ସରକାରୀ ଅଧିକାରୀଙ୍କୁ ଧରିଲା ଭିଜିଲାନ୍ସ । ଗୋଟିଏ ଦିନରେ ୨ ଜଣ ଦୁର୍ନୀତି ଗ୍ରସ୍ତ ସରକାରୀ କର୍ମଚାରୀଙ୍କୁ ବ୍ରହ୍ମପୁର ଭିଜିଲାନ୍ସ ଧରିଛି । ଭିଜିଲାନ୍ସ ଜାଲରେ ଧରାପଡିଥିବା ୨ ସରକାରୀ ବାବୁ ହେଲେ ଭଞ୍ଜନଗର ଉପଖଣ୍ଡ ଡାକ୍ତରଖାନା ସୁପରିଟେଣ୍ଡଣ୍ଟ ପୀତାମ୍ବର ଦାସ ଓ ବେଲଗୁଣ୍ଠା ବ୍ଲକ ଖଇରପୁଟ ପଞ୍ଚାୟତ ପିଇଓ ପଞ୍ଚାନନ ପ୍ରଧାନ ।
{"id":147511}![](https://www.prameyanews7.com/wp-content/uploads/2019/08/vlcsnap-2019-08-22-17h54m48s893.png)
ସୁପରିଟେଣ୍ଡଣ୍ଟ ପୀତାମ୍ବର, ଭାନୁମତି ଦାସ ନାମକ ମହିଳାଙ୍କ ଠାରୁ ସ୍ବାମୀଙ୍କ ଅପରେସନ ପାଇଁ ୫ ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ହାତରେ ଧରାପଡିଥିଲେ । ସେହିପରି ପଞ୍ଚାନନ, ପ୍ରଭାତ କୁମାର ଭୂୟାଁଙ୍କ ଠାରୁ ୫ ହଜାର ଟଙ୍କା ଲାଞ୍ଚ ନେଉଥିଲା ବେଳେ ଭିଜିଲାନ୍ସ ଫାଶରେ ପଡିଛନ୍ତି । ବ୍ରହ୍ମପୁର ଭିଜିଲାନ୍ସ ଏସପି ମାୟାଧର ସ୍ବାଇଁ ଏହି ବିଷୟରେ ସୂଚନା ଦେଇଛନ୍ତି ।