ଭୁବନେଶ୍ୱର ୧୯।୦୨ : ଭୁବନେଶ୍ୱରରୁ ଧରାପଡିଲେ ଦୁଇ ଆନ୍ତରାଜ୍ୟ ଗଞ୍ଜେଇ ବେପାରୀ । ଦୁଇ ବେପାରୀଙ୍କ ମଧ୍ୟରୁ ଜଣେ ଉତ୍ତରପ୍ରଦେଶର ମାନସିଂ ଯାଦବ ଓ ଅନ୍ୟଜଣେ ବିହାରର ମୁକେଶ କୁମାର ଯାଦବ ବୋଲି ଜଣାପଡିଛି । ଜବତ କାର୍‌ରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି ।

ଖବର ଅନୁଯାୟୀ,  ଘାଟିକିଆ ନିକଟରୁ ଦୁଇଟି କାରରୁ ୧୮୫ କେଜି ଗଞ୍ଜେଇ ଜବତ କରିବା ସହ ଦୁଇ ଆନ୍ତରାଜ୍ୟ ଗଞ୍ଜେଇ ବେପାରୀଙ୍କୁ ଗିରଫ କରିଛି ସ୍ଵତନ୍ତ୍ର ଟାସ୍କ ଫୋର୍ସ । ଦୁଇ ବେପାରୀଙ୍କ ମଧ୍ୟରୁ ଜଣେ ଉତ୍ତରପ୍ରଦେଶର ମାନସିଂ ଯାଦବ ଓ ଅନ୍ୟଜଣେ ବିହାରର ମୁକେଶ କୁମାର ଯାଦବ । ଦୁଇଟି କାର ଘଟିକିଆ ଅଞ୍ଚଳରେ ଯାଉଥିବା ନେଇ ଖବର ପାଇଥିଲା ଏସଟିଏଫ୍ ଟିମ୍ । ଏହାପରେ କମିଶନରେଟ୍ ପୋଲିସ ଓ ଏସଟିଏଫ୍ ଟିମ୍ ମିଳିତ ଭାବରେ ଚଢାଉ କରିଥିଲେ । କାରରୁ ଧରାପଡିଥିଲା ଗଞ୍ଜେଇ । ଏହି ଘଟଣାରେ ତଦନ୍ତ ଜାରି ରହିଛି ।