ଭଦ୍ରକ ୩।୧: ୧୬ନଂ ଜାତୀୟ ରାଜପଥ ବନ୍ତ ଛକ ନିକଟରେ ବସ୍-ଟ୍ରକ୍ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୨୮ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ବସ୍ରେ ଡ୍ରାଇଭର ସମେତ ଅନେକ ଯାତ୍ରୀ ଚାପି ହୋଇଥିବା ବେଳେ ସେମାନଙ୍କୁ ଅଗ୍ନିଶମ ବାହିନୀ କଟର ସାହାଯ୍ୟରେ କାଟି ଉଦ୍ଧାର କରୁଛନ୍ତି ।
{"id":206031,"sizeSlug":"large"}
ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ଧାମନଗର ଉର୍ସ ପର୍ବରୁ ବସ୍ରେ ଯାତ୍ରୀମାନେ ଆସୁଥିବା ସମୟରେ ଟ୍ରକ୍ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ବସ୍ରେ ଥିବା ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୨୮ରୁ ଅଧିକ ଯାତ୍ରୀ ଆହତ ହୋଇଥିବା ଜଣାପଡିଛି । ମୃତକ ହେଉଛନ୍ତି ଇଦୃଶ ବାସା ସାୟଦ ଏବଂ ଏସ୍.କେ. ନିଜାମୁଦ୍ଦିନ । ଆହତମାନଙ୍କ ମଧ୍ୟରୁ ୬ଜଣଙ୍କୁ କଟକ ବଡ ମେଡିକାଲ ଏବଂ ଜଣଙ୍କୁ ବାଲେଶ୍ବର ମେଡିକାଲକୁ ସ୍ଥାନାନ୍ତର କରାଯାଇଛି । ଆହତମାନଙ୍କ ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ ।
{"id":206039,"sizeSlug":"large"}
ବସ୍ଟି ଯାତ୍ରୀମାନଙ୍କୁ ନେଇ ଧାମନଗରରୁ ଚରମ୍ପା ରେଳ ଷ୍ଟେସନ ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣାଟି ଘଟିଛି । ଜାତୀୟ ରାଜପଥ ସମ୍ପ୍ରସାରଣ ଚାଲୁଥିବାରୁ ଗୋଟିଏ ରୁଟ୍ରେ ଟ୍ରକ୍ଟି ବିପରୀତ ଦିଗରୁ ଆସୁଥିଲା । ଫଳରେ ଟ୍ରକ୍-ବସ୍ ମୁହାଁମୁହିଁ ଧକ୍କା ହୋଇଥିବା ଜଣାପଡିଛି । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ କରିଛନ୍ତି । ଆମ୍ବୁଲାନ୍ସ ଯୋଗେ ଆହତମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
{"id":206032,"sizeSlug":"large"}
ବସ୍ରେ ଥିବା ସମସ୍ତ ଯାତ୍ରୀ ଶ୍ରଦ୍ଧାଳୁ ଥିଲେ । ଉର୍ସ ପର୍ବ ପାଇଁ ବିଭିନ୍ନ ଅଞ୍ଚଳରୁ ସେମାନେ ଧାମନଗରକୁ ଆସିଥିବା ଜଣାପଡିଛି । ତେବେ କେତେକ ଲୋକେ ବସ୍ ଭିତରେ ଚାପିହୋଇ ରହିଥିଲେ । ସେମାନଙ୍କୁ ଦମକଳବାହିନୀ କର୍ମଚାରୀ କଟର ସାହାଯ୍ୟରେ ବସ୍ ଓ ଟ୍ରକ୍କୁ କାଟି ବାହାର କରିଛନ୍ତି । ରାଜପଥ ସଂପ୍ରସାରଣ ଯୋଗୁଁ ଦୀର୍ଘଦିନ ଧରି ଗୋଟିଏ ପାର୍ଶ୍ବ ରାଜପଥକୁ ମରାମତି କାର୍ଯ୍ୟ ପାଇଁ ବନ୍ଦ କରାଯାଇଛି । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି ।
