ଭୁବନେଶ୍ୱର: ବିଧାନସଭାର ଚଳିତ ଅଧିବେଶନରୁ ବିଜେପିର ଦୁଇ ବିଧାୟକଙ୍କୁ ନିଲମ୍ବିତ କଲେ ବାଚସ୍ପିତ ପ୍ରମିଳା ମଲ୍ଲିକ। ବାଚସ୍ପତିଙ୍କ ପୋଡ଼ିୟମ୍‌କୁ ଡାଲି ଫିଙ୍ଗିବା ଘଟଣାରେ ଦୁଇ ବିଧାୟକଙ୍କୁ ନିଲମ୍ବିତ କରାଯାଇଛି। ବିଜେପି ବିଧାୟକ ମୁକେଶ ମହାଲିଙ୍ଗ ଓ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କୁ ନିଲମ୍ବିତ କରାଯାଇଛି।

ବାଚସ୍ପତିଙ୍କ ପୋଡିୟମକୁ ଡାଲି ଫିଙ୍ଗିବା ଘଟଣା, ନିଲମ୍ବିତ ହେଲେ ବିରୋଧୀ ଦଳ ମୁଖ୍ୟ ସଚେତକ#OdishaAssembly #BJPMlaSuspend #PrameyaNews7 pic.twitter.com/xPTvmeKJzv

— Prameya News7 (@NEWS7Odia) September 28, 2023

ଏହା ପୂର୍ବରୁ ଆଜି ବିଧାନସଭାରେ ବିଜେଡି ବିଧାୟକ ଅରୁଣ ସାହୁଙ୍କ ବୟାନକୁ ନେଇ ହୋହଲ୍ଲା ହୋଇଥିଲା। ବିରୋଧୀ ବିଜେପିକୁ ଟାର୍ଗେଟ୍ କରି ଅରୁଣ କହିଥିଲେ ଯେ ବିରୋଧୀ ଦଳର ସଦସ୍ୟମାନେ ସୁସ୍ଥ ମାନସିକତା ନେଇ ଗୃହକୁ ଆସିବା ଦରକାର। ଏହାପରେ ବିଜେପି ବିଧାୟକମାନେ ଗୃହ ମଝିକୁ ଆସି ପ୍ରବଳ ହୋହଲ୍ଲା କରିଥିଲେ। ଫଳରେ ବାଚସ୍ପତି ଗୃହ ମୁଲତବୀ ରଖିଥିଲେ।

ପଢନ୍ତୁ-୨ ବର୍ଷରେ ସାପ କାମୁଡ଼ା​‌ରେ ୧୩୩୬ ମୃତ, ବିଧାନସଭାରେ ଉତ୍ତର ରଖିଲେ ରାଜସ୍ବ ମନ୍ତ୍ରୀ