ବାଲିପାଟଣା ୧୦।୨: ପୁଣି ଧଳା ଜହର ଜବତ । ଅଭିଯୋଗରେ ଦୁଇ ଜଣଙ୍କୁ ଗିରଫ କରାଯାଇଛି । ଡ୍ରଗ୍ ଟାସ୍କ ଫୋର୍ସ ଚଢାଉ କରି ୧୫୫ ଗ୍ରାମ୍ ବ୍ରାଉନସୁଗାର ଜବତ କରିଛି । ଗିରଫ ଦୁଇ ଅଭିଯୁକ୍ତ ହେଲେ ଜଳେଶ୍ଵର ଥାନା ରାଜପୁରବସ୍ତିର ଦୁଇ ବେପାରୀ ସେଖ୍ ମହିଦୁଲ୍ ଏବଂ ସେଖ୍ ଅଜବାହାର ।

କୌଣସି ସୂତ୍ରରୁ ଖବର ପାଇ ରବିବାର ସଂଧ୍ୟା ସମୟରେ ବାଲିଅନ୍ତା ଥାନା ନଖରା ୧୬ନମ୍ବର ଜାତୀୟ ରାଜପଥ ଓଭରବ୍ରିଜ୍ ଉପରେ ଅଚାନକ ଚଢାଉ କରିଥିଲା ଡ୍ରଗ୍ ଟାସ୍କ ଫୋର୍ସ । ଦୁଇ ଜଣଙ୍କ ନିକଟରୁ ୧୫୫ଗ୍ରାମ ବ୍ରାଉନସୁଗାର ଜବତ କରିବା ସହ ସେମାନଙ୍କ ନିକଟରୁ ଗୋଟିଏ ମୋଟର ସାଇକେଲ ଓ ତିନୋଟି ମୋବାଇଲ୍ ଫୋନକୁ ମଧ୍ୟ ଜବତ କରାଯାଇଛି । ତେବେ ଏଥିରେ ଅନ୍ୟ କେଉଁମାନେ ସଂପୃକ୍ତ ଅଛନ୍ତି ତାର ଅଧିକ ତଦନ୍ତ ଜାରି ରହିଛି ।