ନୂଆଦିଲ୍ଲୀ: ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତୈନ୍ଦ୍ର ଜୈନଙ୍କ ଟ୍ୱିଟର ପ୍ରୋଫାଇଲ୍ରୁ ହଟିଲା ବ୍ଲୁ ଟିକ୍। ଶ୍ରୀ ଜୈନ୍ ଆର୍ଥିକ ହେର୍ଫେର୍ ମାମଲାରେ ବର୍ତ୍ତମାନ ଦିଲ୍ଲୀର ତିହାର ଜେଲ୍ରେ ଥିବା ବେଳେ ଟ୍ୱିଟର ତାଙ୍କ ପ୍ରୋଫାଇଲ୍ରୁ ବ୍ଲୁ ଟିକ୍ ହଟାଇ ଦେଇଛି।
ସତୈନ୍ଦ୍ର ଅନେକ ଦିନ ହେବ ଟ୍ୱିଟ୍ କରି ନାହାନ୍ତି। ସେ ଗିରଫ ହେବାର ଦିନକ ପୂର୍ବରୁ ଟ୍ୱିଟ୍ କରିଥିଲେ। ମେ ୨୯ ତାରିଖ ୨୦୨୨ରେ ଶେଷ ଟ୍ୱିଟ୍ କରି ସେ ତାଙ୍କ ଗିରଫଦାରୀକୁ ନେଇ କେନ୍ଦ୍ରକୁ ଟାର୍ଗେଟ୍ କରିଥିଲେ। ଏହାପରେ ତାଙ୍କୁ ଗିରଫ କରାଯାଇଥିଲା। ଏହାପରେ ଦିଲ୍ଲୀ ପୁଲିସ ତାଙ୍କୁ ଗିରଫ କରି ନେଇଯାଇଥିଲା।
wp:html/wp:htmlअब तो ट्विटर तक ने @SatyendarJain की मान्यता वापस ले ली @ArvindKejriwal जी अब तो उन्हे मंत्रीमंडल से हटा दो।@Twitter Withdraws Jain's Blue Tick@BJP4Delhi @TajinderBagga @rohitTeamBJP @Punitspeaks @PandaJay @ZeeDNHNews @aajtak @Republic_Bharat @Priyankakandpal @DelhiTotaltv pic.twitter.com/M6WF2xdLku
— Praveen Shankar Kapoor (@praveenskapoor) February 17, 2023
ସତୈନ୍ଦ୍ର ଜୈନ୍ଙ୍କ ଟ୍ୱିଟର ପ୍ରୋଫାଇଲ୍ରୁ ବ୍ଲୁ ଟିକ୍ ହଟିବା ପରେ ବିଜେପି ପ୍ରବକ୍ତା ପ୍ରବୀଣ ଶଙ୍କର କପୁର ଆପ୍କୁ କଟାକ୍ଷ କରିଛନ୍ତି। ଶେଷରେ ଟ୍ୱିଟର ବି ଆପ୍ ନେତାଙ୍କ ଠାରୁ ପରିଚୟ ଛଡ଼ାଇ ନେଲା। ଅନ୍ତତ ପକ୍ଷେ ଏବେ ତ ତାଙ୍କୁ ଦିଲ୍ଲୀ ମୁଖ୍ୟମନ୍ତ୍ରୀ କ୍ୟାବିନେଟ୍ରୁ ବହିସ୍କାର କରନ୍ତୁ ବୋଲି ପ୍ରବୀଣ ଟ୍ୱିଟ୍ କରିଛନ୍ତି।
ସୂଚନା ଥାଉକି, ଆର୍ଥିକ ହେର୍ଫେର୍ ମାମଲାରେ ସତୈନ୍ଦ୍ର ଜେନ୍ଙ୍କୁ ୩୦ ମେ ୨୦୨୨ରେ ଗିରଫ କରାଯାଇଥିଲା। ଗତବର୍ଷ ଏପ୍ରିଲରେ ଜୈନ୍ ଓ ପରିବାର ସଦସ୍ୟଙ୍କ ଠାରୁ ୪.୮୧ କୋଟି ଟଙ୍କାର ଆୟବହିର୍ଭୁତ ସମ୍ପତ୍ତି ଠାବ କରିଥିଲା ଇଡି। ହେଲେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କୌଣସି ଦୁର୍ନୀତି ଘଟଣାକୁ ଅସ୍ୱୀକାର କରିଛନ୍ତି। ଜୈନ୍ଙ୍କୁ ଫସାଯାଇଛି ବୋଲି କହି ଏପର୍ଯ୍ୟନ୍ତ ତାଙ୍କୁ ମନ୍ତ୍ରୀ ମଣ୍ଡଳରୁ ବାହାର କରି ନାହାନ୍ତି କେଜରିୱାଲ୍।
