ନୂଆଦିଲ୍ଲୀ, ୨୧/୦୩: ଏଣିକି ଟ୍ବିଟର ସବସ୍କ୍ରାଇବର ଅଧିକ ଲମ୍ବା ଟ୍ବିଟ୍ କରିପାରିବେ।କାରଣ ଟ୍ବିଟ୍ରରେ ଟ୍ବିଟ୍ ପୋଷ୍ଟ କରିବା ପାଇଁ ଥିବା ଅକ୍ଷର ୮ ହଜାରରୁ ୧୦ ହଜାର କରିବାକୁ ଯାଉଛି ଟ୍ବିଟର। ଟ୍ବିଟର ସିଇଓ ଏଲନ୍ ମସ୍କ ମଙ୍ଗଳବାର କହିଛନ୍ତି ଯେ ପ୍ଳାଟଫର୍ମ ଖୁବ୍ଶୀଘ୍ର ଏହି ସୁବିଧା ଆଣିବାକୁ ଯାଉଛି। ସେ କହିଛନ୍ତି କମ୍ପାନି ସରଳ ଫର୍ମାଟିଙ୍ଗ୍ ଟୁଲ୍ ସହ ଖବ୍ଶୀଘ୍ର ୧୦ ହଜାର ଅକ୍ଷରର ଟ୍ବିଟ୍ ଫର୍ମ ବଢ଼ାଇବାକୁ ଯାଉଛି।
ଏହା ପୂର୍ବରୁ ମସ୍କ ଚଳିତ ମାସ ଆରମ୍ଭରେ ହିଁ କହିଥିଲେ ଯେ କମ୍ପାନି ଲମ୍ବା ଟ୍ବିଟ୍କୁ ୧୦ ହଜାର ଅକ୍ଷର ପର୍ଯ୍ୟନ୍ତ ବଢ଼ାଇବ। ଗତ ମାସରେ କମ୍ପାନି ଆମେରିକାରେ ବ୍ଲୁ ସବସ୍କ୍ରାଇବରଙ୍କ ପାଇଁ ପ୍ଲାଟଫର୍ମରେ ୪ ହଜାର ଅକ୍ଷର ପର୍ଯ୍ୟନ୍ତ ଲମ୍ବା ଟ୍ବିଟ୍ ସୁବିଧାର ଘୋଷଣା କରିଥିଲା। କେବଳା ବ୍ଲୁ ସବସ୍କ୍ରାଇବର ହିଁ ଲମ୍ବା ଟ୍ବିଟ୍ ପୋଷ୍ଟ କରିପାରିବେ। କିନ୍ତୁ ଅଣ ସବସ୍କ୍ରାଇବର ତାଙ୍କ ଟ୍ବିଟ୍ ପଢ଼ିପାରିବେ, ରିପ୍ଲାଏ, ରିଟ୍ବିଟ୍ ଏବଂ କୋଟ୍ କରିପାରିବେ। ପୂର୍ବରୁ ଟ୍ବିଟ୍ କେବଳ ୨୮୦ ଅକ୍ଷର ପର୍ଯ୍ୟନ୍ତ ସୀମିତ ଥିଲା ଯାହା ଏବେ ଅଣ-ସବସ୍କ୍ରାଇବରଙ୍କ ଉପରେ ଲାଗୁ ହେଉଛି।
ସୂଚନାଯୋଗ୍ୟ, ଗତ ବର୍ଷ ଅକ୍ଟୋବରରେ ଏଲନ ମସ୍କ ମାଇକ୍ରୋ ବ୍ଲଗିଂ ସାଇଟ୍ ଟ୍ବିଟରକୁ କିଣିଥିଲେ। ଯାହାପରେ ଟ୍ବିଟରରେ ଅନେକ ପରିବର୍ତ୍ତନ ହୋଇଛି। ଅନେକ ଫିଚର୍ସ ଯୋଡ଼ା ଯାଇଛି। ଯେଉଁଥିରେ ଟ୍ବିଟର ସବସ୍କ୍ରିପସନ ଭଳି ଫିଚର୍ସ ରହିଛି। ଅର୍ଥାତ୍ ୟୁଜର୍ସ ଟଙ୍କା ଦେଇ ଏହି ସବସ୍କ୍ରିପସନ କିଣିବାକୁ ପଡ଼ିବ । ଯେଉଁଥିରେ ଟ୍ବିଟ୍କୁ ଏଡିଟ୍ କରିବା ସହ ଅନେକ ଫିଚର୍ସ ମଧ୍ୟ ରହିଛି।
