ବାଲିପାଟଣା ୨୪।୮: ପୋଲିସ ହେପାଜତରେ ଥିବା ବେଳେ ଆସିଛି ଧମକପୂର୍ଣ୍ଣ କଲ । ଟଙ୍କା ଦିଅ ନ ହେଲେ ହତ୍ୟା କରିଦେବୁ । ବାଲିପାଟଣା ମନୋଜ ଅପହରଣ ଘଟଣା ପଛରେ ରହିଛି ଭୟଙ୍କର ଷଡଯନ୍ତ୍ର । ମନୋଜ ଅପହରଣ ପଛରେ କାହାର ହାତ ରହିଛି ?
ଗତ ୧୪ ତାରିଖରୁ ଗଞ୍ଜେଇ ବେପାରୀ ମନୋଜ କୁମାର ରାଉତ ବାଲିପାଟଣା ମଧୁବନ ଛକରୁ ରାତ୍ରି ପ୍ରାୟ ୮ଟା ୩୦ରେ ଅପହୃତ ହୋଇଥିଲେ । ପରେ ୫ ଲକ୍ଷ ଟଙ୍କା ମୁଣ୍ଡ ଜାମିନ୍ ଥିବା ମନୋଜ ପରିବାର ଲୋକଙ୍କୁ ଫୋନ୍ କରି କହିଥିଲେ । ଡିଲ୍ ୩ ଲକ୍ଷରେ ଫାଇନାଲ୍ ହେବା ପରେ ଫୋନ୍ ପେ ନମ୍ବର ୭୮୯୯୮୪୮୭୭୯ (ରକ୍ଷିତ କୁମାର) ରେ ୪ଟି କିସ୍ତିରେ ୧ ଲକ୍ଷ ୨୦ ହଜାର ଟଙ୍କା ଦେଇଥିଲେ ପରିବାର । ପରେ ଏନେଇ ଖବର ପ୍ରସାରିତ ହେବା ପରେ ବାଲିପାଟଣା ପୋଲିସ ଆକ୍ସନ ମୋଡକୁ ଆସିଥିଲା । ନମ୍ବର ଟ୍ରାକ୍ କରିବା ପରେ ଗଞ୍ଜେଇ ବେପାରୀ ମନୋଜ ଏବଂ ପ୍ରତାପ କର୍ଣ୍ଣାଟକ କାମ୍ପେଗୈଡା ନଗର ପୋଲିସ ଷ୍ଟେସନରେ ଥିବା ଜଣା ପଡିଥିଲା । କର୍ଣ୍ଣାଟକ ପୋଲିସ ମନୋଜକୁ ବାଲିପାଟଣା ମଧୁବନ ଛକରୁ ଉଠାଇ ନେଇଥିବା ଜଣାପଡ଼ିଥିଲା । ମନୋଜ ଆକାଉଣ୍ଟକୁ ପଠାଯାଇଥିବା ୧ ଲକ୍ଷ ଟଙ୍କା ମଧ୍ୟ ଉଠାଇ ନିଆଯାଇଛି ।
ଏହା ପରେ ମଧ୍ୟ ମଙ୍ଗଳବାର ଦିନ ମନୋଜ ପରିବାର ଲୋକଙ୍କୁ ଫୋନ୍ କରି ଆଉ ୨ ଲକ୍ଷ ଟଙ୍କା ଡିମାଣ୍ଡ କରିଥିବା କହିଥିଲେ । ଅନ୍ୟ ଯେଉଁ ଗଞ୍ଜେଇ ବେପାରୀ ଏଠାରେ ଥିଲେ ସେମାନେ ଟଙ୍କା ଦେଇ ଏଠାରୁ ଚାଲିଗଲେଣି । ଏହା ଜାଣିବା ପରେ ସମସ୍ତଙ୍କ ହୋସ୍ ଉଡିଯାଇଥିଲା । ମନୋଜ ପୋଲିସ ହେପାଜତରେ ଥିବା ବେଳେ କିଏ ଏହି ଅପହରଣ ନାଟକ ଖେଳିଛି । ଫୋନ୍ ପେ ନମ୍ବରରେ ଟଙ୍କା ନେଇଥିବା ରକ୍ଷିତ କୁମାର କିଏ ? ଏହା ପଛରେ କର୍ଣ୍ଣାଟକ ପୋଲିସର ହାତ ନାହିଁ ତ ? ଯଦି ଏଭଳି ହୋଇଥାଏ ତେବେ ଘଟଣା କେତେ ଭୟଙ୍କର ତାହା ଅନୁମାନ କରିହେଉଛି । ଏ ସମସ୍ତ ଘଟଣାର ତଦନ୍ତ କରି କମିଶନରେଟ୍ ପୋଲିସ ପ୍ରକୃତ ଘଟଣା ଉପରୁ ପର୍ଦ୍ଦା ଉଠାଇବା ନିହାତି ଆବଶ୍ୟକ ।
